السلام عليكم
انا ناوي انشاء الله اسوي عملية الليزك او الانترا ليزك، وحبيت اسمع مشورتكم حول الموضوع
وخصوصا اللي سووا العملية. بغيت رايكم حول العملية وشعوركم بعد العملية هل كل شي سار على
ما يرام ، وشو عن المضاعفات هل زالت بعد العملية بمدة بسيطه. وشو احسن تقنية نزلت حتى الان
في هالمجال. ارجوكم ساعدوني انا محتار ومتردد بس خاطري اتخلص من النظارات
السلام عليكم ورحمة الله وبركاته
اخي الكريم ..
انا قبل يومين الى المستشفى لعمل الفحوصات اللازمة لعملية الليزك ..
يتم فحص القرنية وفحص نسبة النظر واخد صورة للشبكية .. ووضع قطرة خاصة في العين تساعد على توسيع
العين ومن ثم فحصها ..
بعد وضع القطرة الخاصة بالفحص لا تقم بقيادة السيارة وحاول ان تكون اجازة من الدوام لان تاثيرها يبقى
تقريبا 24 ساعة ..
وبعد دلك يقرر الدكتور ما هو المناسب .. الليزك او الليزر ..
انا نصحني الدكتور بالليزر الانه سطحي ولا يعتمد بقص اعمق مثل الليزك ..
وتوكل على الله اولا واخيرا ..
مشكورين ما قصرتوا
بعد موافقة الطبيب المختص على إجراء الليزك وتأكده من عدم وجود أسباب تمنع إجراءها كالعيوب في القرنية والشبكية والإنحرافات…
أعتقـــد 3 أرباع العلاج يقع على عاتق المريض…
اللي ما فيه شده ولا عنده استعداد ولا صبر على العلاج والإلتزام بالتعليمات لا يسويها أحسن له… ليش أقول هالكلام؟؟
مثالين:
1- وحده من البنات سوت عملية الليزكــ كانت نظرها 1على 6 – يعني ضعيف جداً .. سوت العملية بعدها التزمت بالمراجعات ولبس النظارة الشمسية على طول حماية للعين وما تطلع في الشمس الحاره والجو لمغبر – وعدم استخدام العطور بكثره وعدم استخدام الكمبيوتر بكثره…
الحمدلله نظرها بعد زوال المرحلة الحرجة بعد العملية 6 على 6
2- أما البنت الثانية مدمنة بخور
من أول ما تبخرت على طول طاحت ونقلتها سيارة الإسعاف على دبي
والحين فاقده النظر في العين اليسار- وقبل كان مجرد ضعف.
لك الخيار أخوي – 3 أرباع العلاج عليك أخوي،، وما تشوف شر إن شاء الله
السلام عليكم ورحمة الله وبركاته
سويت العملية في المغربي للعيون في ابوظبي …في سنة 2001 م …. دفعت 8000 درهم…
لم اشعر بشي وقت العملية…وخلال الاسبوع الاول تحس انه في شعرة في عينك…وبعدها الامور تعدلت ولله الحمد…
واعتبرها احسن استثمار في حياتي …
استخير وتوكل على الله….
أنا سويت عملية ليزك من ثلاث سنين في المستشفى الطبي العالمي اللي على شارع الجميرا (قريب ميركاتو) .. كلفتني العملية وقتها 15,000 درهم .. صحيح إنه مبلغ مرتفع شوي “خصوصًا إذا ما قارنته ببعض العيادات و المستشفيات الثانية” لكن الصراحة العملية كانت ناجحة بشكل كبير .. و الحمدلله نظري الحين تمام رغم إني وااايد أتعب عيوني بالقراءة،،، و الحمدلله ما عانيت من أعراض جانبية ..
ضروري تفحص عيونك قبل عشان تشوف إذا عملية الليزك أو الانتراليزك تناسبها .. لأن بعض العيون تعاني من عيوب ما يفيد معاها الليزك بل بالعكس ممكن إنه يسبب لها نتايج عكسية .. أعتقد اللي يعانون من القرنية المخروطية أحد هالحالات ..
المهم، أدرس الموضوع من مختلف الجوانب .. و شاور و استخير .. و بعدين أتوكل على الله ..
بس إجمالاً .. عملية الليزك نسبة نجاحها كبيرة على العيون إلا ما تعاني من عيوب تمنع إجراء العملية .. و إن شاء الله عيونك تكون إحدى هالعيون ..
و الله يوفقك ..