السلام عليكم
عندي صديق يبغي ياخذ مبلغ 900,000 درهم من مصرف اسلامي عن طريق التورق
ويبغي يسوي مشروع تجاري يساعده على الحياة ومتطلباتها فسالني شو ممكن اسوي
قلتله اصبر لاتستعجل انا بحاول اسال شو ممكن اتسوي بالمبلغ وبرد لك خبر
عاد اهني ابغي مساعدة اهل الخبرة في مجال التجارة و شو ممن يسوي الريال من مشروع جيد
علما ان المبلغ مليون درهم والقسط بيكون 11400 درهم شهريا لمدة 11 سنة
هل هذي فكرة جيده انة ياخذ المبلغ و لا لا وهل ممكن ان المبلغ يغطي القسط الشهري وفوقها فايده؟؟؟؟؟
ارجو مساعدة الرجال في اتخاذ ماهو صائب بهذا الخصوص ولكم جزيل الشكر
أخي الكريم
بخصوص السلف لتأسيس بزنس مب غلط اذا كان مسوي دراسه لمشروع معين
لكن انه يدخل مشروع لمجرد أن عنده فلوس وهو ما عنده خبره فالمشروع هذي خساره مبينه
بمبلغ 900,000 درهم ممكن يستثمر بنايه صغيره 4 طوابق في عجمان او الشارجه .
البنايه 4 طوابق على الاغلب تكون مكونه من 14 الى 16 شقه غرفه وصاله وغرفتين وصاله
تقدر تسوي دراسة جدوى بنفسك على اي بنايه تحصلها .
مثلا لو بنايه فيها 8 شقق غرفتين وصاله و8 شقق غرفه وصاله
8 غرفتين وصاله بفرض الايجار السنوي للشقه في عجمان = 40,000 * 8 = 320,000 درهم
8 غرفه وصاله نفترض ايجار الغرفه وصاله سنويا في عجمان = 25,0000 * 8 = 200,000 درهم
320,0000 + 200,000 = 520,000 درهم الدخل السنوي للبنايه
في مثل هذه الحاله رح يكون استثمار البنايه السنوي لصالح المالك مب اقل عن 400,000 درهم
ممكن تتفق ويا المالك على دفعتين بواقع 200,000 درهم كل 6 اشهر .
لو دفع اول قسط من مخباه القسط الثاني بتدفعه البنايه من نفسها وممكن تكرار هذه العمليه على 4 مباني من نفس الحجم . وبيكون عنده دخل سنوي من كل بنايه على الاقل 100,000 درهم * 4 = 400,0000 درهم
ملاحظه : عقد الاستثمار العقاري من 5 الى 8 سنوات مصدق من بلدية الاماره اللي تنوي الاستثمار فيها .
هذا الاستثمار ناجح بكل المقاييس وخاصه لو تم تحصيل بنايات جاهزه ومؤجره وفي عجمان والشارقه شي مكاتب عقاريه متخصصه بادارة مثل هذه الاستثمارات .
انصحه يزور كم مكتب في الشارجه وعجمان ودراسة الموضوع بشكل دقيق وان شاءلله انه بيحصل . ومن مره المكتب الي يحصل المباني يتم تكليفه بادارة تاجيرها . بيوفر على نفسه تعب وايد .
هذي فكره للاستثمار متوسط وطويل الاجل
مع تمنياتي بالتوفيق
السلام عليكم ورحمة الله وبركاته
الحل بسيط تعال شاركنى فى شركة مقاولات
صندوق خليفة مايقصر
ليش تتسلف من بنك يهد حيلك باقساطه
حتى لو اسلامي
ماشي فرق
الربح موجود ، والقسط مبين عليه مرهق
انصحك شرات ماتفضلوا الاخوان
بزنس على قدك
ولو بتتفرغ له يكون احسن
مشكور اخوي على النصيحة الحلوة والقيمة
بس بالنسبة للتجميع حبة حبة هذا ماشي عندنا احنا المواطنين ياتتسلف واتسوي بزنس ولا تخليك على الراتب وتصرف على قدك بس
او تتسلف وتشتري موتر وتكشخ فية وتعيش يومك مثل اغلبية الشباب
في الجيش على البوابة والرنج سبورت واقف برع
وبالنسبة للاخوان الي طلبوا اسم البنك صراحة مافيني اخذ ذنبكم مايخصني بروحكم دورو مابقول
الا اذا احد افتى وقال انه ماعلي ذنب وعلى شي ذيج الساعة بقول اسم البنك على العام
والسموحة
موفق بإذن الله … لك مني أجمل تحية .