طبعا ساركوزي هو الرئيس الفرنسي والبالغ من العمر 53
وحبيبته تبلغ من العمر 39
ويعد هذا الزواج الثالث بالنسبه له
والثاني بالنسبه لها
ما لفت نظري في الخبر المنشور في كافة الجرايد المحليه والعالميه
هذا الصباح
هو قدرة الاجانب على البدء من جديد بكل سعاده وحب للحياه
وقدرتنا نحن كعرب بحجة التقاليد والاعراف على البكاء على الماء المسكوب
كم من زواج فاشل ؟؟
وكم من تجربه زواج فاشل يخرج منها المطلقين بهم وحزن حتى القبر ؟؟
اذا الله سبحانه وتعالى احل لنا الطلاق في حالات استعصاء استمرارية الزواج
فما بالنا نصر على استمراريته حفاظا على صورة العائله
حفاظا على السمعه ,,حفاظا على الشكل الاجتماعي
ضاربين بسنة الله في خلقه بعرض الحائط
متناسن حاجات الطرفين الفسيولوجيه وانسانيتهم وعواطفهم
اذا الله سبحانه وتعالى احل لنا الزواج مجددا بعد قصه زواج فاشل
لماذا نحسب حساب الابناء والعائله والمجتمع
ولا نحسب حساب راحتنا
فهل تتفقون معي ؟؟؟؟
أخــوي
” إحــساس الشــارجه ”
عــلى قــولة حــد من الأعضــاء ،، الموضــوع للنقــاش ،، وتبـادل الآراء ،، مــب للهــواش !!
المــهم !!
أخــوي أنـــا أول مــاقريت المــوضوع ،، ما خــذت أبــدا بســالفة الخبــر وأهميــته !! لأنــه اللي جــذبنــي في الموضـــوع هــو حــال المــرأة من النــاحيه الاجتمــاعيه في حــال طــلاقها أو تـرملهــا !!
أخــوي ،، لــو قــريت وفهــمت ردي عــلى أخــونا ” البــورصه ” جـــاااان ما اعتـــرضت !! وفهــمت قصــدي !!
وإذا عــلى طــاري المقــارنه بيــنا وبيــن الأجــانب !! فهـذا المــوضوع ،، ما فيــه أي اختــلاف وأي اعتــراض !! مــب معقــوله بنـــأيدهم في كــل شي !! لــكن مب معنــاته إنــهم خــاليين من بعــض الإيجــابيات في حيــاتهم !! ونــحن بعــد ما نخــلو من السلبيـــاات اللي أتـــأثر عليــنا وعلى حيــاتنا بشــكل كبيــر !!
ولـي اعتــراض على بعــض ما ذكــرت في الفقــره الثانيــه من كــلامك !!
انتــه اتقــول >> وفي ناس من وجهة نظري انانيين يحبون راحتهم على راحة عيالهم
وأنــا أقــول >> ما فــي أم تبــني راحتـــها على حســاب راحــة ضنــاها !! حــتى لو شــفت وسمعت !! اتــأكـــد إنــه في ظـــروف أقــوى !!
انتــه اتقــول >> اذا كانت الوحده عندها عيال ..ليش تفكر بالطلاق ليش تشتت عيالها
وأنــا أقــول >> يـاخي الطــلاق لــه أسبـــابه ،، ودوافعـــه !! لا هــو بحــرام !! ولا هــو بنــهاية الدنيــا !! والحــرمة إذا فكــرت في الطـــلاق ،، اتــأكد إنه الــدافع في غــالب الأحيــان يــكون قــوي !! وماظنــي ما تسمـــع عن مشــاكل الحريــم اللي يشيــب لـها الشعــر مع الأزواج !! ســير المحكمــه واسمــع وشــوف الحــالات !!
انتــه اتقول >> تزوج هي وتفر عيالها عند ابوهم . واتم الام بعيده عنهم
وأنــا أقــول >> جيــه هيــه ويــن بتفــرهم !! في الشــارع !! ولــه عنــد أبــوهم اللي من صــلبه !! وما أعتقــد معنــاه القطيــعه طول العمــر !! خــله يتحمــل مســؤوليتــهم !! وله ييبــهم ويــفرهم !! ويسيــر هو يعــرس ويستــانس في حيــاته !! قــوام البيــت على الفــاضي !!
والسموحــه منــك
شكرا على نقل الخبر…اذكر الضجة التي حدثت بسبب زيارته الى مصر مع حبيبته والاحتجاج على اقامتها مع في الفندق دون ان تربطهما علاقة رسمية.
بالنسبة الى طرحك..انا اتفق معك تماما.
وهذا كان ردها تاكيد بان المقصود من الموضوع
هو بان الاجانب ماشاء الله عليهم يقدرون يبدون حياتهم بكل سهوله من يديد!!
اما عن الزاويه الثانيه ..
فمن وجهة نظري كل انسان له نفسيه معينه ..
نفسيتي تختلف عن نفسيتج ونفسيتج تختلف عن نفسية بنت السلطان ..
في ناس مب مرتاحين في بيوتهم لكن صابرين وينتظرون الاجر من الله .
وفي ناس راحتهم مع عيالهم .حتى لو ماكانو الزوجين مرتاحين لبعض
وفي ناس من وجهة نظري انانيين يحبون راحتهم على راحة عيالهم
اذا كانت الوحده عندها عيال ..ليش تفكر بالطلاق ليش تشتت عيالها
تزوج هي وتفر عيالها عند ابوهم . واتم الام بعيده عنهم
شو الاحسن احاول اني اتجاوز المشاكل والاحزان واحاول اصلح الخلل الموجود (سوى بالرجل او المراه) واصبر على ماكتبه الله علي .. ولااا اطلق واخسر بيتي وعيالي عشان راحتي ؟!!!
والسموحه
حلوه هاي الزواج الرسمي
اصلا الزواج عندهم خربطان والطلاق جدا صعب لانه فيه تقاسم نص الممتلكات وماعرف شو من شروط معقده
يعني عادي يعيش معاها طول العمر ويخلف عيال بدون زواج ..!!!!
لادين ولا عادات مثل البشر والناس اللهم عايشين مثل ماتعيش الحيوانات ويمكن الحيوانات بعد افضل عنها لانها نوعا ما منتظمه مب مثلهم كل يوم عند حد وفقط يعتمدون بشكل اكبر على العلاقات الجنسيه اكثر مايرتبطون للعاطفه والحب وتكوين الاسره…الخ
عافان الله هني الوحده من تطلق … هاي المطلقه .. وهاي المطلقه .. اونه شوووو الريال رايته بيضا ولا الحرمه سود الله ويها … ليـــــــــــــــــــــــش
ماشي ريايل هم يكونون سبب طلاقهم …
شو ذنب الحرمه يوم تيها ورقة طلاقها من دوووووووووووووووووون اي سبب ؟؟!!
هذيلا الاجانب لو كفاااار لكن الطرفين يحنون على بعض ..
في نظري انا قارنت بين العرب والاجانب .. العرب كلن في حاله طبعا مش الكل البعض يعني مافي يوم عائلي مخصص .. الكل يتيمع لالا بغيت تعال ما بغيت برايك مب شغلك .. مافي ألفه ولا تواصل ..
اما الاجانب بلعكس
هذا يساعد الثاني يربون العيال ضربه يعاملونهم كانه امهم ابوهم اختهم اخوهم ربيعتهم والخ ..