السلام عليكم ورحمة الله وبركاته…
إخواني وخواتي عند سؤال عن الDVD & VCD player
بصراحة تعبت من كثر ما أشتري من هالمشغلات والي ما يطولن مووووول لأن إخواني الصغار كله يشترون أشرطه كوبي copy ويشغلونها على طول فيخترب الplayer !!!!
دايما أشتري جهاز ماركه مثل Samsung أو LG ويشتغل تمام أول الأيام وبعد فتره يبدأ يعلق الفيلم أو تتحرك الصور ببطئ أو يختفي الصوت وهالحركات وأوديه عند الوكيل وياخذله 3 أيام و لما أرجعه البيت ويشغلونه اليهال يطلع نفس الشي!!!
إذا حد منكم بارك الله فيكم يعرف نوعيه زينه من الDVD & VCD player أو عنده حل لمثل هاي المشكله، يا ريت يفيدنا وربي يجزيكم كل خير. والي عنده حل وبيوفره لي بشتري منه عطول لو سعره زين.
رجاءاً محد يقولي إشتري أشرطه أصليه لأن اليهال بارك الله فيهم إسبوعياً يشترون أكثر من 7 أفلام ويشوفونهم أكثر من مره في اليوم!! يعني لين آخر الشهر بصرف عليهم تقريبا 2000 وفوق لو بشتري أشرطه أصليه!!!؟؟ نتم على الcopy أوفر. وربي يحفظكم جميع
“ربي إغفر لي و لوالديَّ وإرحمهما كما ربياني صغيرا”
“ربي إغفر لي و لوالديَّ وإرحمهما كما ربياني صغيرا”
صحيح كلامك في بعض السيديات المخدوشه
بس المشكله إن بعضها مش مخدوش وتطلع فيه نفس المشكله!!!!!
مشكور عالمرور والنصيحه الطيبه ويجعله في ميزان حسناتك يا رب.
نفس المشكلة
اشتريت كل الأنواع المعروفة
سامسونج ، Lg ، فيلبس …. إلخ
كلهم بعد فترة تحصل فيهم نفس المشكلة
من فترة طويلة اشتريت واحد ( صناعة صينية ) ومن شركة مب معروفة ولين اليوم شغال
وزيادة على هذا ، شغل كا أنواع السيديات اللي ماكانت تشتغل قبل
السلام عليكم
عني انا الصراحة عندي ديفيدي و فيديو سي دي بلاير
وما اظن انه ماركه لأنه مب معروووف
وصار له اكثر من ثلاث سينين وكل الافلام اللي اشغلها طبعا كوبي
بس ما عمره اشتكى
واظن والله اعلم مثل ما قال اخوي
الصغاريه يشمخوون السيديات
إما السيدي ما يشتغل او تخترب عدسة المشغل
وشكراً
بالتوفيق ان شاء الله
السلام عليكم
الشيخه والله انا مستغرب من حاجة !
يعني مثلا انا مر عليي كل انواع الدي في دي بلاير
ودوم طبعا مايكونو ماركات !
لكني ما في يوم شفت مشكلة ! يعني يتم فترة طويلة وبعدها جهاز التحكم ينكسر او يتضرر هيه
اما انه ما يقرأ الافلام الكوبي ما قط صارت عندي ؟ مع العلم ان كل الآفلام الي تمر عليه كوبي !
انا بقول لج طريقه وأعتقد هي الخلل موب الجهاز !
الشيخه شوفي اي فيلم يقطع الصوت او الصورة بطيئة فيه …
طلعيه من البلاير وشوفيه شكثر فيه خدوش من ورى ؟ يعني هل لازال نظيف ورى الدي في دي او مليان خدوش؟
بالعادة المشكلة الي تكلمتي عنها سببها الخدوش في الدي في دي مش البلاير !
جربي ما راح ينقصك حاجة وإن شاء الله تكون هي الخلل يارب وتحلينه وتدعين لي وللوالدة والوالد