سويتات لعيون حبيباتي العضوات

78 thoughts on “سويتات لعيون حبيباتي العضوات”

1. حلو الطبقات البارد..

   *المقادير مع الطريقة:

   
   ::الطبقة الاولى::

   اول شي نجيب صينية بايركس وسط ونصف فيها طبقتين بسكويت شاهي مغمس في الحليب

   

   ::الطبقة الثانية::

   نحط بالخلاط (قشطة وحدة +1كيس كريم كراميل+1كيس دريم ويب+2 جالكسي بالكراميل+1مارس كبير)

   ونخلطها زين ونصبه فوق البسكويت وندخله الثلاجة لحد مايتماسك يعني نص ساعة

   وهذي صورة بعض المقادير::

   

   وهنا بعد ما صبيت الخلطة على البسكويت..

   

   ::الطبقة الثالثة::

   نأخذ كيك سويسرول بالفانيليا ونقطعه حلقات ونصفه فوق الطبقة الثانية

   

   ::الطبقة الرابعة::

   نحط بقدر على النار ( علبة قشطة+ملعقتين كبار تشوكليت او كاكاو بودرة+2 فنجان سكر) بس شوي لحد مايتجانسوا
   ثم نصبه على طبقة الكيك ونوزعه زين على كل الطبقة وندخله الثلاجة مرة ثانية شوي بعد

   

   ::الطبقة الخامسة والاخيرة::

   نأخذ (1علبة حليب ابوقوس العادي+2كيس دريم ويب)وبالخلاط شوي ثم نصبه على الطبقة الرابعة وتزينينه باللي تحبين فليك أو جالكسي ريبل أو أي شي..ودخليه الثلاجة وكلما طول صار أحسن..

   

   بعد التزيين..

   

   وهذي قطعة منها..

   

   وبالعافية يارب

2. ياربي .. شو هالعذاب …

   أقسى انواع التعذيب تمارس هنا في هذا الموضوع … أنا أحتج .. وناوي أرفع تقرير لمنظمة حقوق الكرش ..

   

3. ياربي .. شو هالعذاب …

   أقسى انواع التعذيب تمارس هنا في هذا الموضوع … أنا أحتج .. وناوي أرفع تقرير لمنظمة حقوق الكرش ..
   

4. كيكة القرفة..

   *المقادير:

   كوب ونصف دقيق
   ملعقة شاي مليانه باكنج بودر
   ذرة ملح
   ملعقة شاي قرفه او سينامون (للي يحب طعم القرفه باين يحط ملعقة طعام)
   6 ملاعق طعام سمن او زيت انا استخدمت زيت
   كوب سكر
   ملعقة شاي صغيره فانيليا
   4 بيضات
   ثلث كوب حليب سائل
   3 ملاعق طعام كبيره تمر مقطع صغار ( اختياري ) انا ما حطيت

   *الطريقة:

   – تخلطون كل المقادير أولا في خلاط العصير … ماعدا الطحين والباكنج باودر والملح والقرفة..
   – ننخل الطحين مع الباكنج باودر والملح والقرفة..
   – نضيف الخليط على خليط الطحين ونخلط بالخفاق.. حتى تندمج المقادير..
   – نصب الخليط في صينية الكيك بعد دهنها وندخلها الفرن على حرارة 180 س حتى تنضح..
   هذا شكلها بعد ما طلعتها من الفرن وقبل ما اصب الصوص..
   

   
   

   

   بعد ماصبيت الصوص..ورشيت القرفة..
   

   
   

   

   بعد التقطيع..

   

   

   

   *الصوص:

   
   2/1علبة حليب مركز ومحلى نخلطة مع 6 حبات كيري..ثم يصب على الكيكة..ونرش قرفة..حسب الرغبة..
   
   وهذي صورة الحليب المركز اللي استعملتة..أول مرة استعمل هذا النوع..كنت كلة استعمل نستلة..وهذا بعد حلو ونفس نستلة..

   

   وبالعافيه عليكم

5. البسبوسة..

   *المقادير:

   علبة قشطة التاج او أي ماركه تفضلينها . ( أو نستلة أو المراعي)
   علبة حليب مركز ابو قوس
   بيضه
   كأس زيت
   كأس سكر
   2كأس ونصف سميد
   نصف كاس جوز هند خشن .
   ذرة ملح .
   ملعقه صغيره باكينج باودر .
   لوز مقشور للتزيين .
   شيره (قطر) لتسقية البسبوسه
   طحينه (هرده) لدهن الصينيه

   *الطريقه:

   بخلاط الكيك على سرعه خفيفه ، نخلط المكونات السائله .

   علبة قشطة التاج او أي ماركه تفضلينها .
   علبة حليب مركز ابو قوس
   بيضه
   كأس زيت
   كأس سكر
   2كأس ونصف سميد
   نصف كاس جوز هند خشن .
   ذرة ملح .
   ملعقه صغيره باكينج باودر .
   لوز مقشور للتزيين .
   شيره ) قطر) لتسقية البسبوسه
   طحينه ) هرده) لدهن الصينيه

   *الطريقه:

   بخلاط الكيك على سرعه خفيفه ، نخلط المكونات السائله . البيضه و القشطه ، والحليب ، والزيت ، والملح والسكر
   

   
   

   
   

   

   ثم نضيف جوز الهند والسميد والباكينج باودر
   
   

   

   ندهن الصينية بالطحينه تعطيها نكهه وتمنعها من الالتصاق تماما .

   

   نصب العجينه بالصينيه

   

   نوزع اللوز على الوجة..

   

   ندلخا الفرن حتى تنضج على حرارة 180 ثم نحمرها من الأعلى..ثم مباشرة نسقيها بالشيرة الدافية أو بحرارة الغرفة((وكثرو من الشيرة))والأفضل نسقيها بالشيرة بعد التقطيع..

   

   وتقدم..ممممممم لذيييييييييييذة..

   لاحظو..هذا السمك اعتبرة أفضل سمك للبسبوسة..

   وبالعافيه يارب

   

Comments are closed.