اتصدقون من البارحه مب قادره ارقد عدل ،
ومقهوره موووووت منكم يا الرياييل
مرات اقول فعلاً الرياييل مافيهم خير لحريمهم
واقول ما يملأ عيونهم الا الرمل
مهما سوت الحرمه ومهما ضحت وقدمت من تضحيات من أجل الزوج والاطفال يبقى الزوج اناني وما يفكر الا بنفسه
اسمحولي ،، ابا انفس عن نفسي ، اتصدقون يالسه اقول لو انحطيت بها الموقف شو راح اسوي
يتني البارحه مليون فكره وفكره وقررت اني البسة الباب واقوله ( روح الله حسيبك )
بتقولولي ليش منفعله وشو السالفه ،،،
البارحه كنت في الصالون ودشت وحده وسلمت على راعية الصالون وتمت اتهذرب واتقول ،،
قررت اكمل دراستي لانه محد بينفعني ،،،
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
طلع نذل واتزوج عليه ريلي بعد ما يبتله 6 عيال
تزوج علية بالسر ، وخذى وحده مغربيه بس كشفته
وانا اقول ليش وين اتسير بيزاته ، كل ما نطلب انا وعياله ايقول ما عندي!
اتعرفون شو صار فيني ،،،،
دمعة عيني وانا اسمعها ، اقول من حقها ترمس هاي الانسانه مقهوره موت ، يعني هي صبرت عليه على حلوه ومره وصبرت عليه انه ما عنده بيزات واخر شيء يتزوج عليها !
الحين عاد بتطلع فئة انصار الزواج من الثانيه وبيقولون له اسبابه
شو ها الاسباب اللي تخلي الواحد بعد ها العشره وماشاء الله عنده عيال 6 يكتشف انه ها الحرمه مب مريحتنه والا شاف راحته ويا حد غيرها ،
اتصدقون والله رديت البيت وانا فيني غبنه ،،،
واقول
احس الرياييل مالهم امان
خبروني ليش الرياييل يسوون جيه ليش !
وحليلها هي بعد رضت واتقول لصاحبة الصالون ( شو اسوي بتم اربي عيالي ومرده لي )
قلت في خاطري والله لو يسويها ريلي بطيره من الدريشة ، وماله مكان في بيتي !
اكره الريال اللي مافيه خير لبيته واهله
اكره الريال الاناني اللي يتزوج على حرمته
اكره الريال الاناني اللي يتزوج على حرمته
وفي النهاية (مالكم امان يا الرياييل ) 
والا اللي مرتاح واموره عدله ليش بيتزوج ثانيه وثالثه
اما موضوع جابتله 6 عيال الخ فهذي هذرت حريم ولا تسمن ولا تغني من جوع ومثل ما يقولون “لي فات الفوت ما يفيد الصوت”
اللي تبي تحافظ على زوجها فالمعادله سهله
تدير بالها على راحة زوجها وتتفانى في اسعاده والتجديد والابتكار في نفسها وبيتها وتقلل الاعتماد على الخدم وتحاول التكثيير من الي يحب (حتى وان لم تكن هي تحبه) وتقلل من اللي ما يحب (حتى اذا كانت هي تحبه)
الله يباركله ويستاهل ولكن يا ريت ما سواها بالسر !!!!!!!!
الحمد لله على نعمة الإسلام
غير المسلمين ما عندهم التعدد بس ….
عندهم الأمراض وعيال ما يعرفون منو أبوهم و عندهم الخيانه وعندهم الإجهاظ وعندهم الإنتحار وتشرد الأطفال والاختطاف وووووووو
فالوحده تحمد ربها انها مسلمه والشرع اباح انه الريال يتزوج 1 2 3 4 وما فكرتو ليش ما يزيد عن أربع حكمه من رب العالمين
الوحده تتصور عمرها 40 سنه وهي يالسه في بيت ابوها ما عندها ريال ولا عيال شو احساسها بتقبل بالتعدد او لا ؟؟؟؟
خلكم اشويه اتفكرون في المسأله من ناحيه عقليه مب عاطفيه كم عدد الذكور وكم عدد الإناث في البلاد ؟؟
الله يوم شرع التعدد ترا فيها حكمه
الله عزوجل ما يشرع شرع وفيه ظلم للعباد أبدا وتعالى الله عن ذالك حرم الظلم عن نفسه كيف يرضاه لعباده ؟
فالتعدد له مصلحه للعباد بس متى تكون مصلحه متى اتكون مفسده يرجع للشخص اللي يبغي يعدد إذا طبقه صح بيكون خير وإذا طبقه غلط بيكون عليه وزر .
والموضوع طويل يباله جلسات كثيره .
بس خلـآص
يآلله سيروآ انتحروآ
أقصد تغدوآ
و اشربوآ بعد الغدآ تيزآب
أسـهـل طريقة للتخلص من التعدد
لووووول
>>> سوآلف
” سبحــآنكـ اللهمـ بحمدكـ أشـهـد ان لـآ إلـه أنت أستغفركـ و أتوب إليكـ “
و السموحـة من الجميع
دمتم بـ سعـــــــــــــآدة
أنا قلت أحيانًا.. و عنيت بعض النساء المتزوجات مب كلهن.. لأن في منهن المسوسات عالآآآآآآخر و لابد ما تكوني صادفتي هالأمثلة اللي أعنيها في حياتج،،،
أنا طلعت براسي الفكرة … و شكلي ما بااااخذ إلا معرسسس.. عناااااااااااد
__________________
البنية يوم نشت شافت ولد البلاد مسوي سواياه ردت رقدت
__________________