سلام عليكم إخواني وخواتي
عندي موضوع من شهور أفكر فيه ومالقيت له جواب …
أنا لاحظت أن أغلب اللي أعرفهم (من الإخوان العرب – وتحديدا جنسيتين وهم الأغلبية العظمى) أشوفهم يطولون ظفرهم اللي بالإصبع الصغير (الخنصر)
ماأعرف شو الهدف أو المغزى من هالظاهرة ،،،،، سألت كم واحد فيهم وماعطاني جواب وتم يتهرب من سؤالي له … (وهم من ديانات مختلفه) وهذا اللي زاد فضولي
سؤالي لايعتبر تدخل بأي مذهب أو طقوس أو ديانه ،،،،
بل هو سؤال فضول لا أكثر ….
حاولت أدور بالجوجل ومالقيت الجواب الشافي …
ياليت اللي يعرف شي أو اللي حاب يشارك برأيه مايبخل على أخوكم القلم الحر … لأن راسه شاب من الفضول ..
الله يخليكم بلا ذكر جنسيات وبلا النغز بالديانات
… (كلامي للأعضاء الجداد بالمنتدى ^_^)
والسموحه
القلم الحر
لالا أنتو مب فاهمين, هذا أيسمونه تكنولوجيا, يطول ظفره عشان أيدق موتره سلف بظفره.
السبب ياخوي حسب علمي انه في الغرب ملك الراب قوم فيفتي سنت و غيره كانو يربون ظفر اصبع الخنصر عشان يستنشقون الله يعزك الهروين,,
كانو يستخدمون ظفرهم كخاشوقه يشلون به الهرويين و يستنشقونه لأنها وسيله سريعه قبل لا يطلع الستيج مثلا ياخذله شمه او يبا يجرب قبل لا يشتري ياخذله شمه و هكذا,,
فيوم ظهرو في الفيديو كليباتهم و هم مطولين الظفر الشباب المراهقين في الغرب قلدوهم يمكن لنفس السبب و هو اسنشاق الهروين بطريقة فيفتي سنت و التقليد لا أكثر ولا اقل,,
لين ما لله يسلمك وصلت الحركه عندنا في العالم العربي و كل من هب و دب حب يقلد بدون معرفة شو الغرض الرئيسي من هالحركه,,
و سوالم
ياختي ديره كلنا كلنا نبغي نعرف شو الهدف الحقيقي من هالحركة ،،،، أنا ما أتكلم عن اللي يقلدون هالحركة … بل أبغي جواب للسبب الحقيقي (أصحاب الشأن الحقيقيين) واللي أعتقد أنه سبب خاص لمعتقد أو طائفة محددة …
نحن لا نهين حد ولا شي،،، فقط نبغي نعرف السبب …
الفضول صار له سنين ،،، شرات فضولج ،،، لكني من كم شهر قلت لازم أعرف الجواب واللي يصير يصير …
أضعف الايمان بتريا ربيعي (العرب) يرجعوا بالسلامة وبسألهم مرة ثانية مع أني حاس أنهم مابيجاوبوني …
ولعل وعسى حد من الأعضاء يعرف السبب ويخطف على موضوعي …
أدري أني أذيتكم بفضولي ،،، سامحوني
القلم الحر
اخوي القلم الحر والله انه نفس السؤال يدور احيانا على بالي بس مب من الحين
من سنين ؟؟
بس احس انه يقلل من قدر الرجل عندي
ما تليق الحركه هذي عليه ابدا
المشكلة أنهم خارج البلاد الحين لأنهم إجازة ،،، وحتى لو شفتهم وسألتهم مابيجاوبوني ….
وقبل شوي سألت ربيعي (باكستاني) وقال لي أن الفلبينيين أيضا يسوون هالشي ،،،،
أنا بقولها بالمختصر :
فيه نوعين من اللي يربون (ظفر الخنصر)
نوع يقلد لا أكثر ولاستخدام المخدرات (وهالنوع شفته بعيني ) واكتشفت هالشيأما النوع الثاني فهو النوع الرئيسي ، النوع اللي يربي ظفره لمغزى ولهدف سري ،،، وأنا أتكلم عن هالطوائف …
مجرد فضول ذابحني من شهور …