السلام عليكم
اشحالكم خواااني واخواااتيه
اليوم احترقت سيارتي المرسيدس الجديده (اشتريتها شهر 6)…وانا كنت فى السياره وربي ستر ويات سليمه ….الحريق كان في المروحة و ما تاثرت السياره وايد…بس شو سبب الحرق ما نعرف!!!
بغيت رايكم و شوركم…كيف اطلع من هالسالفه ..السياره محترقه وبيبدلون مروحهتها بس!!!!!!مع بعض الاجزاء اللى تاثرت…حراااااااااااام قلبي يعورني …محروقه وبيوزموني اياهاااا..ما اباهاااا>>>صدقوني ما بسوقها وما بطيحها دااااااااام علقت فى راسي
اكثر الناس يقولون خذي وحده يديده….بس الموضوع مب بهالسهوله…شو الحل؟؟!!
الله يخليكم اللى عنده ترتيب والا راي لايبخل عليه …اي حل …..اااااااااي ترتيب ..بانتظاركم
نصيحتي دخلي ع المدير …وخلي حد من الشباب يكلمه …
واصري ع موتر ثاني … مادام انها تحت الضمان ومامشت اكثر عن 10.000كم
حمدالله على سلامتج
سيري واطلبي مدير الفرع الي شريتي منه
واذا مانفع رمس قرقاااش نفسه ومابيقصر
وهج ….
فديتج والله على كلامج الطيب…^_^
الدكتور فيصل..
ابصراحه مب معقوله تطيح براسي …السياره ما ماكملت 4 شهوووووور …وخلني اخبرك عن استخدامي للسياره…انا شريتها لاستخدامي الشخصي حتا ما حد من الاهل يستخدمها…لان كل واحد بسيارته واكثر طلعاتنا للسوق والا الزيارات والا طلعاتنا بشكل عام فى سيارة امي (سياره عائليه) بالتالي سيارتي قليل استخدامها (محصور على داومي بسسس) …عنبوه كانت عندي سياره اقل قيمة وجوده من المرسيدس و نفس الاستخدام تقريبا وكلمت اربع سنين وبعتها وما صار لها اللى صار على المرسيدس…
واذا يات على المكيفات تراهم العالم كلهم يستخدمون المكيفات ما احترقن سياييرهم ..
البنتلي…
هم قالوا احتمال المشكله فى الكهرب..بس بالرغم من جيه قالوا بيطرشون تقرير للتامين…
انزين منو “للمدير الاقليمي لشركة المرسيدس “؟ واذا ما نفع عندهم الكلام ارجع لمنو؟؟!!
اي حد عنده ترتيب …لايبخل عليه ..
واشكر كل من تفاعل ويايه..^_^ لاخليت منكم ^_^
الحمدلله على السلامة وماتشوفين شر ، الله يحفظنا ويحفظكم اخواني واخواتي اعضاء منتدانا المميز وحفظكم الله في حلكم وترحالكم .