ريلي أتزوج علية :(

244 thoughts on “ريلي أتزوج علية :(”

1. السلام عليكم ,,

   مع كل إحترامي إختي ..

   أولاً اللي سواه ريلج ضمن حدود الشريعة الإسلامية يعني ما سوى شي حرام (قولي الحمد لله)

   تقدري تعترضين على شرع الله .

   ثانيا هذا شي مقدر ومكتوب صار وإنتهى وإنتي الحمد لله عندج عيالج وبيتج وريلج مأمنج السكن .

   واللي يقول الدنيا مالها أماان هذا مع إحترامي ماعنده سالفة ..

   الحين سؤال لكم يالحريم إذا شو تفضلين

   إنه ريلج يروح للحرام ويكون زاني ؟؟

   أو

   إنه إذا عنده طاقة زايد يوديها للحلال ويكسب أجر بالزواج .؟؟؟

2. اخواني وخواتي ، ماشاء الله عليكم اشكر كل مرد وشارك واشكركم جميعاً والله وخاطري ارد على كل رد بس اصبرو عليه

   ما ادري منو دعى عليه من كتبت الموضوع البارحه صار عندي عطل في الكمبيوتر ما الدوام واتعطلت اموري واشغالي ، بس قريت كل الردود واحد واحد وبحاول ارد عليكم ان شاء الله

   بخلص شغلي في الدوام ولي رجعه لانه في ردود طفت اللهيب اللي في قلبي والباقي اشعلتها

   لي رجعه

   بس ماشاء الله ما ينخاف عليكم اذا انكتب موضوع شادين الحيل

   صباحوووو يورسول

   وينج من امس …. هذيل الرياييل دعو عليج

   على فكره (((رحااااااااااال ))) يقول انج طلعتي من الموضوع رحتي اتشيكين على ريلج وينه … فهل هذا الكلام صحيح ؟؟؟؟

   ياربي طفرونا لحد الحين الموضوع شغال

   خلاص خلوهم يتزوجون ….

   __________________

3. اخواني وخواتي ، ماشاء الله عليكم اشكر كل مرد وشارك واشكركم جميعاً والله وخاطري ارد على كل رد بس اصبرو عليه

   ما ادري منو دعى عليه من كتبت الموضوع البارحه صار عندي عطل في الكمبيوتر ما الدوام واتعطلت اموري واشغالي ، بس قريت كل الردود واحد واحد وبحاول ارد عليكم ان شاء الله

   بخلص شغلي في الدوام ولي رجعه لانه في ردود طفت اللهيب اللي في قلبي والباقي اشعلتها

   لي رجعه

   بس ماشاء الله ما ينخاف عليكم اذا انكتب موضوع شادين الحيل

4. احنا ما نناقش مبدأ التعدد لانه هذا موجود في الشرع وله تفصيل
   الحديث عن الطريقه الي مارس فيها هالانسان حقه

   ما سمعت من الي قالوا له الحق تعليقهم على مبدأ العدل بين الزوجات

   انا ما اعرف الزوجه بشو مقصه وما يهمني اعرف الي اعرفه انه الي يبا يخطوا خطوه يكون قدها وما يعلق اي تقصير منه في تطبيق التعدد على انه الزوجه الاولى مقصره بحقه..
   العدل يبقى مطلوب وما يشفع للزوج تقصير الاولى

5. في بعض الحريم عقلهم كبر راس الدبوس لا عقل ولا منطق

   وفي بعض الريايل يعتبرون حريمهم مكينه لا احساس ولا قلب

   الحينه في بعض الاعضاء نسو لب الموضوع وطاحو فالبنت مغربيه والخ ..

   ليش كم من المواطنين تزوجو هنديات ومصريات وفلبينيات ومن جميع الجنسيات وعيالهم طلعو رجال ويعرفون السنع الجنسيه ماتحكم على ان الولد يطلع فري ولا ماعنده سنع

   التربيه هي اللي تحكم

   والله ان الحريم بهالزمن 2009 ماينقاسن بحريم سنة 1980

   الحريم قبل مب متعلمات الا الدين وامور البيت لا عندهم ماجستير ولا دكتوراه لكن عقلهم لو توزعه بيكفي الف بنت بزمنا هذا

   الله يهديكم بس

   الحينه التعدد واجب ياجماعه هذا راي اغلب العلماء

   واللي تسال عن هالمواضيع ليش الريال يزوج مره ثانيه مايجوز مايجوز اكررر

   لانها تدخل بامور اباحها الله وهذا شرع مشرع

   كلمه بقولها لكل بنت ماتزوجت
   الريال مايرده عن الزواج بالثانيه الا شي واحد بيزاته وهالشي معروف عند الاغلب
   تحبين تكونين عاانسه ولا زوجه ثانيه

   اللي تقول عانسه اجزم انها جذابه لانه فطرتها غير ومافي انسان يغير فطرته ولا يقدر اصلا فليش النفاق وحب التميز اللي موجود

   الريال دامه قادر على العدل بين الزوجات يتوكل على الله ويزوج هاي نصيحه مني

   ماتكلمت من فراغ تكلمت من منطق اعرفه وعلم اقتدي به

Comments are closed.