مرحبا بالكل … تعالوا خل اقول عن ظاهرة اكيد كلكم ملاحظينها بس ما بطول عليكم
مو ملاحظين ان اول ما توقف او توقفين بسيارتك /ج عند الاشارة أو تطوف قرب اي سيارة ف الشارع لازم الشخص اللي بالسيارة الثانية يلف راسه و يطالعك/ج ….. زين آمننا بالله ….. خل يطالع ماقلنا شي ولا نقص من قدرنا شي ….. المصيبة ان اذا انت سويت نفس الحركة و طالعته مايخوز عينه الا يوم انت/ انتي تخوزعينك قبله ( لان حسب عقليتهم المريضة انك تكون اهنتهم او كسرت شوكتهم اذا خليتهم ينزلون عيونهم) ….. الحمدلله و الشكر …..
و هذا يذكرني بسالفة بس مو بالسيارة كنت …. كنت ف المول ف محل الملابس حالي من حال االبنات ولا بنت خالي تقول لي شوفي شوفي هاي ليش قاعدة اطالعج جي … يوم طالعت ولا فعلا كانت نظراتها غريبة فرفعت عيني و طالعتها ..عاد للأسف كانت من اصحاب العقليات المتدنية جان تقولي لي شعندج تخزين !!!!!!!!!!!!!!!!!!!!
قلت لها مكن سؤال ؟
قالت خير …..قلت لها شدراج اني قاعده اخز ؟؟؟
قال شفتج قاعدة تطالعني !!!!!!
قلت لها و انتي ليش تطالعيني بالاساس… وشليت بعمري وطلعت من المحل ماحبيت اكبر الموضوع ..
وشي موقف ثاني بعد اذكر مره بالسوق يالسه اسولف انا واختي وضحكت على رمسة قالتها اختي وفي وحده كانت جدامي وطاحت عيني بعينها جان تقول يحشوون ويخزوون بعد هههههههه اي شي احش فيها بس اعتقد يمكن نقص بثقه النفس او تخلف يعني مادري الصراحه بس الاكيد انهم يحتاجون لعلاج
شو رايكم ف هالظاهرة فعلا ليش العرب وايد يخزون ويرمسون عكس الاجانب اللي مرتاحين ومريحين
مخهم من القيل والقال …
لا مثل يُقال شين وقوي عين
وبعضهم يخز بقوة كنك قاتل ابوة
DiC :الساهر
مشكورين ع المرور وانا احس الناس بعض الناس ماشي سغل عندها غير سالفة الخز اعوذ بالله..
اشكرك اختي الغلا نورة
فعلاً ظاهر غريبة هههههههه كسرت شوكتهم عبارة جميلة
وللي يزعل يمكن فية شي ناقص بنفسة
وكل عام وانتم بخير على فكرة مواضيعك رائعة
بس الصراحة صدقج في سالفة السيارات حتى لو بتجاوز حد يتم يطالعك اما في امريكا مثلا والله ما درابك ههههه تقول شو هالناس ! شالين هموم الدنيا كلها و لا يتلفتون والا يستحون ؟؟
شكرا عالموضوع
تحياتي
تحياتي لج و انتي كله بالسوق ؟
يلسي في البيت و محد بيخزززززززززز على قولتج هههه
تحياتي nO Hard feelings