حسبنا الله ونعم الوكيل.
ما احب انقل اخبار غير سارة ولكن قلت من باب الحيطة والحذر وممكن حد يكون عندة حل او فكرة نستطيع منها ايجاد مخرج لهذا الكابوس المزعج.
أمس ليلا لقيت العمال الي بالجمعية التعاونية بفرع الخالدية بالعين يطبعون اسعار جديدة على بضائعهم بس لاحطت فرق كبير مابين اسعار اول امس وامس يعني اشياء زادت 20 درهم دفعة واحدة…!؟؟؟
مثال حليب نيدو الوسط ب72 درهم !
والغريب ان هذا كان الساعة العاشرة ليلآ ..!
ليش؟
حرامية ..هذا شغل حرامية ياناس.
الحين العوق يانا من الجمعيات الى هية مفروض تدعم الاسعار ..!
هذة دعامات مب جمعيات !
يجب تغير اسمائها جميعا الى دعامـــــــــــــــــــــــــــــات وصب بعــــــــــــــــــــد.
حسبنا الله ونعم الوكيل.
وأمس مندوب العين سيتي يقول انهم ملاك محلات العين سيتي بدوا امس بوضع الاسعار الجديدة وينتظرون الفرصة المناسبة وهم طبعا من الجنسية الهندية ويملكون اكثر من 30 محل بدبي وأعتقد محلين او اكثر بأبوظبي والعين 4 محلات او اكثر.
لان اصدق وزارة الاقتصاد حتى اشوف أغلاق أحد المحلات المخالفة بالشمع الاحمر.
ملحوظة: أنا تركت كارفور ومحلات الميغا والهايبر وقريب بترك الجمعيات …لان مشترياتي من محلات الجملة ( الجناحين وما شابة) وكل شي متوفر وارخص منهم .
والحمد لله…عليكم بالمقاطعة فكر قبل ما تشتري وابحث عن محل رخيص واشتر كمية واحفضها بالمستودع.
يعني حاول تأخذ مشتريات تكفيك سنة مثل ديتول صابون مواد تنطيف وما شابة .
مواد غذائية خلها تكفيك 4 اشهر ( طحين رز معكرونة معلبات مثل الفول وما شابة.
حاول وانت بتنجح.
أي حد عنده فكرة للاقتصاد يوضعها لانة الوزارة ما راح تجيب نتيجة والهنود يبون ياكلونكم…
والمثل يقول ما فى الرز قوة ولا فى الهندي مروة,,,, والسموحة منكم
هذة العادة موجودة عند البعض وعندي انا بالذات اروح اشتري شي معين اتفاجى اني خذت اشياء معاة.
اشكر اخي ملك على المقترحات العملية فى التقنين من المشتريات وعدم الاسراف والانجرار وراء المغريات.
الحل بأيدينا نحن شف لما تدخل الهايبر شوف الرفوف مليانة على الاخر من كل لون ونوع انا أوكد لكم انة 80% من هذة الاشياء تسبب السمنة والسكر والكلسترول الضار وفيها مواد حافضة والوان لا تعد ولا تحصى.
يعني حاول تكون طبيعي وأنت ترتاح وصحتك تتحسن بأذن الله.
لكن يوم أوصل البيت أكتشف أني شاريه أغراض أصلا ما كانت مسجله عندي
وكانت ميزانية البيت توصل عندي من 3000 ولغاية 4000 تقريبا
بس يوم قمت انزل الخدامة الجمعية وأخليها هي إلى تشتري
وفرة نص المبلغ ،،، والله أني وفرة 1500 ( هذا لأنها ما تشتري غير الأغراض لمسجله عنده في القائمة )
هذا يعني أن العيب في أنا بعد
تغرينا البضاعة المعروضة ونشتري بدون تفكير
لاحول و لا قوه الا باللــــــــه …..
قلنا لكم كلام جرائد
لا حسيب ولا رقيب
الظاهر سمعوا عن المقاطعه اللي بتصير تاريخ 29 و 30
وقالوا لازم نرفع السعر دبل عشان يغطون الخساير اللي بيواجهونها خلال يومين المقاطعه
الله المستعان
كلامك اخووي من ذهب…اتمنى الاخوان يمشوون عليه…
البدائل موجووده…بس نحن للاسف متعودين ع شي معين مانبغي نغيره…