السلام عليكم ورحمة الله وبركاته
اريد شوركم يالربع نبي نتوصل لحل,,,
الساعه نقريبا مساء11.30 بتاريخ 1 هالشهر طالع من المارينا مول وتعرفون كيف كان الكرنيش زحمة ومسيرات قبل اليوم الرسمي اللي هو 2 ديسمبر, المهم كنت طالع من المارينا وراد البيت وكان وياي وايد يهال مستوي حنون ومسويلهم طلعه المهم عند اشارة المارينا اللي عند قصر الامارات فيه شرطي واقف عالاشاره وياخذ لياسن العرب ” اللي حاط علم ولا اي شي على سيارته” انا كنت حاط علم صغيرون عالسياره عشان اليهال لزموا عليه الا احطه, المهم الشرطي وقفني وخذ ليسني وملكيتي وقالي مر بوابه 4, وقلتله ليش انا مب مسوي شي؟ قالي اوامر النقيب يبي يشوفكم هناك, حتى اليهال بالسياره متخرغين وخايفين
رحت المرور اليوم وقالولي اي سياره ماخذين ملكيتها عليها حجز اسبوع!!!! يعني انا مب حاط مخفي ولا حاط بالسياره ستيكرات ووياي يهال وطالع بحالي من المارينا ساير البيت وقالوا حجز؟ يعني الحين اتقارن مع واحد مزود سيارته ولا حاط مخفي شامل على سيارته على شكل صور ؟؟ شو ماشي حق اهني؟ معندين المرور قالوا الا تنحجز قلتلهم ان شاء الله اذا شفتوها
كيف ناخذ حقنا يالربع؟ بدون واسطات لنها مب مشكله الواسطه بس فيه ناس مظلومين والمرور خلط الحابل بالنابل
بهدوء نبي نحل المشكله =)
يعطيكم العافيه عالقراءة والسموحه منكم
السلام عليكم ورحمة الله وبركاته
في مثل يقول (اللي ايده في الماي مو نفس اللي ايده في النار)
اول شي اللي صار في هاليوم شي غير طبيعي
وهذي اوامر من فوق
لان الموضوع ماكان بسيط الجماعه قالولهم سوو مسيره وافرحو راحو كل واحد ركب هدرز وشل الفلتر وشل الالكزور وراح البنجرجي وركب تواير تسعميه بس حق الحراق ياجماعه الفرحه في القلوب مب جي والله العظيم اللي صار شي يخجل ولا تلومون الشرطه لان الشباب مصخوها وكان سمو الوزير على مااعتقد خاطف شاف المصخره قال شو هالفوضه قلنا فرحه مب جي عاد يعني مايحرق التواير بس لازم الموتر يحترق كامل ورقص وبطيخ ومصخره فضيعه جدا وين الامن والامان ناس ماتيبها قانون بسيط لازم قانون صارم ونزل قرار في نفس الوقت بضبط كل انسان وانا اقول للي يشتكي على الشرطه اخوي اذا انت شفت مكان فيه مشاكل وفيه لعب ليش تروح صوبه ياخي ابتعد وايتعد عن الشر وغنيله ليش امعور راسك اذا الجماعه عندنا مخالفة مخفي 10000 درهم وبعد في ناس يضربون مخفي ف كيف تبى يتعاملون معاهم خلك في السليم محد بيكلمك ام انك اذا شفت مثلا ضرابه ولا تيمع ورحت وفضولك ذبحك تحمل اللي بييك واللي صار هذاك اليوم مب شي بسيططططط صارت مصخره وفوضه واتوقع اللي سووه الشرطه 100% صحيح وانت ماتعرف شرطة بوظبي شو قاعده اتسويلك وانت راقد االحين تحرسك وتامنك من كل النواحي لدرجه ماتتخيلها نايم ماتدري شو السالفه شو يصير بالابلاد بس اتقول شرطة بوظبي مااقول الا اخوي فكر في الموضوع عدل وشرطة بوظبي هي امن هذا البلد وشكرا
يعطيكم العافيه اخواني
بس خلونا بمسار الموضوع نبا حل للموضوع
مرور بوظبي عالعين والراس وتعبوا ويعطيهم العافيه يوم المسيره بس نبي حل للموضوع
المشكله خلطوا كل شي اللي له ذنب واللي ماله
يا رجل انا الساعة 2 الصبح لقيت مجموعة من الشباب يمكن 30 سيارة مسوين مسيرة و تفاجات ان السيارات واقفة و بالطبع لازم نوقف
وراهم و تفاجات بسياراة الشرطة تاتي من بعيد
و الله عينك ما تشوف الا النور رديت ريوس بسرعة كبيرة و خذت يمين و سيارة الشرطة تعطيني فول ليت وانا روحت الشردة نصف المريلة
المهم سيارات الشرطة طلعت على الرصيف و راحت امام السيارات ولا اعرف ماذا جرى بعد ذلك
خلو العالم تحتفل واللي يحط زينه على سيارته هم مايصدقون هاليوم ايي او مسيره لفوز فريق او ماشابه يحبون هالشي لانهم يلقون الطعم في هالشي
هذي شرطة بوظبي ادنى سبب بوابه 4 يسوون هالشي عشان هاي الشغله تنحسب عليه ان فلان مسكله مادري كم سياره عشان الترفيعات ويتسجل بملفه وهم بدون سبب يخترعون لك سبب الله يهديهم محد يتابعهم شرطة بوظبي سبهلله اي واحد يبونه قبضوه وانت وحظك مع الشرطه حد اوكيه وحد عنيد راسه يابس تدري الشرطه هم اكثر مدعاي عليهم الله يهديهم لازم بعد يتعلمون الاخلاق مب انا شرطي لازم اتم معصب او مشدد