السلام عليكم اخواني الكرام..
حد يعرف سعر الوجبات في مقاصف ابوظبي..
احد الاقرباء قال لي انه وجبات في مقاصف المدارس في ابوظبي زادت بشكل مخيف..
مثلا:-
كرسون زعتر وصل ال 3 دراهم.. هل يعقل .. ينباع في الكارفون بدرهم و عشره فلس و في المدارس بثلاث دراهم..
استغلال غريب و رهيب ومخيف في نفس وقت .. يا ترى من السبب::
هل ادارة المدرسة او مسؤولي المقاصف…..
اتقو الله في اطفالنا اتقوا الله…
مب كل ناس عندهم فلوس يدفعو…
وخاصة الي عنده عائلة كبيره و متقاعد.. او اشخاص على الشؤووون…
من يا ترى المسؤول
لا حول ولا قوة إلا بالله…
حتى الغلا صار بالمدارس!!.. إستغفر الله العظيم
والله في طلبه يالله تلقى عندهم درهم واحد في جيبهم… شو يسوون؟!!
اي ثلاث دراهم يا اخوان في مدرسة اخوي الصغير وصلت لل 8 دراهم !!
هي نعم اخووي من فتره اختي الصغيره يايبه كشف بالاسعار …واذا لقيته ان شاء الله بصوره وبنزله …
يا اخوى الغلاء في كل مكان ان كان في الجمعيات ولا السوبرماركت ولا سبينس اسعار نار بصراحة
بس عاد حرام للاطفال يبعونهم بغلاء حد عنده وحد ماعنده
الله يرجع ايام اول
الحمد الله ع النعمه
واحب ازيدك اخوي
فطيرة الزعتر او الجبن في بعض المدارس الخاصه اصبحت 5 دراهم
المدارس الخاصه اصبحت افضل مشروع استثماري في بلادنا
بالبدايه اسعار نار وتزييد كل سنه
وثم اسعار كتب ضعف سعرها بالسوق
وثم اصبحت الكثيير من المدارس الخاصه تبيع حتى الدفانر وباسعار غاليه
وطبعا الملابس وشعار المدرسه على القمصان حدث ولا حرج
واخيرا الوجبات والمقاصف
والمصيبه انه المدرسيين والمدرسات مستوياتهم بهبووط دائم ويسترخصون فيهم وخريجيين جدد واللي يعاني هو الطالب وولي الامر
الله المستعان على المدارس التجاريه اقصد الخاصه
مشككور