السلام عليكم اخواني
انا في امريكا و ياي اشتري لي سيارات و سويت لي ترتيب ادخل مزادات سيارات الوكالة و البنوك
مزاد اديسا و مانهيم
السيارة كلها فحص وكاله و تقارير فحص و سيارات وكالة و بنوك
اللي جاد جدا و ناوي يقولي السيارة و كل مواصفاتها و اي سنه و هو كم ميزانيته
انا مخلي معاي 100 الف درهم في حال حد من الاخوان ما عنده المبلغ كامل للسيارة اقدر اساعده من فلوسي اشتري سيارته و اشحنها و يوم توصل البلاد يدفع المبلغ او يشتري عن طريق البنك و يرجع لي فلوسي من غير ربح او فوايد و الحمد لله من نفسي بسوي هالشي
الطريقه بتكون كالتالي اللي جاد و فلوسه جاهزة يدفع مبلغ السيارة لواحد من الشباب في البلاد و بيعطيه شيك مقابل هالمبلغ
و بدخل له المزاد و بشتري له السيارة و عنده 5 ايام يحول باقي المبلغ كامل دفعه السيارة للمزاد و اشحنها له للامارات
الشحن ياخذ شهر بشكل عام اقل او اكثر و هالشي مستبعدعلى حسب الباخره
و ربنا يوفق الجميع
رقمي للتواصل
السلام عليكم .. يعطيك العافيه اخوي ؟؟ جذبني موضوعك .. اخوي انا ابغي دراجه اذا تروم تيب لي , نوعها GSXR 1300 cc “hayabusa ” هايبوزا ويكون موديلها من 2008 لين 2011 , تشوف لي كم التكلفة , ويفضل تكون مطوله او عليها قزوز او اي اكسسوارات او زوايد .. اتريا ردك اخوي
السلام عليكم و رحمة الله و كل عام وانت بخير بعد الزحمه
انا داش بيوزر يديد لانه الي عندي باسم المحال ما طاع يدخل
اتمني اخوي انك توسع صدرك لإخوانك المستهلكين و تتقبل الرأي فديت خشمك
انا بصراحه اخي العزيز وهذا رأي شخصي أشوف أسعارك بدت تغلي شوي
عن قبل يعني بدأت تقارب اسعار الخليجي عندنا و اسعار المعارض و مثلك
عارف الخليجي هو المفضل للمستهلك الي مثلي ما يبغي عوار الرأس يعني وكالته فالدار و النظافة موجوده سواء في الامريكي او الخليجي المهم الواحد يدور
بعطيك مثال بسيط انا شريت سيارة من مالك ( مب معارض الشارقة بس كان متواجد فالمعارض يبغي يبيع ) مكسيما رقم 1 خليجي 2011 نظيف جدا للاستعمال الشخصي بسعر اقل من سعر الي معروض اليوم فرق يمكن ألف الي ألفين
انا وياك اخوي وسيط المالك انت من حقك تكسب زائد لك حق البحث و الجمارك و التحميل و رسوم تخليص و خلافه لكن ابغيك توضح لي نقطه يمكن اغلب الاخوان فالمنتدي وده يعرفها الحين الواحد منا يتوقع انه فرق اسعار الامريكي عن الخليجي في حدود ال 15 الي 20 بالميه من سعر البائع مب سعر المعرض اذا ما زاد و السوق الامريكي للسيارات مب مثل الخليجي بحكم عدم احتكار الوكلاء و خلافه يعني متذبذب غير انك كل م تفتح الأخبار تسمع عن انهيار الاقتصاد و تسمع عن إجازات إجبارية للموظفين و تسريح و أزمة الديون و وغيره و غيره فالشي هذا يشجعني افكر فالسيارة الامريكية لان كل شي يقول لي الأسعار للنزول و لكن الي أشوفه غير !!
و السموحة منك اخوي وسيط المالك ووسع صدرك لأخوك الصغير
تحياتي لك
2008 لارج
اليوم المزاد 14 – 6
السعر واصلة شامل 135 الف
2006
المزاد 22 – 10
السعر واصلة شامل 85 الف
1990
اس اس 454
الموتر نظيف
سنقل مش دبل
المكينة 7 لتر
العر واصلة شامل 65 الف