السلام عليكم
الحمد لله من فترة شريت سياره يديده..وحطيت عليها ماده لحماية الصبغ..بس قالوا لي لازم احط لها زيبارت؟
فشنو هو الزيبارت؟
وين احسن مكان اسوي فيه الزيبارت في بوظبي او العين؟
وهل هالزيبارت يلغي ضمان السياره ولا ماله خص؟
ويوم انا سويت سيرج عنه قريت ان في لون الشفاف والاصفر والقار..فشنو الاحسن؟؟
واخر شي كم تكلفته وكم الضمان اللي بعطوني ايااه
والسموحه منكم
اختكم
عندي استفسار
صدق انه ستيشن لكزس 2010 ما يحتاي زيبرت ؟؟؟؟؟؟؟؟؟
بوعلاية السويدي
بوحمد71
تسلمون الشيوخ على الرد..وننتظر باجي الشباب
اختكم
السلام عليكم ورحمة الله وبركاته الزيبارت هي مادة تقاوم الصدأ يعني تحمي السيارة من الصدأ و الوكالة اللي شريتي منها السياره أكيد تسوي زيبارت فالافضل تسويين عندهم وايضا وكالة كلداري الزيبارت عندهم جيد وما يلغي ضمان السيارة وبالعكس يحافظ على السياره وبالنسبة للالوان المعروف الشفاف واللون الاصفر يحطونه من داخل البيبان والدبة على الاطراف وبالنسبة للضمان عادة يكون 6 أشهر وتكلفته عند وكالة الكلداري 600 درهم وهذا سعره ما يزيد وانصحك به وانشاء الله الشباب في المنتدى ما بيقصرون اذا عندهم معلومات اضافيه
يا مرحبا الشيخ
الزبارت في محطات الكبرى اللي عندكم وسعره تقريبا 900 درهم يحافظ على نضافت شاصي السياره ويمنعه عن الصدى وتقريبا الضمان 2 او اكثر انته اوص هناك وبيخبرونك بالتفاصيل ……الله يحفظك..