السلام عليكم ورحمة الله وبركاته
والصلاة والسلام على اشرف المرسلين وخاتم النبيين سيدنا محمد وعلى اله وصحبة وسلم
وبعد
بصراحه يا اخوان انا لاحظت في الفترة الاخيره ان في اشخاص يعرضون ارقام عنده ولكن باسعار خيالية
فنظرا لخبرتي الطويلة في بيع ارقام السيارات حبيت اعرض عليكم الاسعار المقترحه او بمعنى اخر اللي
ماشية في السوق الحين ونحن انبيع ونشتري على اساسها وبعد للاخوة اللي بيشترون واللي بيبيعون
وذلك حتى تتم الاستفادة للجميع مع تمنياتي لكم بالتوفيق
الارقام الحمر الرباعيه
اذا كان رقم مخربط فهو يسوى من 15 الى 18 الف
اذا رقم بدايته ونهايته نفي الرقم يسوى من 17 الى 20 الف حسب الرغبة
اذا رقمين عدال بعض متشابهة والرقمين الباقية متخربطة من 18 الى 22 الف
اذا رقمين متشابهين و واحد غير والاخير نفس الرقمين الاوليين من 20 الى 27 الف
اذا دبل دبل يسوى من 28 الى 40 الف
وطبعا في النهاية كله حسب الرغبة اذ ممكن رقم ينباع باكثر حسب رغبة الشراي
وانشالله النا لقاء بخصوص ارقام اخرى من فئات اخرى
واخر شي اقوله ياجماعة الخير كل واحد حر في حلاله وما اريد حد ينتقد او يزعل
والسموحه
مستثمر ظبياني
اخوي عندي رقم الفئه الخامسه
xx0cc
كم يسوى ؟
هلا والله
الغالي اول شي مافي تنازل الا للي عنده واسطه اما بخصوص الرقمين فهم يسون من 15 الف الى 25 الف هذا بالنسبة للاسعار الحالية
وبالتوفيق ان شالله
السلام عليك اخوي مستثمر ظبياني
يزاك الله خير على هل المجهود الطيب
بغيت اسال عن رقمين أبوظبي متشابهين احمر و ازرق على ها الشاكلة xx0yy وهل ممكن التنازل لغير الاقارب من الدرجة الاولى
ويزاك الله خير
الفارس الملثم
الارقام اللي مثل هاي وخاصة اللي اتطابق برقم خاص بموديل السيارة اتكون اسعارها غاليه ضو وبعد ترجع لرغبة الشاري في الرقم وانا شفت ارقام مثل هاي انباعت في دبي باسعار فوق النص مليون والرقم اللي عندك بسعر السوق يسواله من 400 الف الى 480 تقريبا
هذا اذا انت مب مستعيل
والسموحه منك اخويه واسفين على التاخير
430 كوود c
للعلم ان هذا الكود خاص للشيوخ و الرقم يركب على فراري f430
كم يسواله الرقم ؟؟