السلام عليكم ورحمة الله وبركاته
شحالكم اخواني عساكم بخير
بغيت اسالكم
شو سالفة بعض المأجرين؟
مثل ما انتوا عارفين صار لي فترة ابحث عن فيلا للايجار بسعر 200,000 سنوي داخل ابوظبي
ولقيت عروض وايد
واتصلت
وكانت الصدمة
فريق منهم لا يرد بالمرة على الهاتف
والفريق الاخر يرد ويقول سعر اكبر من 200,000
والاخير قصته قصة
يا اخي كيف انت حاط سعر وتقول نهائي ويوم اتصل تعطي سعر اكبر
قال والله هذا اللي عندي
ولا بعد
يقول ما بتحصل ابدا ب 200,000 داخل ابوظبي وكل العروض اللي ب200 داخل ابوظبي كذب في كذب
انزين ليش؟
وشو الهدف من العروض الكاذبة سواءا بالصحف او مواقع العقارات ؟
حاول تنزل اعلان بارز بالجريدة . بالمواصفات المطلوبة .
شرط ( من المالك فقط )
واذا وسيط ( في أسوأ الأحوال) يجيك هو. و تطلع معاه.
توفيرا للصداع . و البنادول
تقبل مروري. ولك مني كل الود و التقدير
اخوي صدقني بتحصل بهالسعر وايد بعد ب 200 الف بس انته مشكلتك ما توصل للملاك انته توصل للوسطاء يعني كل حد يفكر في جيبه ويفكر يطلع له شي واخرتها يخبربون على المالك المسكين الي يبغي يأجر
الغرض منها التضليل ..والتدليس والخداع .. ورفع ضغط الدم عند الباحثين عن عقار بسعر معقول ..
ومحاولة إكتساب بعض المسبات والشتائم بظهر الغيب ..
الله المستعان .. الله يوفقك وتحصل طلبك
فوق
ياليت حد يفيدنا