السوأل الي ما تحب احد يسألك اياه ؟
كل واحد ووحده مننا عندها تحفظات على اشياء كثيره
ومن ضمن هالتحفظات اسئله معينه يضايق لو احد سأله عنها
مثلا في بنات وسيدات ما تحب احد يسألها عن عمرها او اذا كانت عايشه قصة حب …. الخ ؟
وفي رجال ما يحب احد يسأله عن اسم زوجته او عن راتبه …. الخ ؟
يا هل ترى انت وانتي شو اكثر سؤال ممكن يضايقك لو احد سأله هو ؟
ياريت نكون صريحين مع بعض عشان نعرف شو السؤال الي يزعل البعض و نتجنبها
انـــا عــن نــفــسي ماحب حــد يســألني شو رايـــج فيــني أو ليش ساكته ..
اتمنى الجميع يتفاعل مع الموضوع
يسلمــــوووو عزيزي عش البلبل على المشــــــاركــــــــه ^_____^
شكرا عالموضوع
الصراحة أنا خايف أكتب لكم السؤال اللي ما أحبه
خوفي يدخل حد من اللي يعرفوني وبيزعل بعدما يقرأ السؤال
هو سؤال عادي
بس الأغلبية بيزعلوا
حق كل اللي يكرة سؤال اشبلاك او اشفيك
محد بيسألك هذا السؤال الااذا كان يحبك ويحاتيك
وخاصة امك +حرمتك +عيالك
اما انا سعيد الشيبة متعلم من الشواب حكمة اتقول
3 اشياء لاتعلم بها احد
كم عمرك
كم راتبك او كم عندك فلوس
كم عندك عيال
انا ماحب حد يسألني عن شي ليش سويت كذية
طبعا بحسب منوة السائل
ماعلية يسوي قرقر زيادة
يدق عليك واحد..او تتلاقى وياه بالصدفة في مول..
شخبارك؟ الحمدلله بخير,,
شو مسوي؟
شو علومك؟ علومي طيبة..
اشحال الاهل؟ بخير الله يسلمك..
شو الدوام؟ ok
وين روحاتك؟ وين يياتك؟ ….
لين اهني كل شي اوكي..مع ان وايد اسئلة…
بعد شخبارك؟
شو مسوي؟
وين روحاتك؟
.
.
.
هدوء
.
.
.
.
اشحالك بعد؟
اشحال الربع؟
ما في شي يديد؟
شو السيارة؟ ( تسلم عليك
)
ياخي اذا ما عندك سالفة ليش اتطول؟ خلاص اتصلت او اتلاقيت معاك في الدرب..سلمت واطمنت …انهي المكالمة او روح كمل دربك..مب مجبور اتكمل 5 دقايق!
كل شوي شخبارك وشو علومك ..مللتنا… لووول..
يرفعون الضغط