السلام عليكم ورحمة الله وبركاته ،،،،
نغير شوي ونشوف كل واحد شو يسوي يوم يكون فاضي في دوامه
عن نفسي ساعات أعاني من البطالة في الشغل وهاي يسمونها (بطالة مقنعة) يعني اذا ما داومت عادي ما بتصير أزمة وأحيانا الشغل من كثره نتأخر
خل نشوف كل واحد كيف يستغل هالفراغ
في ناس يشردون
في ناس يقرقرون في التلفون
في ناس يقرون قرآن
في ناس يحاوطون في الدوام
في ناس يرقدون في غرفة الأرشيف
في ناس وهاذيل الأغلبية ايلسون على النت
games في ناس يلعبون
في ناس يخلصون أشغالهم الخاصة
في ناس يستغفرون
وفي ناس يشوفون الأسهم
وفي ناس كاس شاي ساير فنيان قهوة ياي وهكذا
خبرونا شو تسوون ؟ وقولوا اذا هالشي صح ولا غلط ..؟
وكيف نعالجه اذا خطأ …. 
اول شيء اسويه اقرأ اذكاري
بعدين ايلس على المنتدى طوال الوقت تقريباً
اتريق ،
مرات العب العاب فيها الغاز
مرات ادش موقع الامزون اطمش
اقرأ الجرايد
بس مب من النوع اللي اتنطط من مكتب لمكتب
يالسه في حالي (جالس لحالي ولحالي هزني الشوق وذكرته )
يم يم ما اشرب وايد قهوه وشاي
وبس
طبعاً يختلف مع اختلاف فصول السنه يعني في الصيف يقل وايد الشغل وقد ينعدم احياناً
^_^
الله يخلي التلفون ويخلي الشات علي الكمنكيتر وخاصه يوم يكون المسؤؤؤؤؤؤؤؤؤؤؤل يرفع الضقط ووقت الفراق يختلف من شخص لشخص علي حسب الشغل وطبيعته
اذا كنت فاضي احاول ارتب المكتب ولا اقرى جريدة
بس في ناس يحطون في بالهم الي ياخذ جولات من قسم لقسم ينقل الرمسه لاتفهمني غلط اخوي LeXuSeR ^^
تسلم ع الموضوع
اذا كنت فاضي و شفت مسؤولي فاضي اسير ايلس عنده ضرب سوالف شويه
او اخذ جولة عالمكاتب و ناخذ علوم الشباب
وعليكم السلام ورحمة الله وبركاته
حياالله اختي باب بدون بيت
أهم شئ التغير في طرح المواضيع
لأن مؤخراً أصبحتي شرات وزيرة الأمن القومي الأمريكية كوندليزا رايس بمواضيعج الأجتماعية
ــــــــــــــــــــــــــــــــــــ
عن نفسي في الدوام كوكتيل او بالأصح أغلب ما ذكرتي
تحياتي لكم
وشكراً على هذا الموضوع الرايق