اتصدقون من البارحه مب قادره ارقد عدل ،
ومقهوره موووووت منكم يا الرياييل
مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه
اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي
يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،
البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
اتعرفون شو صار فيني ،،،،
دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !
الحين عاد بتطلع فئة انصار الزواج من الثانيه وبيقولون له اسبابه
شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،
اتصدقون والله رديت البيت وانا فيني غبنه ،،،
واقول
احس الرياييل مالهم امان
خبروني ليش الرياييل يسوون جيه ليش !
وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته
اكره الريال الاناني اللي يتزوج على حرمته
وفي النهاية (مالكم امان يا الرياييل ) 
ما أزيد شي على ردك
__________________
وين ؟!! … أمممم … تسمعين غير عن التطبيق … التطبيق أصعب … الله يعين
__________________
مب شرط إني أكون متزوجـة
عـآيشـة امبين البشر أشوف و اسمع
و أنـآ يلسـآتي مع حريَم كبآر معرسـآت و متفهمـآت و منهن اتعلمـ
و كل بنت غير متزوجـة أكيـد عندهـآ فكرة عن الزوآج و الـأسرة أللي هي بتكونهـآ مع ريلهـآ
و كيفية معـآملة الزوج .. و كيف تمنعه من الزوآج إلى الثآنية ..إلخ.
سـعـآدة الـأسرة و تعـآستهـآ بيد الزوجـة ..!
__________________
المزروعي 2006
نحن مب ضد اللي بيعرس اذا الحرمة مقصرة ومب عارفة قيمة ريلها
حلال عليه .. بس اذا الوحدة موفية حقوقه ومريحتنه وطايعتنه ومجابلتنه ومجابلة بيته ويقولها عرست عليج … بييها هبوط من الصدمة …
__________________
تذبحنا الغيرة اذا مب مقصرين وسار يعرس .. صح بتكون فيه غيره اذا عرس في كل الأحوال بس أهون يوم يكون شي سبب مقنع لزواجه
وانا اقول غريبة كيف مأيدة الزواج الثاني .. تراج ما جربتي كيف يكون لج زوج واسرة تخافين عليهم من النسمة الطايرة مب من الحرمة الثانية
موفقه الغالية
__________________