السلام عليكم ورحمة من الله وبركاته
شحالكم يا أعضاء منتدانا الكرام ؟! صارلي فترة ما أزعجتكم بالمواضيع والقصص 
ما بنطول عليكم .. هالمرة الموضوع عبارة عن قصـة سـنـدريـلا ,, ولكن ..!! بالـبدوي 
..
..~~~~~~~
كالعادة .. زوجة الأب ترمس في التلفون .. وترمس ويا ربيعتها ويطرن الأعراس والعزايم .. وفجأة .. تذكرت أنها نست الغدا على الفرن … وتزقر على سندريلا :
– سندريلا !! سندريلا وصمخ !! سندريلا !! هالبنت من خذت هالتلفون بو فصوص وهيه تصاوخ يعله يخترب من تلفون .!.!
ثواني .. وتوصل سندريلا .. وتقول :
– هاه ؟ نعم ؟؟ سندريلا وسندريلا وسندريلا !! يعني محد غيري فالبيت !! وبناتج طيمشه ونيمشه جي ما تزقرين عليهن ! ايدهن محنايه ولا عن يخترب الحنا في ريولهن 
!!
!!فجأة .. يرن البلاك بيري “طرنق” معلناً عن وصول برودكاست جديد ..
ترفع زوجة الأب راسها وتطالع سندريلا وهي معصبه وتقولها :
– ويقولون سندريلا فقيره واني انا ملعوزتنج وانج انتي طيبه 
!! ما يدلون لسانج شطوله ومن حد يقولج جلمه رديتي عليه بـعشر !! سيري بندي عن الغدا !! متى بيوزج وبفتك من صدعتج !!
!! ما يدلون لسانج شطوله ومن حد يقولج جلمه رديتي عليه بـعشر !! سيري بندي عن الغدا !! متى بيوزج وبفتك من صدعتج !!ترد زوجة الأب وتكمل سوالف في التلفون .. وتسير سندريلا صوب المطبخ وتبند عن الغدا ..
دقايق .. وترد ساندريلا وهي شاله الغدا .. وقبل لا تدخل الصاله .. سمعت زوجة الأب ترمس وتقول :
– لا لا ما بشلها عزيمة ولد الأمير !! برايها بشل بناتي عذيبة وعذيجة .. وبخليها في البيت !! هاي سندريلا لو شليتها بتفضحني في العرب ..! خليها تصك التراب وتقر هنيه وتطبخ !! أصلن لو شليتها بتخترب القصة والناس بيقولون عني طيبه 
!!
!!انصدمت سندريلا !! وبدت تصيح ودشت الصالة وهي تقول :
– هاه ؟ ما تبين توديني !! تبين تشلين بناتج طيمشه ونيمشه وتخليني انا بروحي !! حرام عليج 
يعني في القصة الأصليه ما طعتي تشليني !! حتى في هاي القصة ما تبين تشليني !! حرام عليكم أنا شو سويت !!
يعني في القصة الأصليه ما طعتي تشليني !! حتى في هاي القصة ما تبين تشليني !! حرام عليكم أنا شو سويت !!وطت سندريلا الغدا على الأرض وسارت تربع صوب المستودع 
.. لأن زوجة الأب في هالقصة سكنتها في المستودع لأن حجرة البشكارة حولوها لملحق اضافي وأجروه !
.. لأن زوجة الأب في هالقصة سكنتها في المستودع لأن حجرة البشكارة حولوها لملحق اضافي وأجروه !قفلت سندريلا على عمرها في المستودع .. وبدت تصيح وتصيح 
.. وشويه ويرن البلاك بيري “طرنق” و وصل برودكاست يديد .. وهي تصيح وفرت البلاك بيري من الضيجة وانكسر !! وتمت تصيح أكثر .. بس هالمرة تمت تصيح صدق لأنه البلاك بيري انكسر .. وتمت تصيح للمغرب ,,
.. وشويه ويرن البلاك بيري “طرنق” و وصل برودكاست يديد .. وهي تصيح وفرت البلاك بيري من الضيجة وانكسر !! وتمت تصيح أكثر .. بس هالمرة تمت تصيح صدق لأنه البلاك بيري انكسر .. وتمت تصيح للمغرب ,,فجأة .. وظهر فار من تحت واحد من الكراتين اللي فالمستودع .. وسار عند سندريلا عسب يرمسها ويخفف عنها .. وقالها :
– أفا يا سندريلا !! انتي بعدج تصيحين !! مب كافي انج تصيحين في القصة الأصليه وحتى في هذي القصة بعد تصيحين !! شو هالناس ما يحسون 
!!
!!ولكن حدث شيء لم يكن في الحسبان .. لأن سندريلا من شافت الفار قمت تصارخ وتناقز على طول المستودع !!
فااااار فاااااااااار !! ومن الخوف وبطلت الباب وشردت من المستودع وسارت الصالة وهي تصارخ ..
ظهر الفار من المستودع و وقف عند الباب وقال :
– أونج طيبة ورقيقة وحاشرينا سندريلا وسندريلا !! وآخرتها تشردين من فار !! وانا يزايه ظاهر أوني أواسيج لين ما توصل الساحرة !! أنا غلطان مب انتي ..
..ورد الفار للمستودع وانخش تحت واحد من الكراتين ..
المهم .. في ذيج الساعة كانت سندريلا تتمشى في البيت وتصيح وتدورهم !! بس ما لقت حد في البيت لانهم سارو عزيمة الأمير وخلوها في البيت !!
شافت الساعة !! أوف الساعه 7 وبعدها الساحرة ما وصلت عسب تنقذها !!
يلست سندريلا على اللاب توب وهي تصيح .. ودشت المنتدى .. وكالعادة دشت المنتدى العام .. ومن دشت إلا وهي تشوف مواضيع عن الوافدين والتوطين والعمل والأسعار والغلاء والمشاكل ..
تمت تدور في المنتدى .. لين ما وصلت للصفحة 17 من المنتدى العام .. وهي على نفس الحالة تقرا عناوين المواضيع وتصيح ..!
..!وصلت الساعة 8 .. والساحرة بعدها ما وصلت .. قمت سندريلا وبندت اللاب ولبست عباتها و وقفت برع البيت تتريا الساحرة توصل …
دقايق .. و وخطفت عدال البيت استيشن يسوقها دريول وراكبه حرمة عيوز ورا .. ونزلوا الدريشه ..
فرحت سندريلا يوم شافتهم 
.. وركضت صوبهم وهي فرحانة لأنه أخيراً وصلوا !! وأول ما وصلت للحرمة قالتلها :
.. وركضت صوبهم وهي فرحانة لأنه أخيراً وصلوا !! وأول ما وصلت للحرمة قالتلها : – انتي أكيد الساحرة !! الله يهديج الساعة 8 تأخرتي وايد !! يالله بسرعة وصليني الحفلة خليني ألحق على الأمير !!
اطالعتها العيوز بنظرات وهي مستغربة وقالت :
– وي غربلاتج يا ساندريلا !! أحين أنا ساحرة !؟ يا امايه أنا يارتكم وعاد ريتج واقفة برع عند البيت وقلت بوصلج دامج تتريين حد ولا تبين تسيرين بقعة .!!! اركبي اركبي بوديج امره لا تستحين أنا شرات أمج !
!! أحين أنا ساحرة !؟ يا امايه أنا يارتكم وعاد ريتج واقفة برع عند البيت وقلت بوصلج دامج تتريين حد ولا تبين تسيرين بقعة .!!! اركبي اركبي بوديج امره لا تستحين أنا شرات أمج !انصدمت ساندريلا !! وما عرفت شو تقول .. وركبت وياها السيارة من الصدمه .. وقالتلها العيوز :
– شحالج وشحال حرمت ابوج وخواتج واهاليكم كلكم بخير ؟ يا الله يا بنيتي .. أسميه أنه برد اليوم .. أقولج من نشيت الصبح وانا ريولي تعورني مب رايمه حتى اسير عند حلالي .. إلا ما دريتو عن أم سيف .! حليلها احيدها مسافرة الهند تعالج من السكر !! ماشالله هاي القطعة اللي لابستنها من وين ماخذتنها ؟؟ هيه صح حرمت أبوج أحيدها ….
والعيوز تتحرطم !! وساندريلا تامه على نار تبا توصل لحفلة الأمير ..
دقايق .. و وصلو للقصر .. ونزلت سندريلا ويا العيوز ..
طاف الوقت .. وسندريلا تتريا الساعة 12 تي عسب تشوف الأمير !!
لكن .. من غدت الساعة 10 .. نشت العيوز وسارت لسندريلا وقالتلها :
– يالله قمي قمي قمي قمي .. ما دريت بالوقت الا توني .. استوى نص الليل وانا ما رديت البيت وا لقعتي احينه الشيبه يتحرطم !!
شافتها سندريلا وهي مب مصدقه وقالتلها :
– خالتي حرام عليج بعدها الساعة 10 !! وما غدت الساعة 12 عسب أشوف الأمير و …
!! وما غدت الساعة 12 عسب أشوف الأمير و …احتشرت عليها العيوز وقالت :
– خلي عنج الأمير والساعة 12 انا لو أدلج انج بطولين شرات القصة الأصلية جان ما يبتج !! يالله قمي قمي غير المره ان شالله بييبج وترومين اتمين لين 1 !! تمي برايج الحين يالله قمي الحقيني تراني أترياج في الموتر !!
ظهرت العيوز بسرعة من القصر وساندريلا تشوفها .. واغرورقت عيناها بالدموع وهي مب مصدقة اللي قاعد يصير ..
نشت سندريلا من على الطاولة وهي تصيح .. وأول ما ظهرت .. لقت شاب وسيم راكب على الخيل وخاطف عدال بوابة القصر ..
فرحت سندريلا !! وأخيراً التقت بالأمير وبيتحقق حلمها !!
ركضت سندريلا صوب الأمير
و وقفته .. وهو مستغرب وقالها :
و وقفته .. وهو مستغرب وقالها :– نعم يالأخت ؟؟ في شي ؟!؟
؟!؟شافته ساندريلا بنظرات حقد .. وقالتله :
– شو نعم ؟!؟! استح على ويهك أنا ساندريلا 
..
..
واستحت سندريلا 
و وخت راسها في الأرض !! ونزل الأمير من على الخيل ..
و وخت راسها في الأرض !! ونزل الأمير من على الخيل ..فجأة .. ظهر الأمير تلفونه وشاف الساعه وقال :
– تمصخرين انتي ؟؟ بعدها الساعه 10 مب 12 ؟؟ ليش ظاهره من وقت ؟!
؟!
في ذيج اللحظة !! سمعت ساندريلا هرنات الاستيشن برع القصر .. وعرفت انه العيوز والدريول يتريونها .. وشافت الأمير وقالتله :
– ما عندي وقت أخبرك السبب الحين .. بس انا بفرلك نعالي ومن باجر الصبح تعال بيتنا ! مب لازم تدور عليه من بين كل البنات اللي فالبلاد !! ترا بيتنا قريب وانا بدليك ما يضيع الدرب 
!!
!!فجأة .. قاطعها الأمير وقالها :
– صبري صبري سندريلا !! أي نعال !! يا ماما انتي شكلج من العيله نسيتي نعالج ويـيـتي الحفلة حافيه !!
!! يا ماما انتي شكلج من العيله نسيتي نعالج ويـيـتي الحفلة حافيه !!انصدمت سندريلا !! واطالعت سندريلا ريولها !! طلع كلام الأمير صح ومن العيله نست تلبس النعال !! ويعني خلاص اختربت الأحداث في القصة وما بتعق طبجة شرات القصة الأصلية !!
ردت سندريلا وشافت الأمير وبدت تصيح .. وخلته وبدت تركض صوب الباب والأمير يزقرها .. وهي تركض وتصيح .. وفجأة سمعت الأمير يقولها :
.. وخلته وبدت تركض صوب الباب والأمير يزقرها .. وهي تركض وتصيح .. وفجأة سمعت الأمير يقولها :– انزين صبري عطيني عنوان البيت ما فيه ايلس ادورج واراكض فالبلديات والدواير عسب اييب عنوانكم !!
التفـتـت سندريلا وهي تركض عسب ترد عليه !! وتوها يايه تقوله العنوان !! دعم راسها في واحد من عواميد القصر 
!!
!!هالمرة !! صاحت صياح من الخاطر وصدق عورتها الدعمه وظهرت من القصر وركبت الاستيشن ويا يارتهم وردت البيت !!
وقف الأمير عند البوابه وهو منصدم !! معقوله حلمه ما بيتحقق وبتخترب أحداث القصة !! يعني لا عرف عنوان بيتها ولا لقى طبجت نعالها ولا حتى عرفها بنت منو !! الحين شو بيقول لأبوه عقب ما تخلص الحفلة !!
مشى الأمير .. وتم يمشي ويفكر .. وفجأة .. لاحظ أنه العمود اللي دعمته سندريلا تضرر من قوة الدعمة !!
وأخيراً .. لقى الأمير دليل يمكن يوصله لـ سندريلا 
..
..
رجع الأمير للبيت .. وقال لـ ابوه كل اللي صار !! وساعتها .. ابوه تضيق يوم عرف أنها دعمت العمود بدون لا يعرف حتى اسمها او عنوانها أو حتى يحصل طبجة من نعالها !! وقاله :
– يا فضيحتنا عند العرب ! شو تبا الناس يقولون !! تباهم يقولون الأمير ما قدر يوصل لـ سندريلا شرات القصة الأصلية !! انته مب منك !! من اللي يسويلك علوم واييبلك طاري العرس !! لو أدلك انك بتسوي جي !! كنت أنا باخذ سندريلا وبفكك من صدعة العرس ومن أنك ادورها !! الحين خبرني وين تبانا نحصلها !!
!!
عـصّـب الأمير .. وعزم انه يحصل سندريلا .. و سار يرقد ..
في ذيج اللحظة .. كانت سندريلا تصيح .. لأنها خسرت أغلى شيئين عندها في الدنيا ..
الأمير .. والبلاك بيري ..!!
ومن كثر ما تصيح .. رقدت بدون لا تحس ..
بالباجر العصر .. سارت سندريلا واحد من هالمولات عسب تاخذ بلاك بيري ..!
وفي نفس الوقت .. اتصل واحد من الشباب للأمير صاحبنا وقاله :
– ألوه ؟ هاه وين انته ؟؟ هيه خلاص أمير وساندريلا وقصر وحاله !! خلاص ما تعرفنا كبر راسك .! بتي المول بنيلس فالكوفي ولا مشغول ؟
.! بتي المول بنيلس فالكوفي ولا مشغول ؟
رد عليه الأمير وقاله :
– لا يا ريال !! أي ساندريلا الله يهديك !! خلاص ساندريلا راحت أيامها !! يالله عطوني ربع ساعة ان شالله بييكم بصب بترول وياي ..!
المهم .. كلها دقايق و وصل الأمير للمول و وقف موتره في الباركنات ..
توه نازل من الموتر .. إلا وساندريلا ظاهره متغشية .. وقابضة البلاك بيري ويالسه تطرش برودكاست لربايعها وتخبرهم أنها خذت بلاك بيري يديد لأنه الأول ملت منه لانه كمل عندها شهر !!
المهم .. ساندريلا تمشي وهي مركزة في البلاك بيري !! إلا ودعمت واحد من هالعواميد اللي في الباركنات !!
!!شويه .. وانتهبت ساندريلا أنها دعمت عمود .. والتفتت وراها عسب تدور الأمير !!
بس للأسف .. هالمره ما لقت الأمير !!
كانت ساندريلا تحلم واكتشفت أنه دق راسها في اليدار !!
!!
ووووووو .. ودمتم
~~~~
والسموحة 
شـكــ وبارك الله فيك ـــرا لك … لك مني أجمل تحية .
جميل يالعميمي
كما عهدتك
يعطيك العافيــــه
وننتظر جديدك
عــــزيـــــــزي
شكـلـهـأ القصــهـ اتحمــس ..
لي عــودهـ ..
أنـآ ع بـآإآلـي بتحوَل قصة سندريـلـآ الصدقية بآإلبدوؤوي
مـآ دريت إنكـ بتألف قـصـة من عندكـ و بتخليهمـ في الـأحدآإآث يذكروؤون القصة الصدقية
و لـآ بعد في النـهـآإآيـة البنت تحلمـ
>>> لركي كيـآ مشكلهي ..!
هيهيهيهيهيهيهي
“العميمي“
قــصـة جميلة من أنـآإآملكـ التي تتأثر ببنآإآت أفكـآإآركـ في عقلكـ
يالله نبغي قصة سنوؤوآإآت بـآأآلبحريني “شكوؤو مـآكوؤو”
>>> دوؤوعـآإآبـة =)
دآئماً تتحفنـآ بـ قصص جميلة
ربي يعطيكـ الصحة و العآإآفية يـآإآخوؤوي
شكريــــــــــآإآهـ بيـــــــآإآهـ =)
تقبل مروؤوري
دمت بـ سعـآإآده
غلـآ بوؤوخـآإآلـد
في مواضيع الكبارية
الواحد يحب يقتنص المقعد الأول .. محجوز و لي عودة