ارجو من لديه الخبره يخبرني عن محتويات المقابله ولي بيسوي وياي المقابله امريكيه وياها واحد عربي باللغه الانجليزيه ونا بصراحه مب لين هناك باللغه الانجليزيه والارتباك ايضاً يلعب دور … الوظيفه تقريباً كاتب مثل الي بيسجلوا مواعيد للمرضى …. اتريا ردودكم …
والسموحه منكم ….
يزاكم الله خير … وماقصرتوا ونا الحينه جاعد علنت اخبص يمين وشمال … وسوي بحث وركب جمل .. وتسلموا والله ماعليكم قصور .. وقل لن يصيبنا الا ماكتبه الله لنا .
بالتوفيج و ماقصر ae_dxb عطاك الزبدة …… الله يكتب لي فيه الخير إن شاء الله
الله يوفقك ويسر امرك
بتوفيييج و عسى ربي يسهل عليك
إخوي أول شيء لاترتبك لو أرتبكت وأنته أسوق يمكن تدعم وأسوي حادث فلازم تتخلص من الإرتباك
أحفظ كم جمله بالانجليزي عن نفسك متى تخرجت ومن أي مدرسة وشو الدورات اللي
دخلتها وكم عمرك وليش تبا تشتغل في المستشفى قوللهم بالانجليزي أحب أساعد الناس وأحب
أتعلم شيء يديد وأحب أطور من نفسي وخبرتي …الخ
يوم بترمس سولف وياهم عادي أطالع اللي يرمسك في عيونه لانه دليل على الثقة بالنفس وأطالع
اللي يالس عداله عشان تبين له الاهتمام ولاتتلفت يمين ويسار العيون ساعات تفضح الانسان
ولا تهز ريلك أيلس يلسه ثابته على الكرسي لان الارتباك يمكن يخليك تتوتر وتحرك ريلك مره ضابطة توظيف
في تنميه سوت وياي مقابله قالت لي انته وايد متوتر وتحرك ريلك اذا ماتقدر توقفها حط إيدك عليها
عشان تثبت في مكانها لازم أنته تتغلب على الارتباك وماتخليه يغلبك بالتوفيج
قبل المقابله أهم شيء ترقد عدل وماتفكر وايد وسير قبل المقابله بساعتين ولف في المكان شوفه
أكيد الموظفين يوم بيون بيشوفونك وبيعرفون أنك حريص وايد على الوقت ومتلزم بالمواعيد
الله يوفقك والسموحة اذا كان ردي متاخر هذا اللي عندي لاني ساير مقابلات وايد قول فوق 20 أو
40 مقابله