السلام عليكم اخواني
انا في امريكا و ياي اشتري لي سيارات و سويت لي ترتيب ادخل مزادات سيارات الوكالة و البنوك
مزاد اديسا و مانهيم
السيارة كلها فحص وكاله و تقارير فحص و سيارات وكالة و بنوك
اللي جاد جدا و ناوي يقولي السيارة و كل مواصفاتها و اي سنه و هو كم ميزانيته
انا مخلي معاي 100 الف درهم في حال حد من الاخوان ما عنده المبلغ كامل للسيارة اقدر اساعده من فلوسي اشتري سيارته و اشحنها و يوم توصل البلاد يدفع المبلغ او يشتري عن طريق البنك و يرجع لي فلوسي من غير ربح او فوايد و الحمد لله من نفسي بسوي هالشي
الطريقه بتكون كالتالي اللي جاد و فلوسه جاهزة يدفع مبلغ السيارة لواحد من الشباب في البلاد و بيعطيه شيك مقابل هالمبلغ
و بدخل له المزاد و بشتري له السيارة و عنده 5 ايام يحول باقي المبلغ كامل دفعه السيارة للمزاد و اشحنها له للامارات
الشحن ياخذ شهر بشكل عام اقل او اكثر و هالشي مستبعدعلى حسب الباخره
و ربنا يوفق الجميع
رقمي للتواصل
السلام عليك اخوي
احاول اتواصل معاك على الرقم الموجود في الموضوع لكن ما يمسك
الرجاء التواصل معاي للضروره
0555534355
مب كأن الخليجي ارخص من الأمريكي في هالحاله ؟
مرحبا اخوي
سعر الشرا من المزاد نظيف من غير دعمه ولا صبغ 65 الف درهم انشاء الله
و تزيد 4 الااف شحن
و الجميرك 5 بالميه من قيمه السياره
و العموله
الا لو تبا مدعوم خفيف بمبر رفرف او جدام خفيف ليت و جي بيكون اقل
ياخوان
ماريد حد يتصل فيني و يقارن مواتري و الاسعار بمواتر و اسعار سوق الشارقة
فرق السما و الارض
سوق الشارقة مواتره من كوبارت يعني كله سكراب غرقان و مدعوم لحد يقص علي و يقولي لا محصل ضربة خفيفة
مافي شي اسمه ضربة خفيفة في كوبارت
انا عن نفسي اقارن مواتري مع مواتر الوكالات لاني اشتري من الوكالات
يعني الموتر اللي في الوكالة عندنا ب 300 الف انا اييبه لك من وكالة في امريكا بسعر 250 الف
مش تقولي محصل في الشارقة
دامك محصل في الشارقة و سعري ما يناسبك لا تحرج نفسك معاي
لان الموضوع تكرر اكثر عن مره
و يحضرون المكتب و يقعد لك بالساعات يدور مواتر اخر شي يقولي بشوف الشارقة
عيل تم في الشارقة ولا تضيع وقتي الصراحة
شغل تعبان عليه اخرتها انحط في مواقف بايخة علشان موتر غرقان و مدعوم
فالرجاء خلوني بعيد عن سوالف مواتر الشارقة و غير الشارقة
في ابيض بيج 2007 ماشية 100 الف ميل و مةتر زين . شورت