السلام عليكم اخواني
انا في امريكا و ياي اشتري لي سيارات و سويت لي ترتيب ادخل مزادات سيارات الوكالة و البنوك
مزاد اديسا و مانهيم
السيارة كلها فحص وكاله و تقارير فحص و سيارات وكالة و بنوك
اللي جاد جدا و ناوي يقولي السيارة و كل مواصفاتها و اي سنه و هو كم ميزانيته
انا مخلي معاي 100 الف درهم في حال حد من الاخوان ما عنده المبلغ كامل للسيارة اقدر اساعده من فلوسي اشتري سيارته و اشحنها و يوم توصل البلاد يدفع المبلغ او يشتري عن طريق البنك و يرجع لي فلوسي من غير ربح او فوايد و الحمد لله من نفسي بسوي هالشي
الطريقه بتكون كالتالي اللي جاد و فلوسه جاهزة يدفع مبلغ السيارة لواحد من الشباب في البلاد و بيعطيه شيك مقابل هالمبلغ
و بدخل له المزاد و بشتري له السيارة و عنده 5 ايام يحول باقي المبلغ كامل دفعه السيارة للمزاد و اشحنها له للامارات
الشحن ياخذ شهر بشكل عام اقل او اكثر و هالشي مستبعدعلى حسب الباخره
و ربنا يوفق الجميع
رقمي للتواصل
السلام عليكم ..لو سمحت ابغي فورد موستنج 2012 اللون اسود او رمادي غامق ويكون 8 سلندر
للتواصل 0555590098 او ارسال مسج .
2011
اس63
المزاد 20 / 11
السعر واصلة شامل 350 الف
2008 لمتد
المزاد 19 – 6
السعر واصلة شامل 83 الف
2004
نص الترا
المزاد 16/ 1
السعر واصلة شامل 70 الف
بسم الله الرحمن الرحيم قال تعالى : {يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ } (الحجرات :6)
السلام عليكم ورحمة الله وبركاته
أخوي مروان مساء الخير
أولا أهنئك على موضوعك الطيب ورغبتك في الإفادة والاستفادة ، واكبر دليل على نجاحك هو أن الموضوع صار له أكثر من سنه ولا زال حيوي وفعّال.
أخوي مروان ، أنا تواصلت معك من زماااااان بالهاتف ( أتوقع أكثر من سنه ) وكان من المفروض أنا نلتقي بس ظروفك كانت أقوى مني ولا ترى كان ودي أتشرف بشوفك.
صار لي فترة وأنا منقطع عن المنتدى لأسباب شخصية والحين الحمد لله رجعت أتابع فيه وكان لي عدة اسئله:
1. إنت تشتري سيارات عن طريق المزاد ، والمزاد يعتمد على نظام المزايدة ، فأنت لما تعرض السيارة تحط فيها السعر على طول وكأن المزاد انتهى و رسى بالسعر اللي ذكرته ، فكيف أنا المشتري اعرف (أضمن) إذا كان المزاد رسى بسعرك اللي حطيته ولا بسعر اقل ؟
2. اشتريت سيارة من فتره وكانت ( كلين تايتل ) ، وطبعا البائع وعدني أني بتسلم السيارة في 40 يوم ، وعدّت الأربعين يوم والسيارة ما وصلت واتصلت فيه ، ها يا لحبيب السيارة وين؟ قالي كمن يوم وبتوصل ، مرت 10 أيام ، ها يالحبيب ما يبت خبر ؟ قالي لا ، مرت عشرة أيام غيرهم بس هو اتصل في وقالي أخوي السيارة بتتأخر لان السفينة تأخرت في الخروج من ميناء ميامي في فلوريدا وصار لها عدت وقفات في الطريق وخلافه ، فقلت طيب من توصل السفينة خبرني أبا أشوف السيارة في الميناء ، ما قصر الرجال ،اتصل في ورحت أشوف السيارة وكانت الصدمة !!
كانت السيارة أهي المذكورة على حسب الاتفاق ولكن لاحظت عدة أشياء ، اولها ان السيارة فيها خدوش وأتوقع بسبب كيبل الشحن في السفينة مع أني دفعت فلوس زيادة عشان تنشحن في كنتينر ، الشي الثاني راس الجير ( شفت نوب ) مسروق + المشاش مسروق + الدوسات ( فلور مات ) مسروق الشي الثالث واللي ضايقني أن السيارة مبين كانه في احد شاحن سامان فيها في الدبه وفوق السيتات اللي وراء واللي قدام ، ليش ياخي كل هذا!!
رحت للحبيب وقلتله رد علي قالي ما عندي فكره شلون صار كل هذا بس أنا بكلم شركة الشحن و التامين وراح يرجعوا قيمة الأشياء المسروقة + تصليح السيارة !! وطبعا ما شفت منه شئ ليومك .
أنا واعتقد في ناس غيري لما نشتري مواتر من أمريكا نبي نوفر كمن بيزه إلنا ولعيالنا ، مب هدفنا نتاجر وصفقات وبيع وسمسره …. الخ
ولما أشوف ابن عمي وولد بلادي يتاجر ويدخل السوق ويغامر ويقلل من احتكار الوكالات أساهم باللي اقدر عليه بالبزنس أو بالماركتنج بالعكس وافرح وأكون سعيد واستحب التعامل معه وأشوف فيه النشاط والسعي المشروع والحثيث في طلب الرزق.
اسمحلي الغالي طولت عليك ، أنا بغيت اعرف من يضمن لي حالة الموتر لما يوصل من كل اللي سبق؟؟
ما أتمنى لأي إنسان يمر بالتجربة اللي مريت فيها
قال صلى الله علية وسلم : ” لا يُلدغ المؤمن من جحرٍ مرتين”
والله يوفق الجميع لما يحبه ويرضاه