السلام عليكم اشحالكم ؟ عساكم بخير
ابا اتكلم بصراحة عن موضوع خطـــــــــــــــــــــــــــــير
وما يي احيانا على بالنا
وهو تسميه الاسماء على غـــير مسماها
واقصد
المواعدة اللى تصير بين الشاب والبنيه واللى تبدأ برقم وتنتهي بمصيبة
يا اخوان الحــــين الموضوع مب سالفـــــة رمسه حب في التلفون وطيش شباب
الحين صارت زنــــــــــــــا
هيه نعم زنا
ووايدون تفاخرون بهالشيء ويوم تواحهه يقول شو نسوي ومتعودين وما نعرف كيف نتوب
شو الحل برايكم
اخوكم الحزين
ماااشي رقااااااابه ,,
البنت بتسوي الي تباااه
يوم الأبو والأم ما يسألون عن بناااتهم أكيد البنت بتسوي هالسوات ,,
شو بنقول
كم بنرمس
الله يهديهم ,,
اشكرك اخوي على الموضوع الحساس
صار الزنا شيء طبيعي وعادي عند اللي ما عندهم وازع ديني
والوحده اللي ما اتواعد من ها التافهات ما تكون اتمت وناستها
قبل بعد يواعدون بالخفاء
صار الحين كل شيء علني وتلقاهم حتى ميلسين في المقاهي والمولات في المطاعم
دخلت مال العبي جان اشوف اثنين مجربين كراسيهم من بعض واريولهم لازقه في بعض واول ما دشيت جان اتنزل ويها وغطته بقصتها الطويله اتاكدت انها ما تعرفني جان اتقول حموود سير برع
قالها لا.. خليني يالس وياج تمت ادزه اتنبهه اني انا واقفه واتعرفون طبعا لو معرسين مستحيل يتجرأ ويدخل ويها عند مال العبي المهم يلس يترياها في السياره وهي اتقول لصاحب المحل هذا باباه هو بيشل عبايه مب انا
قلت في خاطري (( حلو )) وصلتي للي تبينه
المهم: الغبيه ما كملت المسرحيه جدامي سارت سيده وركبت سيارتها بدال ما تركب وياه
وتمت يالسه تترياني اطلع
عاد انا لين ما فصلت صامده
ما استحملت نزلت من سيارتها وركبت وياه واتحركو !
شو تبون اقولكم بعد
ماشيء حياء خلاص
هذا موضوع لو الواحد بتكلم فيه بيتطرق الى مواضيع ثانيه كثيره..
الواحد ما يقول غير الله يهديهم ويهدينا