بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
انا عندي الم مزمن نتيجة عملي في الكمبيوتر
ولكن الحمدلله سويت علاج طبيعي في مركز الخليج الطبي على شارع الخليج العربي / ابو ظبي
دكتور فرنسي الي سواه واعطاني شوية تمارين ما تاخذ 5 دقائق وفعلا اختى كانه سحر، وكل فتره احس بالم اسوي التمارين تختفي الالام، اعتقد كبير مره حط موضوع مع صور متحركة عن تمارين مشابهه للي كنت اسويها
مرحبــــــــا الغـــــــالي مايكرووسوفت …والحمد لله ع السلامه …
انا البارحه سويت حمله استنفار من صباح الله خير ..لين آخر الليل …خخخخخ
لفيت كل الصيدليات لين حصله مخده طبيه للظهر ….
وعقب سرت المستشفى الايراني ..تميت من الساع 5 لين 9 المسا …
عطـــوني إبرتين …وحده يمين ووحده يســــــــار ….
وعطوني صندوق حبوب ……وضربنا اشعــــه …..
كل ها وما تغير علي شي …اسميني البارحه ما رقدت لين الساعه 5 الفجر
عقبها زقرت الوالده يطول لي بعمرها ..وقلتلها تييب زيت زيتــــــــــــون …
وجــان انســـــــدح على بطني …….وطاخ طيخ تدليك ع الفجريه ….
والحمد لله فيه تحسن طفيف ….وان شاء الله تختفي الآلام عاجلا …
ومشكـــــــــور اخويه العزيز ع المشاركه والنصيحـــــــــــــــــه ……
على فكره قناص
انته مره نزلت موضوع وكنت تشتكي من شد عضلي في ريلك على ما اذكر
والحين ظهرك
انا خايفه يكون عندك دسك او انزلاق غضروفي
ما بتخشر شئ اذا سويت اشعة ام ار اي
لان اذا كان عندك ديسك وسويت مساج بيضرك ما بيفيدك
حاليا انصحك بالراحه التامه وفي حال انك ما تقدر تاخذ اجازه
غير حركتك كل ساعه يعني لا تم جالس اكثر من ساعه
ولا تم واقف اكثر من ساعه
خذلك لفه على المكاتب وارجع اجلس
افضل انواع الرياضه السباحه لانها ما تأثر على العظام يعني اي حركه بالغلط ما بتأثر في
فقرات ظهرك او مفاصلك لان الجسم تحت الماي خفيف والماي شالنه مب عظامك
خل بالك من نفسك وطمنا على نتائج الاشعه
زيغتيييييييييييني تراااااااج يا الغــاليه بنت السلطـــــــــــان ……
ديسك …والا انزلااااق غضروفي مره وحده …بستوي سكراب عيل انا ….
وصدقج انا نزلت موضوع زمــان عن شد عظلي في ريلي اليمين …
ولكن هاييك السالفه كانت غير …كنت لابس هاف نص كوم …
ومن فتره ما كنت راكض ..وما سويت تمارين سويديه ..والجو كان بارد وايد
واستــــوى التش الكهربائي …وتميت اسبوع ما اروم احرق ريلي …..
مع اني رياضي …..واحب الجري والسبـــاحه وعندي لياقه اوكيـــــــــه ….
وبخصـــوص الاشعه …انا توني الظهريه كنت في المستشفى الايراني ..
بس وايد زحمـــه ….تميت احوس يمين ويســـار ….مليت وطلعت …
وقلت برجعلهم المسا ..لان وراي دوام …….
وعقبها سرت صيدليه في جمعيه الصفا وخذيت منه مخده طبيه خاصه لاسفل الظهر ..
واحينه منسدح عليها …ويالس اكتب لج ردي هذا …والصراحه ما عليها كلام …ترتوبيشن …
وان شاء الله بنخبركم بالنتــائج عقب الفحص ……..
وتسلمين وما تقصرين خيتو ع المتابعه والاهتمــــــــام ..لا عدمنـــاج مووول ابد ….
مثل ماقتلك روح عين خـــت او امبزره !!!
اليـــــوم العصـــر بنســــــر راااااااك ….
وان شاء الله نشووف الميه السخنه اللي عندهم هناكي
والكرك بعد يمدحوووووووونه في رااااااك ….بنييبلج قوطي فريش
احسن عن الرباش بو الزعفران مالكم
ســـــلالالالالالالالامتك اخويه قناص دبـي ماتشوف شر ..
وانا بعد شكلي ضربت عمري بع ـــــــيين
لنه طول عمري الي حولي يشتكون الي مصدع و الي ريله تعوره و الي ظهره ووو الخ
وانا صاح ــية دوم شرات الفراشه :kkkg7:
لدرجة اني كنت اقول : فخاطري اصــدع ابى احس بويع الراس :nnnddyy: !!
<< مينونة
بعقل :confused: !
المهـــــــم من ثلاث ايام ظهري يعورني و انا اول مررررررررة فحياتي احس جي
وطبعاً مابروح عند يدتي لني ماتحمل تدليكها و لني لو قلت “آآي” بتعطيني محاضرة أطووووووول
مني ، لا و مابتتكلم بس عني بتتكلم عن بنات جيــلنا كلللللله !
ترى ماعندها ون تو شريرة بس يدتي الثانية فديتها طيبه
مب جني كتبت قصه حياتي !!!
المهـــــم اشوفهم يمدحون السباحة و انت مشترك فنادي فشد حيلك
و الله يعطيك العافيــــه
والسموحة ..
الله يعـــافيج ويشـــافيج انتي بعد يا الغاليه جرحي بخير …….
وتحمدي الله ع صحتج …ولا تتمنين الامراض تييج شرات ما تسوين …
ترى فيه ناس والله مستعدين يدفعون اللي وارهم واللي جداهم عسب جزء من صحتهم …
الصحـــه شيء عظيـــم وكبيـــــــــر ..ولازم كل انسان يهتم فيها باستمرار ….
والله يواليج الصحه والعافيه …وطرشيلنا يدتج …بنسوي وياها عقد احتــراف عنا ….خخخخخ
سلامات وما تشوف شر.. يا قناصوووووووو 2
ممممممممممممم
ما حيدني دكتوره بس عن خبره ^_________^ هذا شد يكون في الظهر .. لدرجه انك ما تروم تتحرك او تمشي سيده .. تمشي على برد …
ولكن
انا جربت
السباحه
ومعصار الفلترين …
داوم على السباحه
20 دقيقه في اليوم … يعني اذا مب كل يوم 3 مرات في الاسبوع …
ومأجرو ان شاء الله