السلام عليكم ورحمة الله وبركاته
حبيت اعرف شو اخر اخبار سوفت ؟؟؟
السيارة من سنة 2006 نازلة و الشكل هو هو ماتغير ..
سويت بحث فالنت و حصلت معلومات ان 2011 الشكل تغير و قوة المكينة ايضا ومواصفات داخلية…
من اسبوع كنت بشتري وحدة ومسوين عرض على 2010 تاخد السيارة مع تامين و سيرفس الخ بي 55 الف اعتقد و موديل 2011 بي 56 والغريب فالامر موديلات 2011 نفس 2010 عندنا فالبلاد ؟
السؤال لعشاق السوفت هل الشكل بيتغير وقوة المحرك ايضا ام نفس الشي ؟
اعتقد الوكالة يبون يصرفرون الكمية الي عندهم ولهذا السبب مسوين عرض لان الشكل اليديد فالطريق.
وفقكم الله ورعاكم..
السلام عليكم ورحمة الله وبركاته
شحال الربع ؟
أنا بصراحه من محبين السويفت و عندي وحده موديل 2008 ، و بصراحه السياره عمليه و إقتصاديه لأبعد الحدود ، و الكلام صح أنها بتتغير على 2011 و اللي يبغي يشوف الشكل اليديد يدخل على هالرابطنتيجة بحث Google عن الصور حول http://indianautosblog.com/wp-content/uploads/2009/08/suzuki_swift_2011.jpg
طبعا مغطين السياره باللون الأسود خلال التجربه
تحياتي للجميع
شي وحده حمرا فالعوير .. 2010 .. كت كامل من الوكاله + شاشه من داخل ماشيه 13 الف
وطالبين فيها 45 .. شفتها قبل 4 ايام لكن ماذكر المكان وين بالضبط لكن اتوقع قريب من معرض الكتبي
وجان بغيت 2007 قير عادي نظيفه عندي وحده
مشكورين على المعلومات المفيدة ياخواني
زين وين بحصل موديل 2009 او 2010 مستعملات ؟ دورت فالمنتدى ما حصلت
انا شخصيا ما اتوقع ان السويفت الشكل اليديد تنزل 2011
واذا نزلت 2011 بتنزل على اخر السنه شهر 10 وطالع
الا اذا الوكاله سوت معجزه وبتنزل السياره مثل الاسواق العالميه
من داخل تغيير للافضل وشكل حلو … لكن خارجيا انا ماقتنعت بالشكل لانه مب سبورت مثل الحاليه
مواصفات الوارد غير وعندنا غير .. صدقني بتنزل هني مافيها حتى نص مواصفات الوارد
نفس الي صاير الحين .. الوارد فيها شاشه ومثبت سرعه وكراسي جلد وحركات وايد
وهني حدهم حدهم تحكم من السكان ومسجل mp3 .. والي يقهرك الوارد بمواصفاتها نفس سعر الي عندنا بالمواصفات العاديه ويمكن ارخص بعد
انا اقول لو فخاطرك سويفت شوفلك مستعمله احسن موديل 2009 و 2010 .. بتلاقي ماشيات 15 و 20 الف بس وبحاله الوكاله
اول شي بتوفر ثاني شي لو نزلو الشكل اليديد مابتنقهر وتتحسف وبترد تبيعها بنفس السعر او تخسر فيها شوي بس .. وترد تاخذ اليديده
و عليكم السلام و رحمة الله و بركاته ..
السويف الشكل اليديد .. عجيب ^_^ أنصحك تتريا .. مواصفاتهاا من داخل و غيرهاا الأوبشنات .. اما عن المكينه ما عندي علم ..
لكن في شي واحد محيرني .. إن السوفت من 2006 الى 2010 ما غيروا فيها وايد اشياااء ذيك الأشياء الي تخليك تدفع ..
شوف فرق السعر .. اول ما نزلت 38000 .. الحين 60000 .. و انت تقول مسويين عروض .. والله شي طيب .. ^__^
انا صراحه طالب و ادرس .. و عندي السوفت ما شاء الله ^_^ صرفية البترول عسسسسل ..
و السوفت ما عليها كلام أبد .. ~ و تقدر تعدل فيها وقت ما تبغي ..
و هذااا اليديد الي عندي .. و اتمنى الأعضاء يصححون أي معلومه غلط حطيتها ^_^
أخوك .. برستيـج 2010 ..