السلام عليكم ورحمة الله وبركاته,

أريد اعرف شو الافضل, المدارس الخاصة ام الحكومية ابتداءا من الروضة؟

اذا الخاصة, شو افضل المدارس (بالاسماء والاماكن, اللي يعرف في راس الخيمة زين بعد)

وشكرا

7 thoughts on “شو الافضل, المدارس الخاصة ام الحكومية؟”

  1. المدراس النموذجيه هي الافضل من وجهة نظري،

    الي اعرفه انه المدارس النموذجيه في ابوظبي والعين ما عتقد شي في باقي الامارات

    وبالفعل .. النموذجيه هيه الافضل

    اذا شي عندكم نموذجيه حطهم فيها وتوكل على الله

    واذا ماشي خلك على الحكوميه ابعد عن الخاصه

  2. إذا تباهم يكونون توب في الإنجليزي عليك بالمدارس الخاصة والإنجليزي مهم وايد عشان يشتغلون

    انا طلعت من مدارس الحكومة وطبعا ماعرف انجليزي لين هناك وزكروني في مقابلات وايد للاسف اقوللهم

    ماعرف انجليزي عدل فيقولون اكيد طالع من مدرسة حكومة ويتم رفضي.

  3. المدراس النموذجيه هي الافضل من وجهة نظري، وهذا من ملاحظتي للمستوى الدراسي لأبناء اخوي والي كانوا بمدارس خاصه في مرحله الحضانه والروضه، ومن ثم انتقلوا للنموذجية. ها في بوظبي، ما عندي فكره عن مستوى المدارس في الامارات الثانيه

  4. أنا بعدنــي ما عندي أي فكــرة عن أفضل المدارس ،، بس اللي أنصحك به أخوي ،، إنك اتحط كمن مدرسه في بالك ،، وكل يوم اتسير اتزور المدرسه واتشوف ملحقاتها ،، وتتعرف على المدرسين والإداره ،، واتشوف نوعية الطلبه وأشــكالهم والخ ..

    معظم اللي أعرفهم يسون اللي قتلك إيــاه .. وربي يوفجك لكــل خير ان شا ءالله …


  5. عليك بالمدارس الحكومية النموذجية .. الصراحة الأهتمام بهذه المدارس شي يثلج الصدر … أما الروضات أكيد الخاصة .. و أهتم أكثر شي في الروضات التي تحرص على تعلم وتحفيظ القرآن واللغة العربية والأنجليزي .. والباقي إن شاء الله في المدرسة بتعلمونه

Comments are closed.