السلام عليكم جميعا يا اخوان شما . انا عندي استفسار بسيط عن شاي اسمه
دكتور مينج
يا ليت تعطوني رايكم خاصة الي جرب فيكم قبل لا اجرب هالشاي خاصة لو حد من الاخوان اهني في مجال الطيران المدني اتمنى يشارك برايه .
بخبركم يا اخوان سالفتي باختصار . سالفتي يا جماعة هي حرب بيني و بين 
الرجيم
الوزن عندي دايم يتراوح ما بين ال 95 و ال 90 لا يزيد ولا ينقص من 5 سنين طولي 188 مب مكرش وايد بس بعدني هب مرتاح من سالفة الوزن هاذي . اول الاسباب هو نوعية الاكل . يعني اذا عندك رحلة فوق الساعتين . تضطر تاكل من الاكل الموجود فالطيارة . طبعن معظم الاكل يكون مليان سعرات حرارية . حتى الاكل الي يسمونه ( LOW Calaries ) مجرد اسم . بقول لكم ليش لانه لي شهرين اكل هالوجبات و ما نقصت جرام واحد . بعدين حتى يوم تاكل الاكل هذا و مع ضغط الرحلة و التركيز المتواصل جسمك يحتاي طاقة . و الطاقة فالسعرات الحرارية و السعرات فالاكل الدسم . و الشي الي فوق هذا انك طول 95% من الوقت قاعد و مركز و الحركة محدودة . وان اكلت بس سلطات قعدت يوعان. خاصة اذا عندك رحلات طويلة لازم تاكل غير السلطة . و تاكل اكثر من وجبة
الرياضة
احاول قد ما اقدر اسوي رياضة . اركض 3 كيلو . و اذا ما ركضت اطلع بسيكل . يعني فالاسبوع بطلع معدل 3 الى 4 مرات . و مرات البحر و سباحه او سنوركل
فالبيت
احاول قدر المستطاع ابعد عن العيش و الخبز الابيض و الحلويات الدسمة
الجمعه استثناء 
ذبيحه على مندي او تنور
التدخين
شيشة بس ناوي ابطل ( دعواتكم )
حاولت اشل وياي اكل من برع يعني مثلن امر صب واي قبل لا اسير الرحلة بس بصراحه صعب . خاصة بعض الدول تمنع تدخل وياك شي وانته ياي غير الريحه فالشنطة و غير جي تخاف الاكل يكون فيه شي خربان ولا شي و تتسمم فالنهاية شارية من مطعم ما تظمن .
الحين انا سمعت من الربع انه فيه شاي صيني يمدحونه . سويت بحث قالقوقل لقيت نوعين من الناس . ناس تمدح و ناس تذم . بس بشكل سطحي . يعني مب لدرجة الاقناع .
فيا اخوان الله لا يهينكم اذا حد عنده خلفيه عن الموضوع هذا لا يبخل علينا خاصة اذا كان جربه . انا حاليا ابغي انزل بحدود ال 10 كيلو الى 15 كيلو .
ابغي اعرف الاعراض الجانبية السلبية و الايجابية و مدة و طريقة الاستعمال .
و سلامتكم
ياخي بعدك ذاكر صورة الحلويات ^_^ . بطلت معظمها . بس بعد ياخي الواحد يبا يطعم النوتيلا مرات .
ان سرت المانيا جريب بييب لك كيس مليان عشان تظهر الكرشة ^_^
الصوم ان شاء الله بجربها ( باقي لي يومين من رمضان الي طاف )
السلام عليكم ورحمة الله وبركاته
أنا مثلك عندي بطىء في نزول الوزن وصارعت صرااااااااااع وعقب عناء وموت نزلت 28 كيلو خلال سنه والحين وزني ثابت من فترة احاول اضعف بس مافي مجال صارلي 3 اسابيع متابعه مع اخصائيه تغذيه وفي تغيير في المقاسات ونسبه الدهون لكن مافي نزول فالوزن والسبب يمكن كثرة الريجيمات اللي استخدمتها
بخصوص الجاهي مافي فايده ,,, استشرت الاخصائية وقالت لي حاله حال الجاهي العادي
نصيحتي لك حاول تاكل الثلاث وجبات بانتظام وماتاكل بين الوجبات شيء غير فواكه ولا سلطات وكثر من الماي
وان شاء الله ينزل وزززززززنك
شكرا جزيلا اختي . ان شاء الله بحاول . بس السهر ما اقدر لانه جزء من دوامي
.
.
.
بعطيك نصيحة سريــــــــة و مجربة
( الصــــــــــــــوم )
لو حسيت انك مخبص مثلاً رحت عزيمة و كثرت بالأكل
ماعليك إلا انك تصوم ثاني يوم تطوعاً لله، ولما تفطر حاول يكون افطارك خفيف و بسيط
و خلك على هالعادة ماراح تندم
و خفف من الحلويات اللي تصورها لنا
و بتقول مصمم قال
ليكون قصدك على شاي بيوجي ؟
تبي نصيحتي اخوي دام منظم حياتك وتلاحط اكلك وتسوي رياضة وتشرب موية كثيرة وماتسهر وتحاول تنام مبجر طبعا ادا ماعندك عمل وتحاول تبتعد عن التدخين نهائي انت حاول ولازم يكون عندك ارادة قوية وهالاشياء الي قلتها راح تشوف صحتك راح تكون عال العال
اما هالخرابيط شاي تنحيف وغيره ترى ولاشئ لانوممكن عوض تنحف ممكن انو الكلى بعيد الشر عنك يصير فيهم شئ لاتنسى انوالعضو الاكثر تضررا من هالاشياء المنحفة هو الكلى
واستمر اخوي على نظامك