السلام عليكم
السموحة منكم اخواني بس حبيت استشيركم في السيارات (الالمانية – الامريكية…………….
لانه الاهل يريدون يشترون سيارة فورويل بس صغيرة نفس المورانوا
وانا الصراحة ما عندي خبرة في السياير وايد
المهم ……….
مواصفات السيارة سعرها فيها
تكون مريحة في السواقة ما تصرف بترول وايد
حجمها مناسب حق اليهال الصغار
تكيفها اوكيه
وكيل السيارة في الامارات يكون السرفس ماله زين بعد
وانا الصراحة راسي دار من كثر ما اسأل والاهل يطلعولي كل يوم صورة لسيارة معينة
اللي عنده تجار لسواقتنهن يخبرني واللي عنده اقتراح بعد يضيفه
انتظر تجاركم
اكاديا وريح بالك .. مساحه ومواصفات وشكل ولا اروع .. والي يقولك امريكي يخترب ترا كل واحد واستعماله .. وسالفه بدل ايل وروح هذي اكبر غلط
اي سياره لها جدول صيانه معين اذا اتبعته السياره بتكون وياك زي العسل
ههههههههههههههههههههههههههـ..
أسميكمـ عفستو مخ الريال هههههههـ، ..
أبويه صلي الاستخاره .. وإلي بترتاحله خذه .. وان شاءالله ربي بيوفقك ..
والسياره هب ع عيوبها .. السياره ع السواقه إذا 50واحد يسوقها اكيد بتخترب وبتظهر الي فجبدها ..
بس إذا محافض عليها اموورك طيبه ..
عليه بالروز حلو وكبير وزين للعايله وشكله جنتل .. بس لاتاخذ مايباخ مب حلوو وغالي شويه ههههـ ..
الله يعينكـ مريت في حالتك ..
ابعد عن الأمريكي ومشاكله
الا اذا انت ناوي تبدل السيارة كل ثلاث سنوات تقريبا
الأمريكي بعد ثلاث أو أربع سنوات تكثر مشاكله
اذا ناوي تخلي السيارة فترة طويلة من 5-6 سنوات عليك بالبرادو 4 سلندر لأسباب متعددة
مصروف بنزين قليل جدا
صيانة مجانية أول 3 تشييكات
ضمان خمس سنوات أو 100 ألف كيلو متر
ما تحتاج منك غير البترول والزيت وبس
ما الها أي صيانة تذكر
وأهم شيء ان شكلها الجديد بدأ في 2010 يعني راح يتم فترة طويلة قبل لا يتغير
الشكل القديم استمر من 2003 لغاية 2009 يعني سبع سنوات كاملة
يعني بيتغير شكل البرادو الحالي في 2016 إن شاء للي يعيش
سعرها في الفطيم 137 ألف
وعند بهوان في البريمي 123 الف
ربنا يوفقك
لكن لو كنت مكانك بخلي الأهل يستخيروا الله عز وجل قبل اتخاذا لقرار
واسأل الله دائما العفو والعافية والسلامة من الأذى
تويوتا صيانتها غاليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعطيك الخلاصة وباختصار ……………
اذا الميزانية تسمح ترى ال بي ام دبليو ما عليها كلام الضمان والصيانة 5 سنوات وصيانة مجانية 100 كلم ….تشتري السيارة وتدفع سعرها وما عندك هم الدفع بعدين وكل 25 الف كلم تعمل لها صيانة مرة وحدة لمدة يوم او يومين يعني اليارة بتمشي عندك 100 كلم ببلاش وادخلها الوكالة 4 مرات باذن الله للصيانة ………………..سواقتها متعه وسعرها معقول وعندهم سعر جكومي للضباط (رائد فما فوق ) او رئيس قسم في دائرة حكومية وممكن اتلع السيارة باسم اي شخص واتحولها على طول باسمك….
الاودي سواقتها متعه وعندهم ايضا خدمة الصيانة 100 كلم وممكن تطلبها احيانا لكن مشكلتها عند البيع سوف تخسر فيها وايد بعكس ال بي ام دبليو فهي مطلوبه وما تخسر فيها وايد ….فالاودي مشكلتها الوحيدة اعادة البيع ………..
تويوتا سعرها جيد وسيارة جيدة ولكن عيبها بان كل 5000 كلم لازم اتظل بدون سيارة لانها محتاجة صيانه وفي نفس الوقت صيانتها نوعا ما غالية يعني لو تحسب كل 5 الاف كلم كم تدفع الى ان تصل السيارة الى ال 100 الف كلم ممكن تدفع وخاصة في ال لكزس اكثر من 30 الف فظيفها على سعر السيارة فهذا السعر الحقيق للسيارة وبصراحة غالية السيارة وصيانتها مكلفة ومتعبه كل 5 الاف كلم اتم بليا سيارة ……
المرسيدس سيارة زينه ولكن صيانتهم كل 10 الاف كلم وغااااااااااااااااااالية جدا تغيير ال ايل والفلتر ل s class ب 2400 درهم !!!!!!!1 وورشتهم استغلاليين ….
السيارات الامريكية ايضا صيانه غالية وارمي اليارة كل 5 او 10 الاف كلم …………….
اتمنى ان الكل يستفيد من هذه المعلومات قبل شراء السيارة ودائما انتبهوا للصيانة يا اخوان تراها فلوس تندفع بعد الشراء فعقد الصيانة مهم لانه يريحكم من الدفع لاحقا والاستغلال من قبل الوكالات ……
سامحوني على الاطالة ………………….