شفتها ودخلت خاطــــــــــري

56 thoughts on “شفتها ودخلت خاطــــــــــري”

1. المورانو احلى منها وافخم وقطع غيارها ارخص

   ما انصحج تاخذينها لانه شكلها مب شي مستويه مثل مركبة فضائيه

   بعدين سعرها يطيح بسرعه لانها ما الها سوق

   وبالتوفيق ان شاء الله

2. شو عجبج فيها ؟؟

   شكلها مب شي

   لا تشترينها

3. ولج رساله ع الخاص شيختي .. فيها موقع الوكيل للهوندا في الامارات ..

   وشوفي الاسعار والالوان المتوفره والعروض .. وحتى ترومين تقديم طلب لتجربة السياره ..

   وموفقه لكل خير يارب

4. السلام عليكم ورحمة الله وبركاته

   شحالكم كلن بحاله؟ و شو مسوين بعد؟

   وعن هالموتر هو فيه اشياء حلوه .. والتصميم حلو من جدام بس ورا خربوه وايد مالت عليهم ..

   وعن السواقه تراه مثل الاكورد بالضبط وقطع الغيار هي هي نفسها .. والشكل من داخل شكل الاكورد الـ6 سلندر اليديده ..

   وعن التفاصيل الخارجيه ساحبين شوي من البورش بانميرا وايد اشياء وهذا خلاها شويه قبيحة الشكل خاصه من ورا ..

   وكنت باخذها حق اختي .. بس غيرت رايي وهي نفسي وخذت الاكورد بعد ما جربناها .. بس احس ان كراسيها ..
   يابسه اكثر عن الاكورد بشوي .. وهذا شي سلبي ويخرب شوي .. لاني ابا موتر يريحني مب يتعبني ..

   وبالنسبه لقطع الغيار سعرها ترااه غااااااااااالي .. التشييكات رخيصه حالها من حال الاكورد .. لكن لا يقولون لج شي اخترب
   ويلا بدلي تراج بتمين تدفعين عليها لين تقولين بس ..

   وما شاء الله في شوارعنا الحبيبه وفي راس الخيمه العزيزيه الموتر ما بيتم .. وبيتقرقع لين ما تقولين بس .. وبتتغمضين عليه .. وعن السعر ترومين تاخذين موتر ثاني احسن عنه بنفس السعر .. لاني اشوف السعر مبالغ فيه شوي

   >>> مجرد وجهة نظر .. ويارب ما اكون ضايقت حد بكلامي ..

   والسموحه ع الاطاله ..

5. الهوندا سيارة كلاسيكية ومرنه في قيادتها وقليلة الأعطال .
   في رأيي تصلج لج لأن الحريم بشكل عام سواقتهن مرنه وهاديه وتحافظ على الموتر
   بعكس الشباب من يطلع موتر يديد ما يطوف عليه سنه الا وقام ينافظ وكل اسبوع طايح بمصفح يعدل عليه .
   وبالتوفيج اخيتي …

Comments are closed.