البارحة ساير ديرة سيتي سنتر وكنت بشتري لي بخور ( المجلس )
طبعا هالبخور من المعروف سعره كان 75 درهم ووصل 80 درهم
ولكن تفاجأت لما سالت البارحة عن سعر البخور راعي المحل ( رصــــاصــــي ) قال لي السعر وصل 90 درهم
وسالتهم شو السالفة وليش يا جماعة الخير قالو لي الاسعار مرتفعة خلاص
قلت شو دخل العطور والبخور في السالفة ؟
قالوا خلاص كل شئ مرتفع وعندنا بعد الاسعار مرتفعة
يعني بالله عليكم حتى ما سلمنا من الروائح الطيبة
ليش يا اكبر شركة عطــور يا رصـــاصـــي
حتى انتوا العدوة وصلتكم بزيادة الاسعار ؟؟
[
انا اعتقد والله اعلم بأن السبب الرئيسي لإرتفاع الاسعار بشكل جنوني هو عدم وجود ردات فعل عنيفه
مثل المظاهرات وتكسير بعض المحلات و بعض رؤوس اصحاب المحلات
كل اللي انسويه اننا انصيح في البث المباشر
ملاحظه العنف لايولد الا العنف
انا مع التكسير
وتوقع ياخوي الزياده في كل شي من الالف الى الياء لا تتوقع يكون في ثبات في سعر اي سلعه مادام عندهم الحجه الدامغه والمبرر لزيادة الاسعار شو اللي بيخليهم ما يزيدون ضميرهم مثلا ولا قلوبهم بتعورهم ع المستهلكين
الكل يدور مصلحته محد يفكر فغيره
شكرا على الموضوع
كل الود
و المخابز تطالب بزيادة أسعار الخبز 100% و يقولون من حقنا لأنا ما زدنا فلس من سنة 1974 الله المستعان
البترول
السلع الإستهلاكية الألبان الحليب الجبن الخبز الصمون الشورما الهمبرغر …الخ
ويفكرون يرفعون سعر الماي !!!
هذا كله بسبب جشع التجار هذا لان محد وراهم وأقصد هني الوزيره لبنى القاسمي بعد
ماإستلمت المنصب إستوا تضخم في البلاد وكل شيء إرتفع سعره
فيه شيئين يتحكمون بكل شيء البترول والغاز هم سبب الإرتفاع الرئيسي بإرتفاعهم يرتفع كل شيء و
يكونون مبرر للزياده