السلام عليكم ورحمة الله وبركاته،،،
عرض أحد الأخوان (غير مواطن) على أخ مواطن (عبدالعزيز) إفتتاح شركة بإسمه لأنه إماراتي الجنسية،،،
@ كـــيـــف لازم يـــكــون الــعـــقـــد بــيـــن الــطــرفـــيـــن؟
@ هــل يـحـدد عبدالعزيز أجـره بـنـسـبـة مـن أربـاح الـشـركـة الـجـديـدة أو يـأخــذ مـبــلـــغ ثـابــت ســنــويـاً مـقـابل إسمه؟!
@ ما نــــوع الــشــركــة (شركة ذات مسؤولية محدودة أو …) ؟؟؟؟
@ في حال خسارة الشركة أو هروب صاحبها لأي سبب، هل يــتــحــمـــل عبدالعزيز أي تكاليف ويكون ملزم بتسديد شيكات بدون رصيد وقعها الشريك الغير مواطن قبل هروبه!!!
@ بشكل عام ويــــــش لعبدالعزيز وكـــذلــك ايــش عــلـيـه؟!!!!!!
بإنتظار إجاباتكم يا أهل الخبرة ونصائحكم في هذا النوع من الشركات، وبأسرع وقت ممكن بارك الله فيكم.
اذا السالفة سالفة شراكة فعلية .. فمابيكون في الموضوع (الحصول الى رقم ثابت من الاسم!) انصح عبدالعزيز انه لو ناوي يدخل في الشراكة انه يكون فاهم الموضوع و يكون قائم على العمل حتى لو ماكان المدير التنفيذي للعمل .. و ياخذ نسبة من الارباح نقصت او زادت .. و يكون هو الي يوقع الشيكات و الامور المالية تكون تحت ايده و علمه و تصرفه .. باختصار .. مايكون كفيل نائم
بالتوفيق ان شاء الله …
السلام عليكم
لايبى محامي ولا شي
الطريقة الوحيدة للحماية و مافي غيرها
شركة ذات مسؤلية محدودة فقط
اي شي ذاني المواطن يكون مسؤل امام المحكمة (لا قدر اللّه )
حتى لو العقود موقعة و موثقة من المحكمه … ما يحميك من المسؤلية.
اول شي الله يبارك بين الاخوان في خير ويجعل شراكتهم خير
نصيحتي لك تشوف محامي يجلس معك انت يالمواطن عشان يشوف وش نوع الشراكة الممكنة بينكم الاثنين وشنو اللي على الطرفين وشنو اللي للطرفين ولو حبيت ممكن ادلك ع محامي دكتور يعمل في الامارات ويعمل في السعودية وحصل بيني وبينه عمل وبصراحة ماشاء الله عليه ربي يزيده من فضله
عشان تحمي نفسك لازم تكون الشركه محدودة المسؤوليه
يعني لو حصل مكروه وهرب شريكك فتكون المسؤوليه في حدود ممتلكات الشركه بس انا انصحك بأن تختار شريكك بعنايه خوفا على اموال الناس
واذا ممكن ترسل لي نوع النشاط عشان اعطيك الاحتياطات اللازمه
كـــيـــف لازم يـــكــون الــعـــقـــد بــيـــن الــطــرفـــيـــن؟
أنت وهو تتفقون وتكتبون فلعقد كل شي ..
هــل يـحـدد عبدالعزيز أجـره بـنـسـبـة مـن أربـاح الـشـركـة الـجـديـدة أو يـأخــذ مـبــلـــغ ثـابــت ســنــويـاً مـقـابل إسمه؟
هذا شي راجعلك انت وشريكك .. وبالأنتفاق بينكم
ما نــــوع الــشــركــة (شركة ذات مسؤولية محدودة أو …) ؟؟؟؟
على حسب المشروع شركة مقاولات ولا دكان ولا اي شي .. ذات مسؤوليه محدوده..
في حال خسارة الشركة أو هروب صاحبها لأي سبب، هل يــتــحــمـــل عبدالعزيز أي تكاليف ويكون ملزم بتسديد شيكات بدون رصيد وقعها الشريك الغير مواطن قبل هروبه!!!
والله هاي ماعرف عنها شي بس تقدر تاخذ جوازه أتقوله ضمان.!!
بشكل عام ويــــــش لعبدالعزيز وكـــذلــك ايــش عــلـيـه؟!!!!!!
كلمه اقولها لعبد العزيز أحذر من النصب وصل صلاة استخاره..
وسموحه منك..