السلام عليكم و رحمة الله و بركاته
أخواني ان شاء الله تجاوبون على استفساراتي
في مشكلة الزواج من غير مواطن (امه مواطنة)
بنت خالتي مواطنة أصل تقدم لها ريال عماني الجنسية ملتزم (من ابناء المواطنات)
الريال امه مواطنة بس ابوه عماني ( ابوه منفصل عن امه من زمان)
البنت خايفة لانها تشتغل في هيئة حكومية – ابوظبي و ما تقدر تودر شغلها لانها ما تعرف كيف تعامل المواطنة يوم تتزوج عماني
كيف بتكون خلاصة القيد بروحها ؟
و امور ثانيه ما تعرفها مثل حقوقها كمواطنة كيف بتكون ؟
و هل فيه انواع من الوظايف تشرط انه الزوج يكون مواطن ؟
و اذا يابت عيال كيف دراستهم و علاجهم بيكون ؟
البنت صلت استخارة بس بعدها مترددة و ما تعرف ترفض الشخص و لا لا
اسمحولي لاني ما عندي فكرة و لا علم … و انتظر تساعدوها بنصايحكم و تجاوبون على استفساراتها
الريال مولود في الامارات ( امه مواطنه) و ساكن في الامارات هو و اهله من زمان ماله اي صلة ( لا اهل و لا شي) بعمان غير الجنسية و يشتغل في الامارات مثل ما قلت امه المواطنة مطلقة
ج1: خـلاصـهـ قيـدهـا بتكـون بروحهــا .
ج2: حقوقهـا كمواطنـهـ ستستمــر .
ج3: وبخـصوص الوظـايـف ماعنـدي أي خلفيـهـ عنهــا .
ج4: وإذا يابـت عيــال يعـاملـون كأبنـاء المواطنـات .. (من ناحيـهـ الدراسـهـ + العـلاج في المستشفيـات الخـاصـهـ)
هــذا إلي أذكـرهـ .. أمــا إذا غيروا شي أحينـهـ .. هــذا واللهـ أعـلـمـ ..
طبعا البنت بيكون لها خلاصة قيد روحها، و يكون لها حقوقها كامله ، و الشغل ما بيتأثر في الزواج، يمكن لو في الشرطة او الجيش يأثر ما عندي اي معلومه
عيالها بيحملون جوازات عمانية و طبعا ما بيحصلون على امتيازات المواطن من دراسة جامعية و شغل و منحة زواج و اراضي و اظن العلاج
لو وضعه في عمان طيب، ما على العيال خوف، و تتوكل على الله
اذا تسأل حريم ماخذين خليجيين عن وضعهم يكون افضل
من ناحية أمنيــة كيف الوضع … يعني الامن الدولة ؟؟
ما عندي فكره
والله يوفقها