السلام عليكم ورحمة الله وبركاته
شحالكم يا شباب المنتدى ؟؟
بدخل لكم في الموضوع على طول
انا تخرجت من الهندسة المدنية بشهادة الباكلريوس من الجامعه
وقدمت في الموارد البشرية في ادنوك واتصلوبي وقابلت تقريبا من اسبوعين واليوم اتصلوبي قالولي تعال الاربعاء عندك فحص وانت مقبول في شركة ادكو في الفرع الرئيسي
انا كلمتهم في المقابله وقلت لهم ما ابغي في الفرع الرئيسي وكان خاطري حقل بري
بس تفاجأت لما اتصلوبي وقالولي حطيناك في الفرع الرئيسي في ابوظبي
بس اخوية قالي عادي سير كلمهم وان شاء الله بيحولونك حقل
انتوا شو رايكم ؟؟ ابغي معلومات عن ادكو ؟؟
شو احسن حقل بري من رايكم لادكو من حيث السكن والادارة والموظفين والانشطة ؟؟ حبشان ولا الضبعية ولا بو حصا … ؟؟
شو تتميز ادكو عن غيرها من الشركات التابعه لادنوك ؟
وكيف نظام الدوام سمعت 5 دوام 3 اجازة ؟؟ ماشي غير هالنظام ولا نقدر انرتب مع الزملاء في الوظيفة ؟؟ واذا كان مكان جريب من بوظبي شرات الضبعية وحبشان نقدر نطلع بعد انتهاء الدوام من الحقل ولا يعاملونك نفس الحقول الاخرى ممنوع الخروج ؟؟
ياليت تردون عليه في اقرب وقت واي حد عنده ربعه في هالمجال ياليت يسألهم
ولكم مني جزيل الشكر ويعطيكم العافية
ادعولي بالتوفيج
عادي اخوي تشتغل في مجال ماله خص لتخصصك وبعدين تسعى للتغير
أنا اول ما تخرجت توظفت في الماليه في هيئه في دبي على اساس اني اخذ رئاسه قسم خلال 5 سنين لان تخصصي مزيج من تقنية المعلومات والبيزنس والمحاسبه …طبعا علاماتي في المحاسبه هي الي خلتهم يختاروني من بين الكل وشخصيتي
على رغم حبي وعشقي تقنية المعلومات قبلت وتميت في الوظيفه 11 شهر وكنت اسعى للتغير في الهيئه نفسها قبلو النقل ..بس الله كتب لي ان اشتغل في مكان ثاني الحمدلله حاليا اشتغل في مجالي كملت 9 سنين
وصلت لمرحله اكتفاء من تقنية المعلومات أسعى الانتقال للشغل الاداري …
كونك خريج يديد تفكير جي بانك ما تريد غير مجالك
توكل على الله واقبل الوظيفه
والله يوفقك
موفق بإذن الله … لك مني أجمل تحية .
اخوية المياسي بس انت مب مجبور تشتغل في مكان ما ترتاح فيه
عطوني ادارة وانا ما احب هالمجال ,, ابغي اكون في مجال الهندسه
واال اعرفه في ادنوك اذا تبا المكان من البداية كلمهم واذا في مجال بيغيرون
اما توظف وتعال انتقل بعدين يمكن تصير من الاحلام
وشكرا على الرد المياسي
اتوقع اخوي مافي مجال تتشرط دامك موظف يديد تعين بالبدايه واكتسب بعض الخبره بالفرع اللي راح تكون فيه وعقب اكتسب بعض المعارف بدوامك وعقبها تقدر تتطلب طلب نقل
خذها مني نصيحه الانطباع الاولى يتكون عنك بالبدايه اذا انت انسان تحب تشتغل بالمكان اللي تنحط فيه والا تتذمر من البدايه وهالانطباع صعب ان يتغير عند رؤوسائك بالعمل!!!!
افااا 15 مشاهدة ولا رد
وينكم خوان شما
ياليت اي معلومة تنفعنا