حد سمع اليوم الشاب اللي اتصل ب بو راشد يشتكي من مستشفى القاسمي؟؟
مسكين والله صحت يوم سمعت قصته ….. اهله مسوين حادث امه اعتقد واخوه … وصل الاخو
المستشفى ماشي على ريله ويتكلم لكنه كان يتألم وصايم وعمره 11 سنه ويقول محد كان معبرنه
من الدكاتره ولا حتى الممرضات غير بعض الابر كانوا يعطونه اياها ولا اشعه ولا اي فحص دقيق
لين كمل ثلاث ساعات ادهورت حالته وقاموا يسووله تنفس صناعي ودخلوه العنايه المركزه طلع
الولد عنده نزيف داخلي والقفص الصدري متهشم وطلع الدكتور من العنايه المركزه عطاه الخبر
المشؤوم اخوك توفىىىىىىىىىىىىىىىىى؟؟؟؟؟؟؟؟؟؟؟؟؟؟؟؟؟؟؟؟؟؟
والام لين اليوم ما تدري انه ولدها في ذمة رب العالمين! قرروا عليها عمليه في نفس المستشفى
وطلبوا توقيع الاهل بالموافقه على العمليه وعقب قالولهم حالتها صعبه وما نقدر على العمليه
ونقلوها مستشفى راشد وكان علاجها اسهل وما احتاجت العمليه والعلاج اللي وصفوه الها في
مستشفى القاسمي .
لااااااااااااااااااااااااااا تعليق
صراحة انا عن نفسي اذا أنا كنت وزير الصحة قبل ما اعين حد لازم اشوف اوراقه هل اوراقه صحيحة ام لا
لان هناك بلدان تدفع ثمن الشهادة وتشتري الشهادة في اي مجال تبغيه
لكن وللأسف الشديد الثقة العمياء لمثل هذه الاشخاص وعدم خوضهم للفحص الشديد والصعب والتساهيل معه في كثير من أسئلة الإمتحان يؤدي إلى هذا الدرب
ليش الإنسان يدفع روحه ثمناً لأخطاء غيره ؟؟؟؟
محاكمة شو بيسون له ؟ بعد شوه ؟
انا بعد كان عندي مشكلة وإتضحت بعد شهر أن المشكلة اكبر مما تصورته والسبب هو فحص احد الدكاترة بدون ذكر جنسيته وعدم درايته بالمرض كاملا ولا عرف يشخص الحالة
وكملت 7 سنين وانا على هذه الحالة ’’’’
على كل حال المفروض كل واحد منا يثقف عمره في مجال الطب ايضا عشان ما ينخدع مع الدكاترة التجاريين
صدقك اخويه الثقافه مهمه عشان نحمي انفسنا ! مشكور جزيل الشكر على المداخله
حبيت اضيف مداخلة ثانية وهي أن الحكومات بطبعا (وفي أي مكان في العالم من الاسكيمو الى استراليا) بطيئة ولاتستطيع منافسة القطاع الخاص بسبب المركزية وعدم المرونة في القرار. الحاصل عندنا ان الوزارة أو الدوائر الصحية التابعة للأمارة تدير المستشفيات وبالطبع لايمكن بأي حال من الأحوال مقارنة مثل هذه الادراة بادارة خاصة.
دول العالم الغربي حلت هذه المشكلة بأنها اعطت المواطن تأمين صحي ولم تبني المستشفيات او تديرها ووزارة الصحة حصرت دورها في ان تكون مشرع للقوانين وذراع حكومي لضمان تطبيق هذه القوانين.
من الأفضل برأيي تخصيص المستشفيات الحكومية وصرف الاموال التي تنفق على ادارتها على التأمين الصحي للمواطنين وصدقوني مستوى الخدمات بيتطور مليون بالمية وأيضا سوف يتم توفير المليارات من ميزانية الوزارة والهيئات الصحية.
تحياتي،،،،
اشكرك على المداخله وكلامك سليم 100%
عشان جيه ما احب اروح المستشفى لاني شايف جدي وهو يموت كيف كانوا يسون فيه وشايف ربعي والله جدامي واحد من ربعي صار له نزيف في البطن ما وقفوا النزيف لا خلوه لين ما نزل دمه ل7 الله رحمه انه تلاحقوه اهله وودوه الامريكي سوله منظار وقفوا الدم وقالوا له هذي قرحه وكوينها وماعليك الى تاكل فيتامينات وجلكوز وبيرد دمك بعدين للطبيعي لو تم في مستشفى صقر جان الله يرحمه ومره اخوي بعد عشان دودة الزايده مب قادرين يتاكودن ملتهبه ولا شو سالفه يقول احتمال واذا تبون بنسويله عمليه واذا ماتبون شلوه وطلعوا دكتور يقول جيه تعرفون لييييييييييييييييييييييييييييييييييش محد يحاسبه لانه قطاع حكووووووووووووووووووووووومي راتبي بينزل اخر الشهر واذا غلط بيقولج جل من لا يسهو والاف ناس ميتين وكلهم غلط من يومين بنت صغيره بنت 11 شهر توفت بأبره غلط في مستشفى صقر منو بيحاسبهم محد بس احين ستراتيجية محمد بن راشد بيحولون الوزارة الى هيئه وبيبدا الحساب ون شاء الله ينظفون الزباله عاد
أنا خبرتكم عن هذه السالفة من قبل عن ولد عمي
فحصوه في مستشفى المفرق وقالوله عنده قرحة بالمعدة وأعطوه علاج –لكن حالته زادت سوء
سافر للخارج ومن أول فحص طلع معاه سرطان بالأمعاء …تم إستأصاله لكن للأسف كان الوقت متأخر
لأنه السرطان إنتقل للكبد …..والحين هو يعد أيام بس
إدعوله بالشفاء
الحين الاهمال انتشر بشكل كبير في المستشفيات سواء من أخطاء الاطباء أو قلة الآجهزة الطبية
لازم يكون فيه حل سريع لهالمشكلة لان هاي أرواح بشر مب لعبة
اتمنى نجوف مستشفياتنا متقدمة وبعد دكاترنا والله يحفظ الجميع من كل شر