يعطيكم العافيه اخواني واخواتي الكرام ….
في الحقيقه من فتره وانا اعاني من مشكله … والمشكله بدأت عندي من يوم استأجرت بيت جديد….
حيث اني اعاني من ازعاج مستمر في الساعات المتاخره من الليل من قبل شباب – الله يهديهم – لان بيتي قريب من مساحه واسعه من مواقف السيارات …وهذي المنطقه تكون في الليل خاليه من السيارات ويستخدمها الشباب لعمل حركات بسياراتهم مثلا يسون ويلات ويخمسون بالسيارات اصوات مزعجه مثل الانفجارات ….وفي الحقيقه هذا الازعاج ياثر حتى على نوم الاطفال حيث انهم يستيقضون مذعورين من الاصوات العاليه ….
حتى اني مرات افكر احط مسامير او اي يشي يمكن يوقفهم ولكن اخاف اني اضر مستخدمين الطريق …..
ارجو منكم الشور والنصيحه شو اقدر اسوي حتى افتك من هذي المشكله …؟؟؟؟؟؟
شوف اخـــــوي
الشرطة في خدمة الشعب
و الشيخ سيف بن زايد الله يحفظه ماقصّر
و تعامل الدوريات جداً راقي سواء من خلال الاتصال أو الحضور في الوقت المناسب و كذلك في التأكد من انتهاء المشكلة بالإتصال بالمشتكي
كل اللي عليك انك تتصل فيهم و توضح لهم ان المشكلة مالها وقت محدد
و الشرطة أدرى بالطريقة الأنسب لمعالجة المشكلة
و ان شالله ترتاح من هالمزعجين
ماقدر ابلغ لانه مالهم وقت محدد … مرات ايون الساعه 12 ومرات ال2 ومرات الساعه 3 الصبح ولو بلغت على بال ماتوصل الشرطه بيكونون راحوا
الله يحفظك يالغالي من كل شر
ليش ما تبلغ عليهم الحكومه وتفك عمرك
وعقب فتره شوف إذا مافيه فااايده
تعال وبعطيك دعاااميه مشرايه بــ 4000 درهم ووسدهم إياااها
راييي مثل اخوي مصمم
بلغ عليهم
.
.
.
الحل بسيط
اتصل على 999 و قدّم شكوى و راح تجيك الدوريات وماراح يصرون