ريلي أتزوج علية :(

244 thoughts on “ريلي أتزوج علية :(”

1. على قولت الشبرمي : وش اللي صار ماندري .. وماندري وش اللي صار

   فلا نحكم عالموضوع بما أننا لانعرف تفاصيله

   ولــــــــــكـن

   وفيه نقطه مهمه محد ركز عليها ، وهي أن الحرمه مخلفه من الريال 6 اطفال ما شاء الله

   وللأسف كثير من حريمنا
   من الله يرزقها باليهال تهتم فيهم وتركز عليهم على حساب الاهتمام اللي كانت تعطيه ريلها ..

   بل أن بعضهن تنسى الاهتمام حتى فنفسها شكلاً وفكراً

   فيمكن ايكون هذا أحد أسباب قدوم هالريال على هالخطوة

   أما عن المغربيات ، فللعلم أن بعضهن يسحرن شبابنا وشوابنا بالاهتمام والعناية الفائقه اللي تقدمها لهم واللي ما
   شافوها من قبل .. مب بسحر الدجالين .. وهذي بشهادات بعض اللي خذو مغربيات ..

   وطبعاً الريال فالنهاية هذا هدفه من الزواج ^_*

   ما شاء الله الموضوع ساخن والمشاركات فيه كبيره .. وإن شاء الله أن فايدته تعم الجميع

   مع الشكر ،،

2. دام قلت مخربية اكيد مسويتلة سحر
   اناء شفت وايد شباب اللة يهديهم يتزوجون مغربيات والمشكلة انة عندة عيال واكبر عنة بالسن

3. ماشاء الله الاعضاء كلهم متفاعلين بهالموضوع .. الصراحة موضوع في غاااية الاهمية

   المشاركات وصلت فوق ال 200

   انا عن نفسي اسمي الزواج بداية المشاكل وعوار راس ( مجرد راي)

   وبخصوص تعدد الزوجات.. انا مع تعدد الزوجات دام ان الشرع محلل 4 بس بشرط انه يختار وحده مناسبه ومن عاداتنا وتقاليدنا ومن بنت البلاد ( بعد مجرد راي)

   وهالموضوع شكله مابيعدي على خير

4. 

   اتصدقون من البارحه مب قادره ارقد عدل ،

   ومقهوره موووووت منكم يا الرياييل

   مرات اقول فعلاً الرياييل مافيهم خير لحريمهم

   واقول ما يملأ عيونهم الا الرمل

   مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه

   اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي
   
   يتني البارحه مليون فكره وفكره وقررت اني البسة الباب واقوله ( روح الله حسيبك )

   بتقولولي ليش منفعله وشو السالفه ،،،

   البارحه كنت في الصالون ودشت وحده وسلمت على راعية الصالون وتمت اتهذرب واتقول ،،

   قررت اكمل دراستي لانه محد بينفعني ،،،
   طلع نذل واتزوج عليه ريلي بعد ما يبتله 6 عيال
   تزوج علية بالسر ، وخذى وحده مغربيه بس كشفته
   وانا اقول ليش وين اتسير بيزاته ، كل ما نطلب انا وعياله ايقول ما عندي!

   اتعرفون شو صار فيني ،،،،
   
   دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !

   الحين عاد بتطلع فئة انصار الزواج من الثانيه وبيقولون له اسبابه
   
   شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،
   
   اتصدقون والله رديت البيت وانا فيني غبنه ،،،
   
   واقول

   احس الرياييل مالهم امان
   
   خبروني ليش الرياييل يسوون جيه ليش !
   
   وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )

   قلت في خاطري والله لو يسويها ريلي بطيره من الدريشة ، وماله مكان في بيتي !

   

   اكره الريال اللي مافيه خير لبيته واهله
   اكره الريال الاناني اللي يتزوج على حرمته

   وفي النهاية (مالكم امان يا الرياييل )

   الرياييل مالهم امان من زمان ، بس في هالزمن الحريم مالهم امان اكثر من الرياييل ، قسم بالله مصايب حريم هاليومين ، عافانا الله

   يوروسل ماتصدق تحصل موضوع ع الحرمه الثانية عشان تستلم الريال
   ليكون مهددنج بالثانية خخخخخ

   __________________

5. وعليكم السلام ورحمة الله وبركاته

   اخوي الرحال مشكور على النصايح مع اني وياك دارسين ومتعلمين عن الغيبه والنميمه والقذف..الخ بصف رابع ابتدائي بس اشكرك على النصيحه ولو ان ردي ما فيه اي شي عن الغيبه او النميمه والقذف وما شابه
   
   واللي اقتبسه لك هو من صلب الموضوع يعني انا ما حولت ولا حرفت :

   تزوج بالسر ومغربيه @@ انا اسأل من وين عرفها تقرب له او تشتغل بنفس مكان شغله ؟ انت ما تعرف ولا انا اعرف بس اذا بحكم من واقع اغلب القصص المشابهه ما بقول عن اللي تزوجها الا خخخخختتتتفووووو عليه تزوج مغربيه واللي بسبتها قصّر بحرمته الاولى وعياله الست ، وليش ماخذنها بالسر يمكن يخاف من الاولى ويمكن يخاف من الفضايح لانها ما تشرف والله اعلم..

   سمعنا كلام الحرمه منقوال عن طريق سول و ماسمعن سبب زواج الريال فبهاي الحاله يصعب الحكم .

   وذا تزوج من موطنه بعد بطلعون الف عله وعله الحسب و النسب الخ

   ابغيك بس اتيبلي دليل علي انه الحرمه هذي سيائت السمعه ,تتحاسب علي كلامك يوم المحشر ؟

   __________________

Comments are closed.