سويت باستا تاكلون صوابعكم وراها

السلام عليكم ورحمة الله وبركاته

شخباركـــــــــــم ، يايبتلكم وصفه باستا لذيذه مسوتنها البارحه، بس ما صورتها ، المهم بكتبلكم المقادير وبحاول ادور الصور التقريبيه للموضوع عشان توضح الصوره

وبتدعولي ان شاء الله

المقادير

كيسة معكرونه بها الشكل

بصل مفروم ، طماطم مفروم ، كزبره شوية بقدونس ، فصة ثوم ،

دجاج مسلوق ومقطع

ويبنق كريم بس اللي مرسوم عليه طبخه مب سويت وموجود في ثلاجات كارفور قسم الالبان

يا الله نبتدي باسم الله

الطريقة:

اولاً : نفور المعكرونه بقليل من الزيت منعاً للالتصاق بقليل من الملح ونتركها جانباً بعد ( شخلها ) حلوه هاي شخلها المهم

ثانياً: نفور الديايه ونضع قليل من المسمار الفلفل الاسود المدور عشان ريحه الدياي تطلع

بعد ما تفور وتبرد انقطعها او ( انتفها ) لقطع صغيره كما هو مبين من الصوره اعلاه

ثالثاً: نييب التاوه ونحط فيها زيت ، لين ما يحر

اضيف البصل لين ما يحمر ، وبعدين الطماطم واللي يحب يحط فلفل بارد ، المهم لين ما اتحسون ان الخضروات استوت اضيف الدجاج المقطع فوقه واحمسه

اضيف البهارات ، الملح الفلفل الزنجبيل وبعض الكركم وفلفل احمر للي يحب السبايسي واضيف بعض الشي او كوب صعنطوطي الويبق كريم اللي في الصوره عشان يرطب الخلطه

بعد ما اخلص اييب جدر كبير احط فيه المعكرونه اللي في الصوره وفوقها الدجاج المحموس

واتم اخلط ،

واخر شيء احط ال whipping cream واحرك لين ما يسخن واسكره بس احط العلبه كامله عشان يكون شكلها متشرب كالاتي

يفضل عمل الباستا قبل الفطور بنص ساعه عشان الكريمه ما تنشف ويفضل اكلها ساخنه ومشبعه بالكريمه

وبالهناء والشفاء

مابا شكراً للي بيعيبه الموضوع

بس ادعو الله يحقق اللي في بالي