شريت طراد ولا أعرف وين اروح

8 thoughts on “شريت طراد ولا أعرف وين اروح”

1. االاخ 727

   اذا كنت شراي الطراد متعوب عليه

   جرف بانوش انجليزي 23 قدم عرض6

   عمق 2 وعليه مظلة استيل متحركه

   الماكينه 60 مارينر موديل 2003 بس ماشية أقل من اسبوع

   يعني جديدة اشتريتها من واحد بكرتونها تقريبا

   القالوصة ايظا اجنبية مجدده من شهر.

   قمت بتبديل كل شيء في القارب تقريبا

   ها شو رايك كم يسوى في نظرك !

   عندي صور ولاكني لم أفكر في البيع

   اذا نويت ابيع في يوم باعرضه في المنتدى

   وشكرا للجميع

2. مشكورين يالربع وجزاكم الله خير

3. السلام عليكم ورحمة الله وبركاته

   عزيزي

   ان كنت تبغي الحل فهي بسيطه

   اتبع البويات الين ما تطلع من الخور وعند اخر بويه كمل على طول وخلهن بظهرك ولمسافة 3- 5 كيلو سمر

   بعد فتره والين ما تتعرف على المنطقه وكيفية العوده

   ابدأ من اول بويه وفي اتجاه الشمال ولمسافة 24 كيلو وسمر

   وان كنت من محبي التشخيط من اخر بويه ولليمين باتجاه 30 رايح جاي

   اخر الاخبار في مجرى خور الصدر وقبل البويه الاخيره اطرح عند الثبر وتدمينه وكثر من الييمه

   ( لاتكون انته صاحب الطراد الازرق )

   صحيح كلامك……….

   أخوي عندك تشخيط الخيران بتطلع هوامير بالهبل…… في أي وقت من الفجر لين المغرب و الأحجام متفاوته، بس عليك بالرباله اللي لونها أحمر و أبيض و حجم 20 سم تقريبا.

   و اذا محد صوبك من خفر السواحل…. جرب البويات اللي على الخيران اربط الطراد و جرب بتلقى شعاري و نياسر،، و خاصة المساء بين الساعة 9 لين قبل الفجر,,,,, لازم كل مرة تجرب بويه و تجرب الاماكن لين ما تلقى مكان زين،،،، و لا تفكر في الصغار بإذن الله بتلقى شعاري كبار بس عليك بالصبر.
   عن تجربه.

   بالتوفيق، بس انت تطلع من الشليلة و لا الميناء؟؟؟

Comments are closed.