شو رايكم بشرطة العين وبالذات المرور والمتابعة

31 thoughts on “شو رايكم بشرطة العين وبالذات المرور والمتابعة”

1. انا من زمان ابا اتكلم
   لكن الله يسلم اذا تكلمت
   وانا اعرف ان الكل بيقول انه في شباب مستهترين ودواهم يتأدبون
   لكن انا قريب الاربعين والحمدلله عاقل
   بعطيكم مثال
   مره سرت فندق روتانا العين عندي اجتماع وطالع من بوظبي وراجع
   وما فيه ولا باركن فاضي
   ووقفت يمب الرصيف ولونه ابيض واسود .. مش اصفر واسود
   لمدة ساعه
   شو تعتقدون خالفني الشرطي
   اول مخالفه الوقوف في مكان ممنوع ,,,, قلنا ما عليه
   الثانيه الوقوف في وسط الطريق ,,, هذي عاد اللي ظهرت لي قرووووون
   اتصلت بالعمليات وخبرتهم وطرشوا لي ثلاث دوريات
   وسألتهم ليش هالكثر الظلم
   وليش مخالفتين لنفس السبب
   الكاميرا مالت السيكيوريتي موجوده
   وسألتهم
   اذا الرصيف اليمين وسط الطريق !!!!!
   والرصيف اليسار بعد وسط الطريق !!!!!!
   ووسط الطريق بعد وسط الطريق !!!!!

   عيل وين كتف الطريق ؟؟؟؟
   

   ولا واحد عرف يجاوب !!!!!
   وقلت لهم يا اخواني يا شرطه اعتبروني ما افهم وشرحوا لي
   هل هذي المخالفه صح ….. محد عرف يجاوب
   قالوا لي راجع الضابط باجر في العين ………. قلت لهم انا من بوظبي وعندي ستين شغله
   قالوا عيل بعدها طويله ..وبكل ابتسامه ساخره… قالوا بعده وراك تحقيق اذا تبا تكنسل المخالفه او اذا عندك اعتراض ويمكن السالفه فيها وكيل نيابه ويمكن ويمكن وفي الاخير تراهم بيصدقون الشرطي وما بيصدقونك

   قلت لهم انزين هذا المكان ما فيه باركن فاضي
   قالوا دبر نفسك وتعال في تكسي !!!!!!! ( قمة الاستغراب)

   تبغون الصدق
   

   اللي ما يخلص منهم دفتر مخالفاته ما يطلع اجااااازه و و و ,,,
   هذا الكلام اللي نسمعه منهم

   ولا تقولون انا متهور والا طايش ………. انا شيبه وعاقل
   

   ومره سرت لابوي شالتنه الاسعاف للمستشفى
   وكلتلي مخالفات فالطريق من دخلت بس العين يمكن قناصين وكم مخالفه و 12 نقطه وكلهن في الشوارع اللي على اطراف مدينة العين ؟؟؟؟

   انا شفت لقاء مره مع الشيخ العبيكان المفتي السعودي اذا في حد ما يعرفه
   سأله المذيع عن مخالفات الرادار والشرطه
   قال الشيخ وبمعنى كلامه
   المسلم لا يعامل بهذا الاسلوب
   لان المسلم يعتبر انسان عاقل وكيس ولا يأخذ بجريرة الجهال
   واذا كان الشارع سرعته ثمانين وهو مشا مائه وعشرين او مئه واربعين فهو عاقل ويعرف يقيس اذا الطريق فاضي او مزدحم
   وهذا المال احق به اهله
   وان السلطان اذا ضيق على شعبه ضيق الله عليه
   والسلطان هنا الشرطه وبصراحه مضيقه علي

   والكلام اللي نسمعه من بعض الشرطه اعتبر بعضه غير منطقي
   يقولون انه لما حطينا الرادارات قلت نسبة الحوادث بناء على الاحصائيات السابقه

   ولكن الاحصائيات السابقه مب مرجع
   لان الشوارع تغيرت وكبرت وتعدلت
   ولان السيارات زادت معايير السلامه فيها

   اما اييب احصائيه يوم السيارات كانت جيتي ولاندروفر وداتسن والشارع سيد ورون سيد وما فيه اضاءه واعتبرهن مرجع
   هذا غلط

   يلين الحين انا ما سمعت او شفت شرطي يوقف واحد يمشي 60 في السيد اليمين ووراه طابور سيارات لان السرعه فالشارع 120
   
   ويلين الحين اشوف السيارات كلها متكوده في السيد اليسار والنص اما اليمين فاضي !!!!!
   
   الشرطه المفروض تثقف مب تمص فلوس الناس
   

   وكثير من الناس دخلها محدود
   واغلب الناس شغلها بعيد عن بيتها
   والقناص قاعد لهم بالمرصاد من صوب
   والمدير قاعد يطالع الساعه ويحسب عليهم التأخير عن الدوام من صوب
   والتكاسي تزاحمهم في الشوارع بسواقين ما عندهم ليسن الا من كم شهر من صوب
   وغير وغير

   لكن ما اقول الا الله المستعان
   
   وقلت لكم ما ابا اتكللللللم — ششششش

   انا استوت لي بعد

   كان عندنا امتحان الساعه 7 فجامعة الامارات فالمعهد الاسلامي الي فالسوق ,, وشي طبيعي 1000 طالب يمتحن فنفس الوقت وماشي باركنات .!!

   والشباب يوقفون ع الطرف اليسار من الباركنات ,, وبين المواقف والطرف اليسار فالباركنات تروم تمشي فيه سيارتين ..

   يانا واحد من التحريات والقهر مطوع وخالف 200 موتر .!!!

   خالفني الوقوف في منتصف الطريق ,, والوقوف بدون سبب مادري شو اسمها ,, وعرقلة حركة سير .!!

   رحت التحقيق عند ملازم اول .. قالي من حقه .!!

   قلت له انزين ماشي باركناات ,, ووين منتصف الطريق والوقوف بدون حاجه .. عندي امتحان .!!

   قالي والله تروم توقف فباركنات مال الكهربا واتم تمشي .!!

   قلت له لاا والله ماشي ممر مشاه وحديقه فالنص بين الشارعين والشارع زحمه يعني يبالي نص ساعه عسب بس اوصل الجامعه .!!

   وبعدين نحن فباركنات الجامعه وهب معرقلين السير ,, قالي تبا تحولها النيابه بحولها بس بيصدقون الشرطي وبيزيدون المخالفه .. من القهر الي فيني طريتها وفريتها فالزباله ,,

   شو نسوي بعد شي ناس ماتقدررر ,, مانقول غير حسبي الله ونعم الوكيل
   

2. الله المستعان انزين يثبتون هالرادار الابيض الي فالشوارع ويحطونه على كل شوارع العين

   ويفكونا من القناص

   ولا يخششونه بين النخل و لا بين السيايير

   <<== مقهور عليه 5000 بسبه القناص والموتر منتهي خخخخ

   ولي يقولي ليش مسرع وليش مادري شو

   ترا كل مره يقبضني على 121 مادري ليش مثبتين على هالرقم بالظبط

   مب اني اسوق 200

3. في كلام طيب وكلام في شي من الغلط
   قناص نفس ما قال واحد من الشباب ان من مصلحتنا
   لكن في نفس الوق خلاص حفظنا الاماكن يعني مافرقت
   وبخصوص التفاتيش الي تستوي
   انا عندي موتر fj_trd
   وخالفوني ضجيج 500 مخالفة و30 يوم حجز
   والموتر ياي من الوكاله جذي
   واقول حق بطل البونيت وشوف ولا سوالي سالفه وكتب المخالفه
   حسسني ان هو بيستلم فلوس المخاالفه
   يالربع

4. 
   ياشوارع مخبقه ولا خطين ودوار..

   والله اني شايف واحد قالص له قالوصه استيشن رمادي ومسرع 180 ياخي خاف ربك !!!! ولا الثاني وياه عيال ومطير
   

   
   تبي الصراااااااااااحه يا خوي .. صدق كلامك .. خاااصه اهل القالوصه هذيل .. يمسكون اليسار ويسرعون .. خاااااااصه ع درب بوظبي العين .. وآخرتها عشان يلحق ع التطعيس ومدري شوو .. شوو هالغباء .. حتى اشارات التنبيه ما يفتحها .. مب كأنه يسحب وراه بلاوي ..

   وشوارع العين مافيها مجال الواحد يسرع بس الله لا يوريك الطيش ع طريق المطار .. من دوار السلامات لين دوار مطار العين .. خذ رااااااااااااااحتك ..

   اما بالنسبة للتفحيط والتقحيص ف بوظبي عيالها مب مقصرين أبدا ..

   لكن عبط الشرطه بعده موجود .. واتوقع صارت اسوأ من جشع التجار .. صارت تنهب بضمير فلوس الناس وهذا هدفها من كل شي كاميرا .. رادار .. قناس .. …..الخ

   الله يستر علينا بس ..
   

5. انا ويا قناص معني احب السرعه لكن هالشيء خلاني احاسب والله ياجماعه لاتقوولون
   تبهدلنا انته ياي مطير شوه وراك خاصه العين الشوارع ماتسمح انك تزامط ولا تسرع ؟ وين عندك مجال فهمني عاد
   ياشوارع مخبقه ولا خطين ودوار انا قبل يومين شايف حادث مكسيما وفتك الساعه 2 الفليل هب قادرين يطلعونه
   يالسين يقصون عنه !!! شو السبب ؟ لاحد يقول مقدر ومكتوب انته تسرع واطير وتموت وتقول مقدر ؟ ولا تشل وياك
   حد وهم مالهم ذنب ؟ اذا انته ماوراك اهل في ناس في الشوارع هلهم يتريونهم ويبونهم . .
   يعني دوار المدارس الخاصه لين دوار جسر فلي هزاع كله مداااارس ويهال وشباب يتخطون الشوارع والعام واحد مطير
   داعم له ولد ساير الدوام !! ودوار الطويه وبن عزيز والدعاس اللي يستوي فيه معنى الشوارع محفره ويالسين يشتغلون
   فيهن والله اني شايف واحد قالص له قالوصه استيشن رمادي ومسرع 180 ياخي خاف ربك !!!! ولا الثاني وياه عيال ومطير
   انا لو من المرور بحفر النخله وبحط الرادار فيها هههههههه خلاصه كلامي انا ويا مخالفات الرادار وقناص لكن اللي ايييك واحد
   ويفضي دفتر المخالفات عليك وظلم هذا حاله ثانيه وهو وضميره …………………..

Comments are closed.