نحن عاده جو بلادنا ما يرحم ، اتحصل الحصا يطاير في الشوارع من سبه ها الهوااا..

عسب جيه ما ادري شو اسوي ، هل ابدل الجامه او الحمها ؟؟

قالولي الحام ما منه فايده بس اللهم يوقف الشرخ عن لا يمتد اكثر..

شو اتشورون علي ؟؟ هل ابدلها ؟؟ او عندكم شور اخير ؟؟

9 thoughts on “شـو الـحـل ويـا جـامـه اللـكـزس 460 ؟ ( صـور )”

  1. أخوي أنا يربت الشيئين..

    كانت عندي لكزس 2002 و أنشرخت الجامه و لحمتها في محل موجود ورا الراشدية ف دبي عدال وكالة قرقاش للسيارات المستعملة للأسف ناسي إسمه.. و تمت سنتين أوكي.. و عقب سرت باللكزس صلالة.. جان تنشرخ الجامة بكبرها من الخط و من الحرارة…

    و عقب بدلت الجامه في محل في مصفح (بس اشتريت الجامه من الوكالة ب 1500 درهم) و شغلهم كان مظبوط 100%.. لا دخلت هوا و لا صوت..

    المهم خذت 430 و أول شهر يتني ضربة شرات ضربتك هذي الي فالصورة.. و لحمتها في نفس المحل الي ف الراشدية.. و من 3 سنين الجامه بيرفكت و ما عليها كلام.. حتى لو اسوق بسرعات عالية…

  2. اول شي الحمها شفتها اوكي خليها وعقب اذا طلع شي بدلها

    نفس الحالة في تاهو اخوي الموتر يوم ظهره من الوكالة الجامة الامامية تقول حد يايب جامتين ولاحهمنهن في بعض ويبين خط من بداية الجامة الى نهايتها بس ما يبا يبدلها يخاف اتسرب هو او ماي

  3. سرت سألت عن السامان قالولي 2800 درهم مع التركيب !

    ها الكلام عند داينا تريد اللي هم افضل في الشغل واحسن في الاسعار..

    ……………….

    يـــاريــال منو قالك شغل احســـن … كل ابــوهم حراميـــه

Comments are closed.