سمعتوا بن خصيف اليوم

68 thoughts on “سمعتوا بن خصيف اليوم”

1. اشكركم جزيل الشكر اخواني بدر الامارات وقلم احمر على المشاركات القيمه اللي تضيف الكثير

   للموضوع ويشرفني تفاعلكم وسرد تفاصيل التجارب اللي نقدر نقول عنها مؤلمه للغايه:dgg4546:

2. الصراحه مستشفى القاسمي من زمااان عليـــه شكاوى وكنت دووم ما اصدق واقول الناس يبالغون في الي يستوي لهم …

   في يوم من الايام الحرمة اغمى عليها فالشارجه وانا ما كنت معاها شلوها فالاسعاف و خذوها على مستشفى القاسمي ما كانت تقدر تمشي وكل ما تمشي شوي كان يغمى عليها وما تم مكان ما ضربت راسها فيه .. المهم طبعن خبرتني شو استوا .. حتى يوم وصلت سياره الاسعاف كرسي متحرك ما يابولها تيلس عليه ..
   وتموا يمشونها من مكان لين مكااان وبهدلوها تبهديل .. واخر شي دخلوها غرفة العناية الاوليه الي يقيسون فيها الضغط والحراره .. المهم خلصوا وصلت المستشفى لقيتهم فارينها في حجرة العنايه الاوليه والممرضة لابستنها ولا طرشتها عند الدكتورة يوم لقيتها في هالحاله فتتن عليـــها وماخليت فيها شي وخذت الحرمة وطلـــــــــــــعت …

   ويــــــــن سرت مستشفى ويل كيـــــــــر وما ادراك ما مستشفى ويل كير
   صح خذوها بسرعه وراعوها ودخلوها الحجره بس تعالو شوفو الممرضه شو سوت انا يالس اشوف انها تتعلث ان ايدها ما يبين فيها العروق عشان ادخل ابرة المحلول وكان مبين عليها انها ما تعرف شي اول مرة دخلت ابرة وجان تكسرها داخل وعقب طلعتها وحطت ابرة في ايديها الثانيه وجان اطلع الابرة مكسورة فتتنت عليها بعد قلتلها يوم انتي ما تعرفين في شغلج عدل ليش يالسه تأذيـــن الناس لا وبعد حرجت اونه ليـــش جذه تقولي وجان اشلها واطلع وخذتـــها البيت وانا عالجتها بروحي عصير لومي على برتقال على ملح على لبن وحبتين دوا ضغط وبروفيــن واستوت بخيــــر .. وابركلنا من مستشفيات بلدنا ..

   علــــــــــى فكرة نفس الممرضه في مستشفى ويل كير اخـــــــوي كان فيه جلطه في الرئه وتمت تكسر الابر داخل ايديه ولعوزت الريااااااال .. ولا حوول ولا قوة

   الي ابا افهمه هذيـــــل الدكاتره والممرضات يتحرون عمارهم هم ناس ونحن من الحيوانات لازم ما نحس ولا نتألم .. عنبوه المستفياااااااات لازم من الادارة لين اصغر موظف لازم يكون عندهم ذمه وضمير ايلسووون يجتلون عيال الناس ويبهدلونهم هاااي نفس بين ايديكم لازم تكونون امناء عليـــها

   الواحـــــــــد يوم يمرض ما يعرف اي مستشفى يسير والله ما اقص عليكم يا اخوانـــي اني يوم اتعب او ابا اسيـــر اسوي فحوصااات احتار وماعرف ويـــــــــن اسير لاني كل ما افكر في مستشفى فالبلاد يكون فيـــه شي غلط

   بس كافيـــــــــــه وصلنا لين احسن المراكز في الاقتصاد والسياحه والمستشفيااااااات الي عندنا ابد ما تشرف … حتــــــــى النفس الي الله خلقــــــــها يبون عليــــها واســـــــــطة ونـــــفس الياهل الي مات بسبت اهمالهم في رقبتـــهم ليـــن يوم الديـــن ..

   اسمحولــــــــــي عالاطاله .. تحيـــــــــــاتي للجميـــع

3. كان اخوي الصغير في مستشفى القاسمي وكانت حالته وايد صعبه

   والله من الساعه 1 لين 4 يالسين على صراخ الولد لا اهتمام ولا تعبير

   وعطوه ابره مسكن ولين الساعه 11 الصبح بعد الحشره اللي صارت في المستشفى قالو انه في ورم و بداية دودة زايدة وقالو ان لزم نسوي العملية الحين وبدون تأخير وما في مجال انه ننقله لمستشفى ثاني واذا نقلناه على نكون نحن المسؤولين الصراحه خفنا على الولد

   المهم الحمد لله ان كان شي دكتور وخبير اعتقد من خارج الدوله (( طبعا بعد الواسطه والحشره )) يابوه والحمد لله العمليه نجحت لكن عن الاهتمام الله لا يراويكم

   لا اكل مثل الناس

   لا رعاية مثل الناس

   حتى ما توقع في مثل هالحالات واسطه والله امرهم غريب

Comments are closed.