اخواني اعضاء منتدى مكتوب الامارات للاوراق المالية اليوم حاب اخذ رايكم و ردة فعلكم في موضوع وياريت اشوف تفاعل ..
شيوخنا في دولة الامارات متواضعين يعني غير عن اي شيوخ في العالم .. نشوفهم يمشون روحهم وبدون حراسه واذا اي حد طلبهم ما يردونه ابدااااا والحمد لله على هذه النعمه …
شرفني موقف ويا الشيخ محمد بن راشد ولي الفخر اني اشوفه بالصدفه كنت واقف في جميرا على البحر الصبح ويا صوبي وقف سيارته حذالي سلمت عليه و سالني عن نفسي شوي وقالي تامر بشيء …
قلت له سلامتك يا طويل العمر خيرك سابق و ابغي طولت عمرك … في خاطري قلت اكثر من جذه شو بتعطيني بعد (( كفايه شرف لي وقفت تسلم عليه ))
الحمد لله نحن عايشين في احلى دولة في العالم من جميع النواحي في كل شيء ووايدين حاسدينا على هذا الشيء ..
اتمنى اي حد صارله موقف مع الشيخ محمد يكتبه هني في الموضوع
وتقبلوا وافر احترامي وتقديري
انا حلمت عن الشيخ محمد بن راشد ثلاث مرات
الحلم الاول
…
حلمت انه زارنا بالبيت وكان يالس ويانا بالميلس .. وقلت له شيخي كم رقمك عطاني ثلاثة ارقاام الاوائل والارقام الاخيرة قالي دورهن روحك ..
الحلم الثاني
…
حلمت اني كنت اتمشى وياه واتفقد الاسر الفقيرة وكنت اقوله طويل العمر هاذيلا اسر فقيرة .. محتاجين مساعدات ….
الحلم الثالث
…
حلمت اني واقف وياااه اراويه واشرح له عن مشرووووووووووووووع ….
…………….
الله يقدرني على هاي الاحلام .. واشوفك حقيقتا”
الله يحفظه ويطول عمره يا رب
حتى شيخاتنا بعد متواضعات
في حفل التخرج الشيخة فاطمة بنت مبارك الله يحفظها سلمت على كل الخريجات وحده وحده حسستنا انها امنا فديتها والله وفديت ابتسامتها
الله اطول عمره الشيخ محمد قبل 7 سنوات صار لي موقف ويا الشيخ محمد شفته بسيارته على طريق العوير وكان الطريق يسون له تعديلات وكان فيه تحويله والطريق مزدحم لما وصلت عند التحويله اغلب السيارات ما كانت تعطي طريق
كل واحد نفسي نفسي وانتوا تعرفون زحمه دبي
والله يوم وصل دور الشيخ وقف وضرب هرن واشر عليه وعطاني الطريق وسلمت عليه ابتسم ورد السلام
والله قلت في خاطري والنعم بشيوخنا ما شاء الله عليهم متواضعين وفضلوا لي المرور.
بما الناس العادين والاسيون جميع رفضوا يعطوني الطريق
ونعم فى بو راشد وفى كل شيوخنا
فضل الله علينا ان شيوخنا متواضعين حالهم كحال اي شخص من الشعب ولهم طولت البال فى الاستماع لشعبهم
تسلم يا خوي على طرحك موقفك مع الشيخ محمد