السلام عليكم ورحمه الله وبركاته

اخواني شفت فالشوارع الشباب مسوين حركه فمواترهم .. حاطين ليتات مثل الـ R8 على سياراتهم

شفتها على لكزس واستيشن لكزس وكامري واريون … وشي واحد كان عارض كامري فالمنتدى قبل كم يوم ومسوي نفس الحركه

وين اقدر احصلهم ؟؟؟؟

وعلى كم يسوونه ؟؟؟

19 thoughts on “شباب ابا اركب ليتات الـ R8 على الاستيشن اليديد”

  1. موضة و بتزول بعد كم شهر

    كل واحد و فنه بالتركيب .. بس للأسف ماشفت فن للحين

    هذا واحد يركبه على صني و لا كورولا ولا سيفيك جديمة .. يرضي غروره .. اما انت ما شاء الله عندك ستيشن .. خل لها هيبة

  2. من شفت الحركة هاذي كرهت الاودي R8 مع انها كانت افضل سيارة

    للاسف مصخوها الشباب حتى على الارقام حاطين هل الليتات

  3. اتعرف ليش الليتات هاي حلوه ع الـ R8 والـ A4 بالذات ؟

    لانها خافته مب قويّه وتعطي منظر جميل للسياره

    اما ليتات محلات الزينه وايد قويّه وتخرب منظر السياره

    قارن قوّة ليات الاودي مع محلات الزينه وشوف الفرق! لازم يوفرون ليتات اضعف شوي

    شرات الـ Bmw ليتات الاصطاب دوااير وضعيفه بس اذا كانت اقوى بتطلع بايخه

    ناقص واحد يركب لمبات الزينه مال الشوارع ع سيارته عسب الكل يسوي شراته ههههـ <– سوالف ^^

  4. بتحصل عند اغلب محلات الزينه ..

    طبعا انت حر في موترك .. لاكن من وجهة نظري بتخرب شكل الموتر ..

    موول هب شي الحركه هاي .. الي مركب على كرولا ولا سني ..

    باختصاار بجك ..

    والراي الاول والاخير لك ..

    تحيياتي

    كلامك صحيح

Comments are closed.