السلام عليكم ورحمة الله وبركاته
مرحبا
سؤال محتاره في جوابه
هل اتكلم واواجه ام اسكت وانسحب؟؟؟
جميعا نقابل اشخاص كثيره في حياتنا
ونتواجه في موقف متعدده
زينه وشينه
والبعض يتقبل بصدر رحب وابتسامه والبعض بضيق وغضب
والبعض للاسف تدخل في حياتك وتعتبرهم من اساسيتها
وتدخلهم ف قلبك ولكن
تتفاجأ انهم وبكل بساطه ينسحبون بعد ما يدمرون كل ما يمر في طريقهم
وهالاشخاص تلاقيهم في كل ركن من اركان حياتنا وفي كل طريق
السؤال
هل تواجههم وتسال عن الاسباب وتقول اللي ف الخاطر
ام تتركهم ينسحبون وتسكت عنهم بعد مادمروا فيك اشياء كثيره؟؟؟
عن نفسي
في صفات اتمنى اني اغيرها لكن للاسف ماقدرت
طبعي ان اذا في شخص فجأه تغير علي اساله عن الاسباب ،، وهل غلطت عليه ،، وهل في شي صار ضايقه؟
واذا كان شي صار وضحته وقلت اللي في الخاطر ،، ودوووم تنتهي المشكله وترد القلوب ع بعض
لكن مرات انصدم بشخصيات عطيتها الثقه وبكل بساطه تدمر وتنسحب
ولما اوجهها تقول ماشي صار وتبتسم 
وبصراحه دوم انسحب من حياتهم ولكن يتم في الخاطر اشياء كثيره ،، وثقه متزعزه وجرح
السؤال
هل اقول اللي في خاطري اتجاههم ؟؟؟ ولا اتركهم وانسحب مثل ماهم سووا؟؟؟
اعرف يمكن سؤالي غبي
لكن الصدمه من موقفهم هزني وزعزع ثقتي في نفسي
وولد داخلي مشاعر غريبه ،، غضب ماعرف اسيطر عليه ،، وحزن وانعزال
السموحه منكم
بس فعلا ماعرف شو اسوي
ياليت القى عندكم رد
موضوع كان خاطري من فتره اكتبه بس متردده
ولكن ثقتي فيكم حزمة الامر
خوفي انصدم اكثر
والعذر والسموحه ع الازعاج
تسلمون وتدومون
“ما من شيء ألذ عندي من غيظ أتجرعه.”
(معاويه بن ابي سفيان رضي الله عنه)
يخاطبني السفيه بكل قبح***** فاكره ان اكون له مجيبا
يزيد سفاهة فازيد حلما ***** كعود زاده الاحراق طيبا
(الامام الشافعي)
(ان ابات مظلوما خير لي من ان ابات ظالم)
بابيرو
كلامك اختي يدل على معدنك الطيب، وثقي انك بتسمعين الكثير يقول ( اختي لا تثقين في حد) لان هالناس هي ما تثق في حد وهي نفسها الي تسبب المتاعب،
الاصل في الناس الطيبه والخير يلين يظهر العكس،
كذلك لا تجعلين ثقتك مفرطه ولا ثقتك عند اهل الدنيا الملتهين فيها.
لا تكثرين من الصداقات والعلاقات الفائضه عن الحاجه، لانها تلهيك وتشغلك وتحملك ما لا تطيقين.
نفسك >>> رصيدك >>> طول اليوم في حد يبا يسحب منه فلا تعطين من رصيدك الا الي يستاهل (اهل، اقارب، زوج، مرضى، محتاجين).
اشغلي وقتك بالعلم النافع، الشرعي (اغلبنا قصرنا فيه) والدنيوي.
اجعلي ورد يومي من لمصحف (لو ربع حزب)، وبتلاحظين النتيجه خلال يومين
توكلي على الله يوم تظهرين من البيت، واعرفي ان محد بيده يضر ولا ينفع الا الله سبحانه،
وورد في الاثر: (الخير في امتي الى يوم القيامه) او كما قال حبيبنا عليه الصلاه والسلام. الخير باقي وبيتم لين يرث الله الارض ومن عليها.
وهذا الي يحضرني اختي،
الله يشرح صدرك ويذهب عنك الهم والحزن
مرحبا الطيب
هذا موقف غريب ،، صح يصير لنا دوم بس غريب ردت فعلهم
واهم شي ان الموضوع انتهى ،، وردت القلوب صافيه وصريحه
بس العوووق لما يكون بدون سبب والانسحاب والتجريح
وانت ولا عارف وش هو السبب
مشكور ع المرور الكريم
.
.
.
وارد اسال
هل اتكلم واواجه؟؟؟ ولا اسكت وانسحب؟؟؟
تسلمون وتدومون
__________________
موضوع جميل
فعلا في ناس فيهم هذي الصفه الغريبه يحط في خاطره عليك بموقف قد يكون من غير قصد أو موقف قد يفسره هو غلط ويطنشك و يوم تتصل فيه ما يرد ويزعل وانته ما تدري شو السالفه ليش ما يرد على الاتصال ؟؟؟
تيلس اتفكر يمكن استواله شيئ تسأل عنه حد قريب منه أي حد من الربع يخبرك انه الريال موجود وبخير اتروحله الدوام تبا تعرف شو السالفه تتصل فيه وانته اتراقبه من بعيد يرن التيلفون يطالعه ويحطه صامت بعد 15 دقيقه اتفاجأه في المكتب !!
اتصلتلك مارديت علي ؟
ابصراحه كنت في دورة المياه الله يعز السامعين
انزين ما رديت علي بعد ما شفت الرقم ؟
ابصراحه توني كنت بتصلبك
بس صارلي يومين اتصل ما ترد لا يكون زعلان ؟
كنت هاليومين تعبان شويه ومصدع
=========================
بعد كم يوم ردت الأمور طيبه
كلمني ابصراحه ليش ما رديت علي هاذيك الأيام شو السالفه ؟؟
ابصراحه اضايقت منك يوم قلتلي هاذيك الكلمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
الكلمه كانت مجرد نقاش بيني وبينه في موضوع تافه وكان سوالف وضحك وفجأه صار الزعل
أنا بالنسبه لي اشوف هاذيل الناس ضعاف شخصيه وما يحب يواجهون كتجربه شخصيه مع ناس وايد وتحصله انطوائيين ويحبون العزله وإذا الشخص اللي معاهم مايمشي بنفس مزاجهم يطنشونه .
اسمحولي على الإطاله بس هذا الكلام واقعي صارلي شخصيا
ما دام انك ما أخطيت … في البشر عِوض
لكن يتم في الخاطر علامة تعجب كبيرة ..
السلام عليكم ورحمة الله وبركاته
والله أخوي ع حسب الموقف إذا كان يحتاج ردي عليه وإذا كان مب محتاج لاتواجهين وتعورين راسج