السلام عليكم اخواني
انا في امريكا و ياي اشتري لي سيارات و سويت لي ترتيب ادخل مزادات سيارات الوكالة و البنوك
مزاد اديسا و مانهيم
السيارة كلها فحص وكاله و تقارير فحص و سيارات وكالة و بنوك
اللي جاد جدا و ناوي يقولي السيارة و كل مواصفاتها و اي سنه و هو كم ميزانيته
انا مخلي معاي 100 الف درهم في حال حد من الاخوان ما عنده المبلغ كامل للسيارة اقدر اساعده من فلوسي اشتري سيارته و اشحنها و يوم توصل البلاد يدفع المبلغ او يشتري عن طريق البنك و يرجع لي فلوسي من غير ربح او فوايد و الحمد لله من نفسي بسوي هالشي
الطريقه بتكون كالتالي اللي جاد و فلوسه جاهزة يدفع مبلغ السيارة لواحد من الشباب في البلاد و بيعطيه شيك مقابل هالمبلغ
و بدخل له المزاد و بشتري له السيارة و عنده 5 ايام يحول باقي المبلغ كامل دفعه السيارة للمزاد و اشحنها له للامارات
الشحن ياخذ شهر بشكل عام اقل او اكثر و هالشي مستبعدعلى حسب الباخره
و ربنا يوفق الجميع
رقمي للتواصل
بشوف متى تاريخ المزاد و بخبرك نتشاوف و نشتريه رباعه و انت موجود معاي من النت ان شاء الله لو اتفقنا
بشوف لك موديل 2006 اللي نازل المزاد و برد عليك حبوب
انا مسجل و مرخص في مزاد منهايم المعروف في امريكا
و اضمن لك الموتر من المزاد
لكن بعض الشباب يتصل بي بخصوص مواتر من برع المزاد او من اختياره هو شخصيا
هني المسالة تختلف ان الضمان ماضمنه لك حتى لو في كارفاكس و السيارة تكون تحت مسؤولية الشخص نفسه لانها من اختياره برع المزاد
مزاد منهايم افضل مكان لشراء السيارات من امريكا
و غيره مزاد اديسا ثاني افضل مزاد
الواحد ياخذ على الضمان ابرك
و ثاني مسالة بخصوص الاسعار ابغي اوضح نقطة
الحين في الدولة عندنا موتر في الوكالة ماشي 1000 كيلو سعره مثلا 300 الف
نفس الموتر في المعارض سعره بيكون 260 الف لان فرق بين وكالة و معرض كاسم فقط يلعب دور حتى نفس الموتر في المكانين
يعني في فرق 40 الف لنفس الموتر و الممشى و الضمان بين الوكالة و المعرض
انا شغلي اييب لك موتر من الوكالة في امريكا بسعر المعرض عندنا او اقل
لكن استغرب حد يقولي ياخوي نفس السعر ما فرق شي
كيف موتر وكالة تحصله بسعر المعرض او اقل ما يفرق شي ؟؟؟
و الاكيد اقل عن المعرض و السوق و هو موتر مشراي من الوكالة من امريكا
انت كم ميزانيتك علشان اشوف الموديل المناسب لميزانيتك
فرق فالاسعار من 2001 ل 2005
2014
كمارو اس اس 2
مكتب تاجير افيس
المزاد 5 – 11
السعر وقت المزاد
أخوي بغيت لكزس ls430
موديل 2004 أو 2003
لون ذهبي أو فضي
بشرط اللون الداخلي مايكون أسود
نص أو فل ألترا
وطبعا تكون نظيفة بدون حوادث
كم سعرها واصلة الإمارات ؟؟