اتصدقون من البارحه مب قادره ارقد عدل ،
ومقهوره موووووت منكم يا الرياييل
مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه
اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي
يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،
البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
اتعرفون شو صار فيني ،،،،
دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !
الحين عاد بتطلع فئة انصار الزواج من الثانيه وبيقولون له اسبابه
شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،
اتصدقون والله رديت البيت وانا فيني غبنه ،،،
واقول
احس الرياييل مالهم امان
خبروني ليش الرياييل يسوون جيه ليش !
وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته
اكره الريال الاناني اللي يتزوج على حرمته
وفي النهاية (مالكم امان يا الرياييل ) 
بصراحه يا عبق اشوفج وايد متحمسه ومنفعله الا منفجره بالموضوع شو سالفتج لا يكون ريلج ناوي يتزوج الثانيه ؟ بصراحه الله يعينه شكله ما يقدر يفكر مجرد تفكير انه ياخذ الثانيه !!
يرجى اغلاق الموضوع
لو كانت تحبه اكيد انها بتفكر انه زوجها بيكون لها بروحها
و اذا مافي حب بتخليه يشطح ويمرح على كيفه
المرآه تنظر لجهة الحب الحب الحب مفهووووووووووووووووووووووووم
دايما لما نسمع عن الحب … من ا لمعروف انه الحب يكون بين اثنين رجل وامرأه
مب بين رجل و4 حريم
ويعني اذا ربنا حلل التعدد خلاص يعني لازم الريال يبطر وياخذ 4
__________________
حضرة الريااااييل المتحترمين
احنا نعرف انه الشرع حلل اربع
لكن الحرمه لما تكون اتحب ريلها وتمووووووووووووت فيه ماتتمنى انه يكون لحد غيرها و ماتبا حد يلمس ايده غيرها
يعني نفس ماالريال يحب الحرمه و يغار عليها من نسمة الهوا ويباها تكون له هو وبس الحرمه بعد نفس الشي
المراة تنظر للموضوع من جهة المشاعر
والريال اصلا لو كان هناك في عشق وحب بينه وبين زوجته مستحييييييييييل يتزوج عليها لانه مايشوف فالدنيا غيرها
وسلامتكم
سؤال لكل الأخوات
ليش المرأة اذا تزوجت تفكر ان زوجها رح يكون لها وحدها بس؟ وهي تدري ان ربنا حلل التعدد ؟