حد سمع اليوم الشاب اللي اتصل ب بو راشد يشتكي من مستشفى القاسمي؟؟
مسكين والله صحت يوم سمعت قصته ….. اهله مسوين حادث امه اعتقد واخوه … وصل الاخو
المستشفى ماشي على ريله ويتكلم لكنه كان يتألم وصايم وعمره 11 سنه ويقول محد كان معبرنه
من الدكاتره ولا حتى الممرضات غير بعض الابر كانوا يعطونه اياها ولا اشعه ولا اي فحص دقيق
لين كمل ثلاث ساعات ادهورت حالته وقاموا يسووله تنفس صناعي ودخلوه العنايه المركزه طلع
الولد عنده نزيف داخلي والقفص الصدري متهشم وطلع الدكتور من العنايه المركزه عطاه الخبر
المشؤوم اخوك توفىىىىىىىىىىىىىىىىى؟؟؟؟؟؟؟؟؟؟؟؟؟؟؟؟؟؟؟؟؟؟
والام لين اليوم ما تدري انه ولدها في ذمة رب العالمين! قرروا عليها عمليه في نفس المستشفى
وطلبوا توقيع الاهل بالموافقه على العمليه وعقب قالولهم حالتها صعبه وما نقدر على العمليه
ونقلوها مستشفى راشد وكان علاجها اسهل وما احتاجت العمليه والعلاج اللي وصفوه الها في
مستشفى القاسمي .
لااااااااااااااااااااااااااا تعليق
الله يــرحـــمــه ويــلــهــم أهــلــــه الــصــبــر
ومـــســتـــشــفـــى الــقــاســمـــي مـــحـــتــــاج صــيـــانــــــة بـــالأدارة كــلــهــا لازم تتغــيــر قــبــل الــدكـــاتـــرة لأنــهـــم ………………… حــســبـــي الله عــلــيــهــم بــس والله يــنــتــقــم مــنــهـــم .
بدون تعليق على المستشفيات الحكوميه خلووني ساكته بس
ليش المستشفيات الخاصه أحسن ؟؟؟؟
لا والله أتعس من الحكومية –هدفها الربح المادي فقط
ابوية الله يرحمة كان يقول لي (ياولدي الدكتور الزين واللي فية خير مايطلع من بلادة)
والفلم المصري اللي ساير عدنا يقول
الحمدلله العملية نجحت بس المريض مات
اشكرك اخويه على التعليق المفيد المختصر ….. الله يرحم الوالد كلامه صحيح وهذا الكلام
ينطبق على المجالات الثانيه مش بس الطب؟
نزلت من عيني دمعه و انا اقرا الموضوع و اقر االردود..
اظنكم سمعتوا عن ابوي من بنت خالتي واللي هي صاحبة هالنك..
..
اظن عرفتوني …نعم انا فولك دبي…وادخل بين فتره و فتره من نك بنت خالتي..
و سمعتوا عن ابوي والنزيف اللي صار له بالمخ..
تخيلوا ابوي 16 ساعه ينزف في المخ..ونحن ما ندري
تخيلوا في مستشفى دبي يسوون له اشعه في الراس الساعه 8 في الليل…ويشوفون انه فيه شي و يحولونه مستشفى راشد…نوصل هناك الساعه 9 بالاسعاف…
يسوون له اشعه لريله طلع عنده كسر بالفخذ جديم…مال قبل شهر ..ونحن من شهر نزاعج على الدكاتره في مستشفى دبي اللي كان يراجعهم و نقول لهم ابوي يبناه من الهند يمشي و الحين من فتره ما قام يمشي و نحس ريوله معلقه..يقولون ها من الضعف و اثار الجلطه….وفي الاخير نكتشف انه عنده كسر في مفصل الفخذ…
تخيلوا يسوون له الساعه 12 في الليل اشعة مقطعيه للراس و يوم نسال الدكتور المناوب في حوادث مستشفى راشد شو النتيجه..يقول لنا كفايه قلنا لكم عن ريله..عن راسه بيخبرونكم الدكاتره الصبح…
وينقله من الحوادث الى قسم 19…رحت للقسم ما قدرت اتحمل…تصدقون كانه سجن..لا دريشه و لا اي شي كأنه اللي فيه منبوذين…بتلقون باب قسم 19 عدال قسم 18 قبل الصيدليه لونه ابيض ..وحتى اي حد يمر لو ما يدقق ما بيعرف انه شي باب هني و انه قسم مرضى…فيه 7 مرضى مسدحين..حتى ما يرضون يكون مرافق مع المريض
اضاربت مع الممرضات لين رضوا ينقلون قسم 3 و عقب رحت العلاقات العامه و نقلوه قسم 5…
انا يالسه عن راس ابوي…واشوف حالته مب طبيعيه اسالهم شو بلاه ابوي مب طبيعي…يقولون لي من المهدأ ..معطينه مهدأ…
الساعه 4 الفجر ابوي قام يتشنج….والساعه 6 الصبح سكر عيونه ..يوم ازقره بس يفتح اليمين…وانا عند راسه بروحي مع اخوي الصغير ما اعرف شو اسوي و لا شو اتصرف….
تيني مسؤوله العمال تقول بننقل ابوج قسم 3..قلت لها ما تنقلينه لين ايون دكاتره المخ….تقول ابوج مكانه مب هني…قلت لها مب بكيفج..واضاربت معاها ..قلت له بتزقرين مدير المستشفى ازقريه ..انا ما بتحرك من هني و لا ابوي لين ايون الدكاتره….
ويوم ايي الدكتور…اقول له السالفه مع الممرضهاني ما اباه ينقلونه قسم 3….يقول لها هالمريض مكانه العنايه المركزه مب قسم 3 و لا هني و يضاربها….قلت له خير دكتور….عق علي الخبر وقال لي ابوج فيه نزيف بالمخ..
وليش ما قلتوا للحوادث انهم يكلمونا و وقعتوا على اوراق العمليه..
قلت له دكتور…انت من صدقك ؟ انا توني ادري بالموضوع منك..قال كيف و ابوج من الساعه 12 مبين عنده بداية نزيف…
سووله الاشعه مره ثانيه ..وطلع انه النزيف مغطي 40% من مخه…
وسووله العمليه …
وابوي الحين طايح في المستشفى من تاريخ 15 نوفمبر….بس يطالعنا…ما يرمسنا…نحس احيانا يعرفنا و احيانا لا…ما يحرك الا ايد وحده..واحيانا شوي يحرك راسه.
كل يوم اروح له و اموت بدال المره الف مره…يوم احس انه يطالعني و يبي يقول شي بس ما يروم
اموت بدال المره الف مره يوم..يوم ترجع بي الايام ورا و اتذكر كيف كان يبديني على اخواني و يدلعني..والحين حتى صوته ما اروم اسمعه..ولا اروم اسمع حتى اسمي بلسانه…
هو شو ذنبه يوصلونه لهاي الحاله بسبب استهتار دكتور…
تصدقون حتى لين يومكم مب سالم من الاهمال…
القى قبل يومين يصب عرق…اقول للممرضه شيكي له السكر تقول من ساعه مجيكين….غيروا له الشراشف لانه كله مبلل عرق..تقول من ساعتين مغيرين…وبضرابه و بالعين الحمره شيكوا عليه طلع سكره نازل 63…والسبب انه الممرضه عطته جرعة انسولين زايده من شافت السكر عنده 154…
صابه تشنج و مسؤولة الممرضات فالحه تقول لنا الحين الساعه 10 في الليل روحوا وقت الزياره انتهى…
زين و ابوي حالته تعبانه..تقول مافيه شي يمكن بردان..لحفته و سارت…قلت لها والله ما اتحرك من هني شبر هاتولي الدكتور….يوم وصل الدكتور قال ها تشنج من نزول السكر و حاطين له ابرة المغذي غلط دشت في العضله مع العرج الرئيسي…
والبارحه مسوين له عملية رجعوا قطعة عظمة الجمجمه اللي كانوا شالينها وقت عملية النزيف…واليوم اروح له المستشفى اشوف ضغطه نازل 80 على 40…والممرضه لا حس و لا خبر…ازقرها و اضاربها…تقول انا قلت للدكتور….زين وين الدكتووور…لا حياة لمن تنادي
شو ذنبه يعذبونه جيه ؟ ولييييييييييش… لو صار فيه شي من الاهمال منو مسؤووووول
كفايه يا عالم ..كفايه الاهمال اللي صار…16 ساعه ينزف لين طاح على الفراش لا يرمسنا بس يطالعنا..بسبب استهتار دكتور….ويوم قلنا بنشتكي عليه ..قالوا صحة ابوكم و عمليته اهم..عقب ما يتحسن اشتكوا…
زين والحين منو بيسمعنا لو شكينا…وحتى لو حد سمعنا بيقولون ليش ما اشتكيتوا قبل..
تعبت منهم..تعبت وانا اقول لهم شوفوا و فحصوا و طالعوا…
تعت و انا ازاعج من 3 شهور ابوي عنده كلية وحده تشتغل و تعبانه بعد ما تشتغل 100%…ولابسيني…والحين يوم تدهورت حالة كليته اكثر و بعد جهد جهيد ..سمعوني و سوا فحوصات و طلع انه كليته تدهورت..
ليش مستشفياتنا صارت بهالمستوى…
مع انه في دكاتره ما شاء الله عليهم…
وشي دكاتره والله لو يشغلونهم في مقصب دبي يكون احسن
ليش الوزاره ما يتابعون الدكاتره و شغلهم…ليش ما عندهم تقييم …وليش ساكتين عن هالاهمال و الاستهتار
هاي ارواح بشر مب لعبه..
والله مقهوره من قلبي…
ما نبي تعويض فلوس ما نبي شي…بس نبي هالدكتور اللي وصل ابوي لهالحاله يتادب و ما يعيد يسويها مع اي مريض ثاني..
الله يشفيك ياابوي و يرجع لنا سالم و متعافى
وترجع لبيتك و عيالك
وربي يشفى كل المرضى ويرجعهم لاهاليهم سالمين
..
السموحه طولت عليكم
بس والله من الالم اللي فيني و القهر على مال وصلت له حالة ابوي واللي عمره ما ضر حد و لا اذى حد
فديتك يا ابوي
ابوية الله يرحمة كان يقول لي (ياولدي الدكتور الزين واللي فية خير مايطلع من بلادة)
والفلم المصري اللي ساير عدنا يقول
الحمدلله العملية نجحت بس المريض مات