السلام عليكم
حبيت أسأل عن أرائكم الشخصية في الاودي ” Audi بشكل عام لاني ناوي اشتريها ان شاء الله.. بصراحة هي على الشكل ما عليها كلام بس اللي ابي اعرفه اذا فيها عيوب وما هي احسن مميزاتها وهل هي عمليه وحق مكده والا خرباته وايد ورايكم في الوكاله ايضا
ولكم خالص الشكر
شوف يا اخوي اودي كاستخدام ما فيه حيله
لاكن اذا خذيت اودي لا تفكر باجر اتقول ابا ابيعها لان سعرها بطيح طيحه قويه
ولد عمي كانت عنده a6 موديله ٢٠٠٩ ما كملت ثلاث اشهر قلتله تعال ناخذ لفه صوب ربعنا ف المعارض و خذنا والله قالو بناخذها ب ٩٠ الف
و هو كان مظهرنها ب٢١٥ يعني شوف الفرق بينهم بس على ذيج الايام كان جي سعرها اليوم ما ادري كيف اسعارهم
السيارة قمة ف الروعه وتستاهل
من اول ماتاخذها جدد ضمانها 5 سنوات وحاول معها تاخذها بكونتراكت سيرفيس
السيارة تستاهل دامها تحت الضمان لاتحاتي
رمضان كريم وكل عام وانت بخير ,,,
قبل ما أقول لك رآي عندي سؤال ؟ ليش السيارات الوربيه بشكل عام تطيح قيمتها بشكل كبير بعد ما يشتريها الواحد !!!
أترك الإجابه لك ؟
بشكل عام السيارات الألمانيه كشكل ما يحتاي ولا يعلي عليه وكل سياره احلى من الثانيه : البي إم حلو والمرسيدس حلو والودي حلوه وحتى البورش اليديد البانوميرا بعد حلوه بس هل الشكل وحده كافي ان الواحد يشتري السياره !!!!!
بعد بترك الإجابه لك ؟
وإجابة السؤالين رايح تحدد هل بتشتري السياره أو لا !!!!
شف المقطه هذا عن الاودي اليديده واتوقع أنها بتنزل في 2011 أو 2012
Audi Worldwide > Models > A8 > A8
http://www.audipic.com/audi/2009/09/…backlarson.jpg
الله يبارك في حياتك بس الا في خاطري a5 sportback اربع سلندر تربو اليديده اذا عندك فكره عنها
و يعطيك العافية
مبارك عليك الشهر اخوي
بالنسبه للأودي بصراحه مافيها حيله اذا كانت 8 سلندر a8 موتر مال كراف بس قطع غياره أغلا من المرسيدس بس يكد
يعني الموتر مكده بس لاتنسى ان سعره وايد ينزل
ومبروك مقدما”